এম/ও ত্রাইবেল এফিয়র্সনা এম/ও স্মোল এন্দ মীদিয়ম এন্তর্প্রাইজেসকী কে.ভি.আই.সি.গা লোইননা মরু ওইবা এম.ও.য়ু. অনি খুৎয়েক পীনখ্রে। প্রধান মন্ত্রীনা খাদিবু ফিলোসোফী অমা ওইনা লৌনবা অমসুং আত্মা নির্ভর ভারতকী অমদি ভোকেল ফোর লোকেলগী মরু ওইবা মচাক অমা ওইনা লৌনা ফোঙদোকখিবা অদুগী মতুং ইন্না, ত্রাইবেল এফিয়র্স মন্ত্রালয় (এম.ও.তি.এ.)না নেস্নেল এজুকেসন সোআইতী ফোর ত্রাইবেল স্তুদেন্তস (এন.ই.এস.তি.এস.)কী খুত্থাংদা চাউরাক্না লুপা করোর ১৫রোমগী শেনফমদা খাদি ফী মিতর লাখ ৬রোম লৈশিন্নবা খাদি ভিলেজ ইন্দস্ত্রীস কম্মিসন (কে.ভি.আই.সি.)গা লোইননা মেমোরেন্দম ওফ অন্দর্স্তেন্দিং (এম.ও.য়ু.) অমা ইন্নখ্রে। য়ুনিফোর্মশিং অসি নেস্নেল ইন্সতিত্যুত ওফ ফেশন তেক্নোলোজী (এন.আই.এফ.তি.)না দিজাইন তৌখিবনি। হৌজিক্কীওইনা ভারতকী রাজ্য ২৩গী মনুং হঞ্জিনবা মফমশিংদা লৈবা একলব্যা মোদেল রেসিদেন্সিএল স্কুলশিংদা ত্রাইবেল মহৈরোই ৭৩০০০ হৌজিক্কী ওইনা লৈরি। এম.ও.য়ু. অসি কেন্দ্রগী ত্রাইবেল এফিয়র্সকী মন্ত্রী শ্রী অর্জুন মুন্দা অমসুং কেন্দ্রগী মাইক্রো, স্মোল এন্দ মীদিয়ম এন্তর্প্রাইজেসকী (এম.এস.এম.ই.)গী মন্ত্রী শ্রী নিতিন গদকরীগী মমাংদা খুৎয়েক পীনখি। থৌরম অসিদা ত্রাইবেল এফিয়র্সকী রাজ্য মন্ত্রী শ্রীমতি রেনুকা সিং সরুতা, এম.এস.এম.ই.গী রাজ্য মন্ত্রী শ্রী প্রতাপ সি. সরাঙ্গি, কে.ভি.আই.সি.গী চিয়রমেন শ্রী ভি.কে. সক্সেনা অমসুং এম.ও.তি.এ.গী সেক্রেতরী শ্রী দীপক খান্দেকরনা শরুক য়াখি।

থৌরম অসিদা ৱা ঙাংলদুনা কেন্দ্রগী ত্রাইবেল এফিয়র্সকী মন্ত্রী শ্রী অর্জুন মুন্দানা হায় প্রধান মন্ত্রীগী লুচিং মখাদা ত্রাইবেল এফিয়র্স মন্ত্রালয়না মখোয়গী মরু ওইবা খোঙথাংশিংগী মরক্তা অমা ওইরিবা একলব্যা মোদেল রেসিদেন্সিএল স্কুলশিং (ই.এম.আর.এস.)কী খুত্থাংদা এস.তি. মহৈরোইশিংদা ক্বালিতী এজুকেসন ফংহনদুনা ত্রাইবেল এজুকেসন খুমাং চাউশিন্নবা মীৎয়েং চংলি। “হৌজিক ফাওবদা স্কুলশিং অসিদা মহৈরোইশিংগী স্তেন্দর্দাইজ স্কুল য়ুনিফোর্ম অমত্তআ লৈত্রি। নই দিল্লীগী নেস্নেল ইন্সতিত্যুত ওফ ফেশন তেক্নোলোজী (এন.আই.এফ.তি.)না ফীরোল অসি অখন্নবা লোগো অমসুং কলর স্কীমগা লোইননা দিজাইন তৌখ্রে অমসুং কে.ভি.আই.সি.দগী লৌদুনা ফীরোল তুনবা খ্বাইদগী অফবা খাদি ফী খন্নখ্রে,” হায়না মন্ত্রীনা ফোঙদোকখ্রে। হৌজিক মথৌ তারিবা খাদি ফীগী মিতর লাখ ৬.০ অসি স্কুলশিংদা এনরোলমেন্ত হেনগৎলকপগা ইরোইননা মসিসু হেনগৎলক্কনি।

শ্রী অর্জুন মুন্দানা হায় এম.ও.য়ু. অনি অসিনা মন্ত্রালয় অনিগী মরক্তা চুংশিন্নবা অসিদা অনৌবা পন্দুপ অমা হাংলগনি অমসুং মসিনা লোকেল মেন্যুফেকচর অমসুং থবক পীরগনি। মসিনা গান্ধীজিনা পীরম্বা ‘স্বাদেশ’ অমসুং ‘স্বারাজ’ অমসুং প্রধান মন্ত্রী শ্রী নরেন্দ্র মোদীগী আত্মা নির্ভর ভারতকী পাউজেল অমুক হন্না পীবদা কান্নরগনি। মন্ত্রীনা হায় ঐখোয়গী প্রধান মন্ত্রীগী ন্যু ইন্দিয়া অমা ওইহন্নবা মঙলান অদু মঙ ফাওননবা ঐখৌয়না পাঙথোক্কদবা থৌদাং ওইরি। হেন্না অকুপ্পা মরোল অদু পাউদম্লদুনা শ্রী অর্জুন মুন্দানা হায় সরকারনা ত্রাইবেলশিংগী য়াইফনবা তোঙান তোঙানবা মন্ত্রালয়শিংদা এস.তি.সি. ওইনা লুপা করোর ৪৫০০০ কাইথখ্রে অমসুং ত্রাইবেল এফিয়র্স মন্ত্রালয়না দেতা মেনেজমেন্তগী খুত্থাংদা এস.তি.সি.গী একাউন্তশিং থম্নবা মোনিতরিং সেল অমা লিংখৎখ্রে। মন্ত্রালয় অমমমদা থাদখিবা, এস.তি.সি.গী এক্সপেন্দিচর অমসুং আউৎকমশিং অসি মন্ত্রালয়গী দেশবোর্দতা উৎলি হায়না শ্রী অর্জুন মুন্দানা ফোঙদোকখ্রে।

মহাক্না হায় এম.ও.তি.এ.না দিজিতেলাইজেসন তৌদুনা মাগী কান্নবশিং ত্রাইবেলগী মফমশিংদা য়ৌহন্নবা হোৎনরি। জিওগ্রাফিকেল আউৎরীচ চাউনা হেনগৎহন্নবা অমসুং মহৈরোইশিংগী লর্নিং আউৎকমশিং ফগৎহন্নবা মখল কয়াগী ক্বালিতিতিব ওইবা অহোংবশিং পুরক্নবা ইং কুমজা ২০১৮-১৯দা একলব্যা মোদেল রেসিদেন্সিএল স্কুল স্কীম শেমদোকখ্রে। “লৈবাক অসিগী মনুং হঞ্জিনবা ত্রাইবেল ব্লোকশিংদা অনৌবা ই.এম.আর.এস. ৪৫২ লিংখৎলগনি। মসি ত্রাইবেল এজুকেসনগী লমদা অচৌবা অওনবা অমনি অমদি ইং কুমজা ২০২২ ফাওবদা লৈবাক অসিদা ই.এম.আর.এস. ৭৪০ লৈরগনি,” হায়না মহাক্না ফোঙদোকখ্রে।

 

থৌরম অসিদা ৱা ঙাংলদুনা শ্রী নিতিন গদকারীনা হায় ত্রাইবেল এফিয়র্স মন্ত্রালয়না মন্ত্রালয় অসিনা চল্লাইবা একলব্যা রেসিদেন্সিএল স্কুলশিংগী মহৈরোইশিংগীদমক্তা ২০২০-২১দা লুপা করোর ১৪.৭৭ রোমগী খাদি ফীগী মিতর লাখ ৬ হেন্না লৈশিল্লগনি। মহাক্না হায় খাদি ফী লৈবগী চাং অসি চহি খুদিংগী একলব্যা স্কুলশিংগী মশিং হেনগৎলকপগা ইরোইননা চান্ননা হেনগৎলক্কনি।

মহাক্না হায় লৈবাক অসিগী তুংগী য়ুম্বী ওইরিবা অঙাংশিংদা ভারত সরকারনা মতম পুম্বদা স্কিম কয়ামরুম অমসুং প্রোগ্রামশিংগী অহেনবা মীৎয়েং চংফম ওইরি। “এজুকেসনগী স্কিমবু ওইরে, স্কিম দিবেলপমেন্ত, ন্যুত্রিসন নত্রগা হীরম খুদিংমক্কী দিবেলপমেন্তদবু ওইরে ‘সবকা সাথ সবকা বিকাস’ কী ৱাখল্লোন অসিগা লোইননা চত্তুনা ভারত সরকারনা শিংথানিংঙাই ওইরবা খোঙথাং কয়ামরুম লৌখৎখ্রে। লৈবাক অসিনা “মহাত্মাগী চহি ১৫০ শুবগী পালন তৌরিঙৈ” চৈরক অসিদা ত্রাইবেল খুঙ্গংশিংদা মহাত্মা গান্ধীগী পাউজেলশিং ফংহন্নবা মসিদগী হেনবা পাম্বৈ অমা লৈররোই হায়না শ্রী গদকরিনা ফোঙদোকখি।

ঙসি খুয়েক পীনখিবা ২সুবা এম.ও.য়ু. অদু এন.এস.তি.এফ.দি.সি. অমসুং কে.ভি.আই.সি. অনিগী মরক্তনি। এন.এস.তি.এফ.দি.সি. অসি ইকনোমীগী সেক্তর খুদিংমক্তা মচিন তুমখৎলক্লিবা সেদ্যুল ত্রাইবশিংদা ওন্তপ্রিনোরগী বেনছরশিং পীথনবা অমসুং ভারত্তা লৈরিবা ত্রাইবেলশিংগী শেন্মীৎলোন চাওখৎহন্নবা কন্সেস্নেল লোন স্কিমশিং ইম্প্লিমেন্ত তৌবদা থৌদাং লৌরিবা ত্রাইবেল এফিয়র্স মন্ত্রালয়গী মখাদা লৈবা সেক্সন ২৫ কম্পনী অমনি। এন.এস.তি.এফ.দি.সি. অসি পি.এম. ইম্প্লোইমেন্ত জেনেরেসন প্রোগ্রাম (পি.এম.ই.জি.পি. স্কিম)গী মখাদা এস.তি.শিংগী মরক্তা পি.এম.ই.জি.পি. পীবা হেনগৎহন্নবা ইম্প্লিমেন্তিং এজেন্সী অমা ওইনা হাপখ্রে। মসিগী এম.ও.য়ু. অসি খুয়েক পীনখিবগা লোইননা নেস্নেল সেদ্যুল ত্রাইবস ফাইনান্স অমসুং দিবেলপমেন্ত কোর্পোরেসন (এন.এস.তি.এফ.দি.সি.) অসি পি.এম.ই.জি.পি.গী মখাদা ইম্প্লিমেন্তিং এজেন্সী অমা ওইনা হাপ্পগনি অমসুং মসি এন.এস.তি.এফ.দি.সি. অমসুং কে.ভি.আই.সি. অনিগী মরক্তা খুৎশম্ননা চৎমিন্ননবা শিংথানিংঙাই ওইরবা খোঙথাং অমনি।  মসিনা পি.এম.ই.জি.পি.গী মখাদা শেল থাদগবা মচিন তুমখৎলক্লিবা এস.তি. মাইক্রো-এন্তপ্রাইসশিং খন্দোকপদা মতেং ওইরগনি অমসুং ত্রাইবেলশিংদা পি.এম.ই.জি.পি. ফংহনবা হেনগৎহনবদা মতেং পাংলগনি। মরম অদুনা এন.এস.তি.এফ.দি.সি. অমসুং কে.ভি.আই.সি.গী মরক্তা খুয়েক পীনরিবা এম.ও.য়ু. অসিনা মসিগী শিল-লাংবা অসি ফোর্মেল ওইনা চৎনহল্লগনি অমসুং পি.এম.ই.জি.পি. স্কিমগী চাওরবা মশা-মরেংগী মখাদা ত্রাইবেল ওন্তপ্রিনোরশিং য়ৌহনবা ঙম্লগনি।

ত্রাইবেল এফিয়র্সকী রাজ্য মন্ত্রী শ্রীমতী রেনুকা সিংহ সারুতা অমসুং এম.এস.এম.ই.গী রাজ্য মন্ত্রী শ্রী প্রতাব সি. সারঙ্গিনা এম.ও.য়ু. অনি অসিনা লোকেল মেন্যুফেকচরর ইন্দস্ত্রী অমসুং ত্রাইবেল মীয়ামদা পীরগদবা কান্নবশিং শন্দোক্না তাকখি। কে.ভি.আই.সি.গী চিয়র্মেন শ্রী ভি.কে. সক্সেনা অমসুং এম.ও.তি.এ.গী সেক্রেতরী শ্রী দীপক খান্দেকরনসু মসি লোকেল মেন্যুফেকচরর অমসুং ত্রাইবেল মীয়াম অনিমক্তা কান্নবা পীনবা মসিগা মান্নবা এরিয়াশিংদা পার্তনরশীপ হেনগৎপদা মতেং পাংগদবা অনৌবা মাইয়োল অমনি হায়না হরাওবা ফোঙদোকখি।

এম.ও.য়ু. অনিগী অকুপ্পা মরোলগী লিঙ্ক

****

 

(Release ID: 1690246) Visitor Counter : 95