ಭಾರತದ ಪ್ರಥಮ ದೇಶೀಯ ಎಂ.ಆರ್.ಎನ್.ಎ. ಲಸಿಕೆ ಭಾರತೀಯ ಔಷಧ ನಿಯಂತ್ರಕರಿಂದ I/IIಹಂತದ ಚಿಕಿತ್ಸಾಲಯ ಪ್ರಯೋಗ ನಡೆಸಲು ಅನುಮೋದನೆ ಪಡೆದುಕೊಂಡಿದೆ. ಎಂ.ಆರ್.ಎನ್.ಎ ಲಸಿಕೆ, ಎಚ್.ಜಿ.ಸಿ.ಓ 19 ಅನ್ನು ಪುಣೆಯ ಜೆನ್ನೋವಾ ಅಭಿವೃದ್ಧಿಪಡಿಸಿದೆ ಮತ್ತು ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವಾಲಯದ ಜೈವಿಕ ತಂತ್ರಜ್ಞಾನ ವಿಭಾಗದ ಇಂಡ್-ಸಿಇಪಿಐ ಅಭಿಯಾನದ ಅಡಿಯಲ್ಲಿ ಸೀಡ್ ಅನುದಾನದೊಂದಿಗೆ ಬೆಂಬಲಿಸಲಾಗಿದೆ.

ಎಂ.ಆರ್.ಎನ್.ಎ. ಲಸಿಕೆ ಪ್ರತಿರಕ್ಷಣಾ ಸ್ಪಂದನೆ ಉತ್ಪಾದಿಸಲು ಸಾಂಪ್ರದಾಯಿಕ ಮಾದರಿಯನ್ನು ಬಳಸುವುದಿಲ್ಲ. ಬದಲಾಗಿ, ಎಂಆರ್‌.ಎನ್‌.ಎ ಲಸಿಕೆ ವೈರಸ್‌ ನ ಸಂಶ್ಲೇಷಿತ ಆರ್‌.ಎನ್‌.ಎ ಮೂಲಕ ದೇಹದಲ್ಲಿನ ಪ್ರೋಟೀನ್‌ ಅನ್ನು ತಯಾರಿಸಲು ಆಣ್ವಿಕ ಸೂಚನೆಗಳನ್ನು ಹೊಂದಿರುತ್ತದೆ. ಗುರುತಿಸಲಾದ ವೈರಾಣು ಪ್ರೋಟೀನ್ ಅನ್ನು ಉತ್ಪಾದಿಸಲು ಆತಿಥೇಯ ಕಾಯವು ಇದನ್ನು ಬಳಸುತ್ತದೆ ಮತ್ತು ಆ ಮೂಲಕ ದೇಹವು ರೋಗದ ವಿರುದ್ಧ ರೋಗನಿರೋಧಕ ಶಕ್ತಿಯನ್ನು ಪಡೆದುಕೊಳ್ಳುತ್ತದೆ. ಅವುಗಳ ಕ್ಷಿಪ್ರ ಅಭಿವೃದ್ಧಿ ಕಾಲಾನುಕ್ರಮಣಿಕೆಯ ಕಾರಣ ಸಾಂಕ್ರಾಮಿಕ ಎದುರಿಸಲು ಎಂ.ಆರ್.ಎನ್.ಎ. ಆಧಾರಿತ ಲಸಿಕೆ ವೈಜ್ಞಾನಿಕವಾಗಿ ಸೂಕ್ತವಾದ ಆಯ್ಕೆಯಾಗಿದೆ. ಎಂ.ಆರ್.ಎನ್.ಎ.  ಲಸಿಕೆಯನ್ನು ಸಾಂಕ್ರಾಮಿಕವಲ್ಲದ, ಪ್ರಕೃತಿಯಲ್ಲಿ ಸಂಯೋಜಿಸದಿರುವಂತೆ ಮತ್ತು ಪ್ರಮಾಣಿತ ಸೆಲ್ಯುಲಾರ್ ಕಾರ್ಯ ವಿಧಾನಗಳಿಂದ ತಗ್ಗಿಸುವ ಕಾರಣ ಸುರಕ್ಷಿತವೆಂದು ಪರಿಗಣಿಸಲಾಗುತ್ತದೆ. ಜೀವಕೋಶದ ಸೈಟೋಪ್ಲಾಸಂನೊಳಗಿನ ಪ್ರೋಟೀನ್ ರಚನೆಗೆ ಪರಿವರ್ತಿಸಬಹುದಾದ ಅವರ ಅಂತರ್ಗತ ಸಾಮರ್ಥ್ಯದಿಂದಾಗಿ ಅವು ಹೆಚ್ಚು ಪರಿಣಾಮಕಾರಿ ಎಂದು ನಿರೀಕ್ಷಿಸಲಾಗಿದೆ. ಹೆಚ್ಚುವರಿಯಾಗಿ, ಎಂ.ಆರ್.ಎನ್.ಎ.  ಲಸಿಕೆಗಳು ಸಂಪೂರ್ಣವಾಗಿ ಸಂಶ್ಲೇಷಿತ ಮತ್ತು ಬೆಳವಣಿಗೆಗೆ ಆತಿಥೇಯ ಕಾಯ ಅಗತ್ಯವಿಲ್ಲ, ಉದಾ., ಮೊಟ್ಟೆ ಅಥವಾ ಬ್ಯಾಕ್ಟೀರಿಯಾ. ಹೀಗಾಗಿ, ಸುಸ್ಥಿರ ಆಧಾರದ ಮೇಲೆ ಸಾಮೂಹಿಕ ವ್ಯಾಕ್ಸಿನೇಷನ್ ಗಾಗಿ ಅವುಗಳ "ಲಭ್ಯತೆ" ಮತ್ತು "ಪ್ರವೇಶ" ವನ್ನು ಖಚಿತಪಡಿಸಿಕೊಳ್ಳಲು ಅವುಗಳನ್ನು ಸಿಜಿಎಂಪಿ ಪರಿಸ್ಥಿತಿಗಳಲ್ಲಿ ಹೆಚ್ಚು ವೆಚ್ಚವಿಲ್ಲದ ರೀತಿಯಲ್ಲಿ ತ್ವರಿತವಾಗಿ ತಯಾರಿಸಬಹುದು.

ಜೆನ್ನೋವಾ, ಅಮೆರಿಕಾದ ಸಿಯಾಟೆಲ್ ಎಚ್.ಡಿ.ಟಿ ಬಯೋಟೆಕ್ ಕಾರ್ಪೊರೇಷನ್ ಸಹಯೋಗದೊಂದಿಗೆ ಎಂ.ಆರ್.ಎನ್.ಎ. ಲಸಿಕೆಯನ್ನು ಅಭಿವೃದ್ಧಿಪಡಿಸಲು ಒಟ್ಟಾಗಿ ಕೆಲಸ ಮಾಡಿದೆ. ಎಚ್.ಜಿ.ಸಿ.ಓ 19 ಈಗಾಗಲೇ ಪ್ರಾಣಿಗಳಲ್ಲಿ ಸುರಕ್ಷತೆ, ರೋಗನಿರೋಧಕ ಶಕ್ತಿ, ತಟಸ್ಥೀಕರಣ ಪ್ರತಿಕಾಯ ಚಟುವಟಿಕೆಯನ್ನು ಪ್ರದರ್ಶಿಸಿದೆ. ಇಲಿಗಳು ಮತ್ತು ಮಾನವರಲ್ಲದ ಸಸ್ತನಿಗಳಲ್ಲಿನ ಲಸಿಕೆಯ ತಟಸ್ಥಗೊಳಿಸುವ ಪ್ರತಿಕಾಯ ಪ್ರತಿಕ್ರಿಯೆಯು ಕೋವಿಡ್-19 ರ ಸುಸ್ಥಿರ ರೋಗಿಗಳಿಂದ ಸೆರಾದೊಂದಿಗೆ ಹೋಲಿಸಬಹುದು.

ಜೆನ್ನೋವಾದ ಲಸಿಕೆ ಸ್ಪೈಕ್ ಪ್ರೋಟೀನ್‌ ನ (ಡಿ 614 ಜಿ) ಅತ್ಯಂತ ಪ್ರಮುಖವಾದ ರೂಪಾಂತರಿತ ರೂಪವನ್ನು ಬಳಸುತ್ತದೆ ಮತ್ತು ಸ್ವಯಂ-ವರ್ಧಿಸುವ ಎಂ.ಆರ್‌.ಎನ್‌.ಎ ವೇದಿಕೆಯನ್ನು ಸಹ ಬಳಸುತ್ತದೆ, ಇದು ಪುನರಾವರ್ತಿಸದ ಎಂ.ಆರ್‌.ಎನ್‌.ಎ ಅಥವಾ ಸಾಂಪ್ರದಾಯಿಕ ಲಸಿಕೆಗಳಿಗೆ ಹೋಲಿಸಿದರೆ ಕಡಿಮೆ ಡೋಸಿಂಗ್ ನ ಪ್ರಯೋಜನವನ್ನು ನೀಡುತ್ತದೆ. ಎಚ್‌.ಜಿ.ಸಿ.ಒ 19 ಹೊರ ಹೀರುವ ರಸಾಯನಶಾಸ್ತ್ರವನ್ನು ಬಳಸುತ್ತದೆ, ಇದರಿಂದಾಗಿ ಎಂ.ಆರ್‌.ಎನ್‌.ಎ ಅನ್ನು ನ್ಯಾನೊ-ಲಿಪಿಡ್ ವಾಹಕದ ಮೇಲ್ಮೈಯಲ್ಲಿ ಜೋಡಿಸಲಾಗಿದೆ, ಎನ್‌ ಕ್ಯಾಪ್ಸುಲೇಷನ್ ರಸಾಯನಶಾಸ್ತ್ರಕ್ಕೆ ಹೋಲಿಸಿದರೆ ಕೋಶಗಳೊಳಗಿನ ಎಂ.ಆರ್‌.ಎನ್‌.ಎ ಬಿಡುಗಡೆಯ ಚಲನಶಾಸ್ತ್ರವನ್ನು ಹೆಚ್ಚಿಸುತ್ತದೆ. ಎಚ್.ಜಿ.ಸಿ.ಓ.19 ಎರಡು ತಿಂಗಳವರೆಗೆ 2-8° ಸೆ.ನಲ್ಲಿ ಸ್ಥಿರವಾಗಿರುತ್ತದೆ. ಜೆನ್ನೋವಾ ಎಲ್ಲಾ ಪ್ರಾಥಮಿಕ ಕಾರ್ಯಗಳನ್ನು ಪೂರ್ಣಗೊಳಿಸಿದೆ ಮತ್ತು ಡಿಸಿಜಿಐ ಕಚೇರಿಯಿಂದ ಅನುಮೋದನೆ ನಂತರ ಹಂತ I / II ಮಾನವ ಚಿಕಿತ್ಸಾಲ ಪ್ರಯೋಗವನ್ನು ಶೀಘ್ರದಲ್ಲೇ ಪ್ರಾರಂಭಿಸಲಿದೆ.

ಭಾರತ ಸರ್ಕಾರದ ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವಾಲಯದ ಜೈವಿಕ ತಂತ್ರಜ್ಞಾನ ಇಲಾಖೆ, ಇಂಡಿ ಸಿಇಪಿಐ ಅಭಿಯಾನ 'ಭಾರತ ಕೇಂದ್ರಿತ ಸಾಂಕ್ರಾಮಿಕ ಸಿದ್ಧತೆ ಮೂಲಕ ತ್ವರಿತ ಲಸಿಕೆ ಅಭಿವೃದ್ಧಿ: ಭಾರತೀಯ ಲಸಿಕೆ ಅಭಿವೃದ್ಧಿಯನ್ನು ಬೆಂಬಲಿಸುವುದು' ಅನುಷ್ಠಾನಗೊಳಿಸುತ್ತಿದೆ, ಇದು ಸಿಇಪಿಐನ ಜಾಗತಿಕ ಉಪಕ್ರಮದೊಂದಿಗೆ ಹೊಂದಿಕೆಯಾಗಿದೆ ಮತ್ತು ಲಸಿಕೆಗಳ ಅಭಿವೃದ್ಧಿಯನ್ನು ಬಲಪಡಿಸುವ ಗುರಿ ಹೊಂದಿದೆ ಭಾರತದಲ್ಲಿ ಸಾಂಕ್ರಾಮಿಕ ಸಂಭಾವ್ಯತೆಯ ಕಾಯಿಲೆಗಳಿಗೆ ಸಂಬಂಧಿಸಿದ ಸಾಮರ್ಥ್ಯಗಳು / ತಂತ್ರಜ್ಞಾನಗಳು. ಡಿಬಿಟಿಯ ಇಂಡ್-ಸಿಇಪಿಐ ಅಭಿಯಾನವನ್ನು ಅದರ ಪಿ.ಎಸ್‌.ಯು, ಬಯೋಟೆಕ್ನಾಲಜಿ ಕೈಗಾರಿಕಾ ಸಂಶೋಧನೆ ನೆರವು ಮಂಡಳಿ (ಬಿ.ಐ.ಆರ್.ಎ.ಸಿ) ಜಾರಿಗೊಳಿಸಿದೆ.

‘ಇಂತಹ ಸ್ಥಳೀಯ ತಂತ್ರಜ್ಞಾನ ವೇದಿಕೆಯ ಸ್ಥಾಪನೆಯು ಕೋವಿಡ್ -19 ಸಾಂಕ್ರಾಮಿಕ ರೋಗವನ್ನು ನಿಭಾಯಿಸಲು ಭಾರತಕ್ಕೆ ಶಕ್ತಿ ನೀಡುವುದಲ್ಲದೆ, ಭವಿಷ್ಯದ ಹಠಾತ್ ಪರಿಸ್ಥಿತಿ ಎದುರಿಸುವ ಸಿದ್ಧತೆಯನ್ನು ಖಚಿತಪಡಿಸುತ್ತದೆ’ ಎಂದು ಜೈವಿಕ ತಂತ್ರಜ್ಞಾನ ವಿಭಾಗದ ಕಾರ್ಯದರ್ಶಿ ಮತ್ತು ಬಿ.ಐ.ಎರ್.ಎ.ಸಿ. ಅಧ್ಯಕ್ಷ ಡಾ.ರೇಣುಸ್ವರೂಪ್ ತಿಳಿಸಿದ್ದಾರೆ.

***