মেদিয়া ওর্গনাইজেসন অমা ওইরিবা স্বারাজ্যনা ভেদন্তাগা খুৎশম্নরগা শিনখিবা অত্মনির্ভর ভারতনা হিরম ওইখিবা ৱেবিনার অদুদা সাইন্স অমসুং তেক্নোলোজী, আর্থ সাইন্সেস অমসুং হকশেল অমসুং য়াইফ য়ুম্বালগী কেন্দ্রগী মন্ত্রী দা. হার্শ বর্ধননা ৱা ঙাংখ্রে৷ থৌরম অসিদা ৱা ঙাংলদুনা “আত্মনির্ভর ভারত অসিনা ঐখোয়গী সরকার অসিগী খ্বাইদগী মীৎয়েং চংফম ওইরিবা হিরমশিং অসিগী মনুংদা অমা ওইখ্রে অমসুং মসিগী মতুং ইন্না ইকোনোমী পোলিসী পুম্নমক শেম্লি” হায়না দাক্তর হার্শ বর্ধননা ফোংদোকখ্রে৷ অন্ত্যোদয়াগী অশেংবা ৱাহন্থোক ওইরিবা ভারততা লৈরিবা মীওই পুম্নমক চপ মান্নবা মওং অমদা খুদোংচাবা ফংহন্দুনা অরৈবা-লৈতবা, লাইরবা-ইনাক খুনবা পুম্নমক্কী লৈরক্তা লৈরিবা গেপ অসি মেনশিন্নবা ঐখোয়গী সরকার অসিনা মীৎয়েং থম্লি”৷

“অত্মনির্ভর ভারত অসি ভারততা লৈরিবা মীওইশিং অসিদা চানা থক্নবা, তল-চা চাং মান্ননা ফংহনবা অসি নত্তনা লৈরিবা মীওইশিং অসিগী বেঙ্ক অকাউন্ত হাংহন্দুনা, পুং ২৪ মৈ পীদুনা, থক্নবা ইশিং মরাং কাইনা ফংহন্দুনা, য়ুম শাবিদুনা, সোসিয়েল সেক্যুরিতী লৈহন্দুনা অমসুং ময়াম অসিবু থবক অমসুং অফবা চিঞ্জাত ফংহন্দুনা হেন্না ফবা পুন্সি মরেল অমদা হিংহন্দুনা ভারততগী লাইরবা মুথৎনবা প্লান অমনি”হায়না মন্ত্রী অসিনা মখাতানা ফোংদোকখ্রে৷

“লৈবাক মীয়াম অসিগী মরক্তা করম করম্বা মীওইশিং অসিদা কোবিদ-১৯গী ভেক্সিন হান্না কাপকদগে হায়বা অসি খন্দোক্নবা অমসুং য়েংশিন্নবা ইকাই খুম্নরবা প্রধান মন্ত্রী অসিগী লুচিং মখাদা কোবিদ-১৯গী ভেক্সিন এদমিনিস্ত্রেসনগী নেস্নেল এক্সপর্ত গ্রুপ অমা শেমখ্রে৷ লৈবাক অসিদা শাজবা কো-ৱিন: কোবিদ-১৯ ভেক্সিন দেলিভরীগীদমক দিজিতেল প্লেতফোর্ম শেমখ্রে”, হায়না মহাক্না ফোংদোকখ্রে৷

“লাইনা-লাইচৎ অসিগী ফিভম অসি হন্থনবগী পান্দমদা ঐখোয়না হোৎনরিবা অসিনা ঐখোয়গী হেল্থ সিস্তেমশিং অসি খ্বাইদগী ফরবা থাক অমদা লৈহল্লে অমসুং হায়রিবা অসিনা মতুং তারকপা পুন্সি অসিদা হেন্না হোংবা অমসুং ক্বালিতী লৈবা হেল্থ কেয়র ময়ামদা ফংহন্নবগী য়ুমফম অমা ওইরগনি হায়না ঐনা থাজৈ” হায়না দা. হার্শ বর্ধননা ফোংদোকখ্রে৷

মখাতানা অকুপ্পা মরোলশিং পীরদুনা মহাক্না অসুম্না ফোংদোকখ্রে, “দি.বি.তি. অমসুং বিরেকনা ভেক্সিনশিং, দাইয়েগ্নোস্তিক অমসুং থেরাপেতিক্সগী থিমেতিক এরিয়াশিং অসিদা প্রোজেক্ত ১২০রোম সপোর্ত তৌদুনা লাইনা-লাইচৎ অসি থেংননবগীদমক  হেন্না ফবা ভেক্সিন শেম্ননবা হৌখিবা থা তরা অসিদা লেপ্পা লৈতনা য়াম্না কন্না হোৎনদুনা লাক্লি”৷

“মরু ওইবা মোলিকুলর বাইওলোজী কম্পোনেন্ত ১৫ অমসুং রিএজেন্তশিং অসি লৈবাক অসিদা শেম্ননবগীদমক ভারতকী মেনুফেকচরর ২০০ হেনবনা নেস্নেল বাইওমেদিকেল ইন্দিজিনাইজেসন কন্সোর্তিয়মগী মখাদা মেক ইন ইন্দিয়া ইনিয়িসেতিব অমা ওিরিবা এন-বি.আর.আই.সি. অসিদা রেজিস্তর তৌখ্রে”, হায়না মন্ত্রী অসিনা ফোংদোকখ্রে৷

“অসিগীসু মথক্তা দি.বি.তি.না ভেক্সিন কেন্দিদেৎ ১৫রোমগী দিভেলপমেন্তদা মতেং পাংলি৷ মসিগী মনুংদা ভেক্সিন কেন্দিদেৎ ৩দি ক্লিনিকেল ত্রাইয়েল স্তেজতা লৈরি অমসুং কেন্দিদেৎ ২না এদভান্স প্রি-ক্লিনিকেল দিভেলপমেন্তেল স্তেজতা লৈরি”, হায়না মহাক্না শন্দোক্না ফোংদোরকখ্রে৷

“জিনোমিক্স অমসুং থেরাপেতিক্স ফ্রন্ততা, পান-ইন্দিয়া, ১০০০সার্স-কোব-২ জিনোম সিক্বেন্সিং অসি মাই পাক্না মপুং ফারে অমসুং ভাইরস অসিগী মতাংদা হেন্না খঙননবা দাতা নৈনরি”, লৈবাক অসিনা সার্স-কোব-২গী অনৌবা মখল অসিগী ফিভম অসি য়েংশিন্দুনা খঙদোক্নবা ইন্দিয়ন সার্স-কোব-২ জিনোমিক সনসোর্তিয়ম ইন্সাকোগ পুথোকখ্রে৷

 “কোবিদ-১৯ দিতেক্ত তৌননবগীদমক নোবেল পেপর বেস দাইয়েগ্নোস্তিক কিৎ, ফেলুদা ঐখোয়না শেমখ্রে৷ অসিগুম্বা অখন্নবা তেক্নোলোজী অসিগী থৌদাং লৌরিবা তাতা সন্সনা হায়রিবশিং অসি অথুবা মতমদা থাদোরকপা য়াই” হায়না মহাক্না ফোংদোকখ্রে৷” “রিলাইন্স ইন্দস্ত্রীশিংগা খুৎশম্নদুনা শিজিন্নবদা য়াম্না লাইবা অমসুং য়াম্না থুবা আর.তি.-লেম্প দাইয়েগ্নোস্তিক কিৎ শেম্লিবা অদু আই.সি.এম.আর.না য়েংশিল্লি”৷ “সি.এস.আই.আর. লেবশিংনা সার্স-কোব-২ বাইরেল জিনোম ২০০০গী চাংদা নৈনদুনা ভারততা শন্দোক্লিবা মখল, মহিক অসিগী ম্যুতেসন স্পেক্ত্রম অমসুং লৈবাক অসিদা লৈরিবা ভাইরস মখল অসি নৈনবদা য়াম্না চাওবা থৌদাং লৌখ্রে”৷

“লাইনা-লাইচৎ অসিগী মনুং অসিদা ঐনা নোংলুপ্না হায়রি মদুদি কোবিদ-১৯না মরম ওইদুনা মী শিহনবগী চাং অসি ঙসি ঙসি ফাওবদা ঐখোয়না চাদা ১.৪৪ য়াম্না নেম্না থম্বা ঙম্বা অসিগীদমক ভারতপু মালেম অসিনা থাগৎখ্রে” হায়না কেন্দ্রগী মন্ত্রী অসিনা লৈবাক মীয়াম অসিগী মমাংদা ফোংদোকখ্রে৷

“লৈবাক অসিদা লৈরিবা মীওইশিং অসি মশা মরোমদোম লেপচবা ঙম্নবা মীয়ামশিং অসিবু মখাতানা তাকপি তম্বিবা তঙাই ফদে৷ মখোয় ময়াম অসিনা নিংথীনা গ্যান তাদুনা খঙলকপা মতমদা মসিনা লৈরিবা ফিভম অসিদা অচৌবা অহোংবা পুরক্লগনি৷ মসিগী পাংথোক্লিবা ৱেবিনার অসি অচুম্বা খোঙথাং অমনি” হায়দুনা মহাক্না ৱারোইশিন পীখি৷

                                                                                            *****

(Release ID: 1688927) Visitor Counter : 120