সাইন্স অমসুং তেক্নোলোজী মন্ত্রালয়
চেন্নাইদগী দি.এস.তি. ইন্সপাইয়র ফেকল্তীনা ত্রান্সজিনিক জেব্রাফিস শীজিন্নদুনা অতোপ্পা এন্তি-কেন্সর লায়েং পথাপ্তা থবক চঙশিল্লি
Posted On:
20 JAN 2021 1:52PM by PIB Imphal
সাইন্তিস্তশিংনা তেক্নিকেল ওইবা লোন্দা এঞ্জিওজিনেসিস হায়না কৌবা হকচাঙদা তিসুশিংদা ওক্সিজেন অমসুং ন্যুত্রিএন্তশিং য়ৌহল্লিবা অনৌবা ঈগী উতোংশিংগী ফোর্মেসন্দা থোরকপা ত্যুমরদা তার্গেত তৌবা অতোপ্পা এন্তি-কেন্সর থেরাপী অমা থিরি।
এঞ্জিওজিনেসিস অসি ত্যুমরশিনা চাউখৎলক্নবা ঈ মথৌ তাবা মরম্না কেন্সর চাউখৎলকপদা য়াম্না মরু ওই। ত্যুমরশিংনা এঞ্জিওজিনেসিস থোকহনবা কেমিকেল সিগনেল পীদুনা ঈগী সেলশিং চাউখৎহল্লি। এঞ্জিওজিনেসিস দিরিগুলেত তৌবনা ত্যুমর চাউখৎলক্নবগী অমদি খুমাঙ চাওশিল্লক্নবগী মরুওইবা মরম্নি।
ত্যুমর এঞ্জিওজিনেসিস হন্থহনবা অসি কেমোথেরাপীগী মথঙদা ময়াম্না পাম্নবা এন্তি-কেন্সরগী লাল্লোং অমা ওইরি। অদুম ওইনমক ক্লিনিকেল ওইনা অয়াবা ফংলবা এন্তি-এঞ্জিওজিনিক দ্রগশিং অসি মোলিক্যুল ময়াম অমা য়াওবা তোঙান তোঙানবা কম্পেন্সেতরী মেকানিজমশিংসু এক্তিবেসন তৌহন্দুনা ত্যুমর এঞ্জিওজিনেসিস্তা মতেং পাংশিনবনা কান্নবা ফংদে অমদি মেকানিজম অসিগী মরমদা থিজিনবনা এন্তি-এঞ্জিওজিনিক লায়েং পথাপ পুথোকপদা মরু ওই।
ভারত লৈঙাক্কী দিপার্তমেন্ত ওফ সাইন্স অমসুং তেক্নোলোজীনা পায়খৎপা ইন্সপাইয়র ফেকল্তী ফেলোসিপ ফংলবা চেন্নাইগী অন্না য়ুনিভর্সিতীগী সেন্তর ফোর বাইওতেক্নোলোজীদগী দোক্তর বিমলরাজ সেলবরাজনা কম্পেন্সেতরী এঞ্জিওজিনেসিস সিগনেল পীরিবা মচাকশিংগী থৌদাংশিংবু কেন্সর লায়েংগ মরুওইবা পান্দম অমা ওইনা থিজিল্লি।
মহাক্না ত্যুমর মাইক্রোওর্গানিজমদা এঞ্জিওজিনেসিস লেপহনবদা নাইত্রিক ওক্সাইদ (এন.ও.)না মরুওইবা থৌদাং লৌই অমদি মেলাতোনিন হোর্মোন্না ত্যুমর এঞ্জিওজিনেসিসপু নমশিন্দুনা থম্মি হায়বা মাঙজৌননা ফংবা ঙমখ্রে। মাইক্রোভাস্কুলর রিছর্চ, লাইফ সাইন্সেস অমসুং নাইত্রিক ওক্সাইদ চেফোঙদা ফোঙখিবা থিজিন ৱারেং অদুনা কেম্পেন্সেতরী মেকানিজম অসি কান্নবা এন্তি-কেন্সর লায়েং পথাপ পুথোক্নবগী মতিং লৈবা পান্দম অমনি হায়বা উৎলি।
ইন্সপাইয়র ফেকল্তী প্রোগ্রাম শীজিন্নদুনা দোক্তর বিমলরাজ অমসুং মহাক্কী থিজিন কাঙবুনা ত্যুমর মাইক্রোওর্গানিজমদা কম্পেন্সেতরী এঞ্জিওজিনেসিস মেকানিজমগী মরমদা মখা তানা থিজিন্নবা সি.আর.আই.এস.পি.আর./সি.এ.এস.৯ জিন-ইদিতিং তুল শীজিন্নদুনা ত্রান্সজিনিক জেব্রাফিস (জিনোমদা এক্সোজিনস জিনশিং হাপচিনবা) মোদেল শেমগৎনবা মখা তানা থবক চঙশিল্লি। এঞ্জিওজিনেসিস মখল অনিগী (স্প্রাউতিং এঞ্জিওজিনেসিস অমসুং ইনতুসসসেপ্তিব এঞ্জিওজিনেসিস) মরক্তা বাইওমোলিক্যুলশিংগী খেন্নবা এক্সপ্রেসন অমদি মখোয়গী মোলিকুলর মেকানিজম ত্যুমর মাইক্রোএনভাইরনমেন্ততা ত্রান্সজিনিক জেব্রাফিস মোদেল শীজিন্নদুনা এনালাইজ তৌগনি।
ত্রান্সজিনিক নৎত্রগা সি.আর.আই.এস.পি.আর./সি.এ.এস.৯ ইদিতেদ জেব্রাফিস প্লেতফোর্ম (তি.জি.পি.) অসি প্রোজেক্ত অসিগী মথঙগী তাঙ্কক্তা দ্রগ অমবু এন্তি নৎত্রগা প্রো-এঞ্জিওজিনেসিস ওইনা কয়া য়াম্না ময়াক লৈগদগে হায়বদু থিজিনবদা কান্নগনি।
ত্রান্সজিনিক জেব্রাফিস মোদেল অসি থুনা শেমগৎপা য়াবা, ওপ্তিকেল্লী ত্রান্সপেরেন্ত ওইবা, ওফস্প্রিং য়াম্না পুথোকপা অমদি ফোর্ৱার্দ অমসুং রিভর্স জিন মেনিপুলেসনগী অরায়বা তেক্নিক ওইবা মরম্না ইনতুসসসেপ্তিব এঞ্জিওজিনেসিসকী লমদা থিজিন্নবগীদমক খনখিবনি। সি.আর.আই.এস.পি.আর./সি.এ.এস.৯ ইদিতেদ জেব্রাফিস প্লেতফোর্ম অসি প্রোজেক্ত অসিগী মথঙগী তাঙ্কক্তা দ্রগ অমবু এন্তি নৎত্রগা প্রো-এঞ্জিওজিনেসিস ওইনা কয়া য়াম্না ময়াক লৈগদগে হায়বদু থিজিনবদসু শীজিন্নগনি।
ভিমলরাজ সেলবরাজ, দি.এস.তি.-ইন্সপাইয়র ফেকল্তী
অহেনবা অকুপ্পা ৱারোলগীদমক দোক্তর বিমলরাজ সেলবরাজকা (vimalr50@yahoo.com, vimalr50@annauniv.edu) পাউ ফাউনবা য়াগনি।
*****
(Release ID: 1690375)
Visitor Counter : 105