২০২৪ ফাওবগী মনুংদা খুঙ্গংগী য়ুমথোং খুদিংদা ফঙ্কস্নেল হাউসহোল্দ তেপ কন্নেক্সন(এফ.ঐচ.তি.সি.) ফংহন্নবগী পান্দমদা ২০১৯গী ওগস্ত ১৫দা ইকাই খুম্নরবা প্রধান মন্ত্রীনা রেদ ফোর্তকী রম্পার্ততগী জল জীবন মিসন লাওথোকখি৷ অফবা থকপা য়াবা ইশিং চাং নাইনা অমসুং মতম কুইনগী ওইনা ফংহন্নবগী পান্দমদা রাজ্য সরকারশিং অসিগা খুৎশম্নরগা জল জীবন মিসন অসি ২০১৯গী ওগস্ত থাদগী চৎনবা হৌখি৷ ২০১৯গী ওগস্ত ১৫ ফাওবদা খুঙ্গংগী য়ুমথোং কোতি ১৮.৯৩গী মনুংদা ইমুং কোতি ৩.২৩(১৭%) তোতি পাইপকী ইশিং শমখ্রে৷

হন্দক্কী চহী অসিদা রাজ্য/য়ু.তি. পুম্নমক্না প্লান নিংথীজনা তৌদুনা য়ুমথোং খুদিংদা তোতিগী ইশিং ফংহন্নবা হোৎনখ্রে৷  রাজ্যশিং/য়ু.তি.শিং অসিনা হোৎনবা অসিনা ২০১৯গী ওগস্ত থাদগী জল জীবন মিসন অসিনা তোতি পাইপকী ইশিং কোতি ৩ শমহনবদা মতেং পাংখি৷ মখাতানা জিলা ২৬, ব্লোক ৪৫৭, পঞ্চায়ত ৩৪,৯১৯ অমসুং খুঙ্গং ৬৫,৬২৭ ‘হর ঘর জল’ ওইখ্রে৷ ‘হর ঘর জল’ হায়বগী ৱাহন্থোক্তি খুঙ্গংগী মফমশিংদা লৈরিবা ইমুংগী মীওই পুম্নমক্না মখোয় মখোয়গী ময়ুমদা মীওই অমতা চিথহৌদনা থকপা য়াবা অফবা ইশিং ফংহল্লগনি হায়বনি৷ গোৱানা লৈবাক অসিদা এফ.ঐচ.তি.সি. ১০০% ফংহনবা অমসুং ‘হর ঘর জল’ ওইখিবা খ্বাইদগী ইহান হানবা রাজ্য ওইখ্রে৷ তোঙান তোঙানবা রাজ্যশিংনা মখোয় মশেলগী মরক্তা লমজেল তান্নরি অমসুং ‘ইক্বুইতী অমসুং ইনক্লুসিবনেস’কী প্রিন্সিপল অদু ইন্দুনা লৈবাক অসিদা লৈরিবা য়ুমথোং খুদিংদা অফবা থকপা য়াবা ইশিং নিংথীজনা ফংহন্নবা মীৎয়েং থম্লি৷

ইশিংগী ক্বালিতী লৈতবা মফমশিং, সেদ্যুল কাস্ত/সেদ্যুল ত্রাইবনা হেন্না তাবা খুঙ্গংশিং, এস্পিরেন্ত জিলাশিং, ইকং তোইনা থোকপা খুঙ্গংশিং অমসুং মর্ভুমিগী মফমশিং অমসুং ক্বালিতী কা হেন্না শোক্লবা মফমশিং অসিদা রাজ্যশিংনা হেন্না মীৎয়েং চংলি৷ ফ্লোরাইদ অমসুং আর্সেনিক্না শোকহল্লবা মফমশিং অসিদা অথুবা মতমদা তোতিগী ইশিং ফংহন্নবা রাজ্যশিং অসিনা য়াম্না কন্না হোৎনরি৷

মালেম পুম্বা ২০২০গী মার্চ থাদগী হৌজিক ফাওবা কোবিদ-১৯ লাইনা-লাইচৎ অসিনা মরম ওইদুনা জল জীবন মিসন অসিনা চেলেঞ্জশিং অমসুং অথিংবা কয়া অমা লান্থেংন্দুনা লাক্লি৷ লোকদাউন অসিনা মরম ওইদনা ৱার্কশোপ পুম্নমক শাথিনা শোকহল্লে অমসুং লৈবাক অসিদা নৌনা শেমগৎ শাগৎলিবা থবক পুম্নমক শাথীনা শোকহল্লে৷ খুৎ তোইনা-তোইনা হাম্বা অসিনা খ্বাইদগী মরু ওইবা খুৎলাই অমা ওইদুনা য়ুমশিংদা অফবা অমসুং অরুবা ইশিং মরাং কাইনা ফংহনবা অসিনা খ্বাইদগী মরু ওইবা ওইখ্রে৷ মসিদা মিৎযেং চংদুনা অমসুং হোংলক্লিবা পুন্সি মরেল অসিদা সরকারনা থোক্লিবা চেকশিন থৌরাংশিং অসি ইন্দুনা রাজ্যশিং/যু.তি.শিংনা লেপ্পা লৈতনা ইশিং পীবগী থবক অসি মখা চৎথরি৷ কোবিদ-১৯ অসি লৈনা-লৈনা থবক মখা চৎথবা অসিনা খুঙ্গংগী মীওইশিং মরু ওইনা মাইগ্রেন্ত ওইনা থবক শুরুরবা মতুংদা মশাগী মযুমদা লৈরিবা মীওইশিং থবক পীদুনা মখোয়গী পুন্সি মরেল অদু ফহন্দুনা খুঙ্গংগী শেল-থুম চাওখৎহনবদা য়াম্না কান্নরগনি৷

কেন্দ্র সরকার অসিনা য়ুমশিং অমসুং কম্ম্যুনিতী লেত্রিনশিং শাদুনা অমসুং চাক থোংনবা গ্যাস ফংহন্দুনা তোঙান তোঙানবা সেক্সনশিংদা লৈরিবা নুপীশিং অসিগী পুন্সি য়াইফনবা হোৎন্দুনা লাক্লিবা অসিগুম্না য়ুমথোং খুদিংদা তোতিগী ইশিং শমহন্দুনা নুপীশিংনা কা হেন্না থবক শুরিবা অসি হন্থনবা অমসুং নহা ওইরিবা নুপীমচাশিংনা অথাপ্পা মফমশিংদা  ইশিং থিবা চৎপগী অৱাবা পোৎলুম অসি হন্থনবা পান্দম থম্লি৷ য়ুমথোং খুদিংদা ইশিং ফংহন্দুনা জল জীবন মিসন অসিনা হেল্থ পেরামিতরশিং ফগৎহন্দুনা তোঙান তোঙানবা মরমশিংদা মখোয়গী পুন্সিশিং অসিদা চাওনা কান্নবা পীরি অমসুং অঙাংশিংনা স্কুলদগী তোকপগী চাং হন্থহল্লি৷

মিসন অসি লোঞ্চ তৌরকপদগী খুঙ্গংগী য়ুমথোংশিংদা তোতিগী ইশিং ফংহনবগী চাওখৎ খোঙচৎ

১৫.০৮.২০১৯ ফাওবদা               ০১.০১.২০২১ ফাওবদা

০১.০১.২০২১ ফাওবদা তোতিগী ইশিং শমখিবা ইমুংশি

লাইনা চেন্দবা পুন্সি অমসুং ঐখোয়গী অঙাংশিংগী পুন্সি চাওখৎহনবা অসিনা খ্বাইদগী ইহান হান্না তৌদ্রবা য়াদ্রবা থবক্নি৷ মসিগীদমক স্কুল, আনগনৱাদি(এ.দবল্যু.সি.) অমসুং আশ্রমশালা খুদিংমক্তা তোতিগী ইশিং ফংহন্নবা ২০২০গী ওক্তোবর তাং ২দা ‘নুমিৎ ১০০গী কেম্পেন্দ ’ অমা লোঞ্চ তৌখ্রে৷ কোম্পেন্দ অসিগী মখাদা অফবা থকপা য়াবা ইশিং অসি থক্নবা অমসুং চাক-থোংনবা খক্তগী ফংহনবা অসি খক্তা নত্তনা খুৎ-শা হাম্নবা অমসুং লেত্রিন্দা ইশিং মরাং কাইনা ফংহল্লি৷ হৌজিক ফাওবদা থা ৩গী মতম অসিদা খুঙ্গংগী স্কুল লাখ ৪.৪ হেন্না অমসুং এ.দবল্যু.সি. ৩.৭৩ হেন্না অফবা থকপা য়াবা ইশিং ফংবা হৌখ্রে৷ পঞ্জাব অমসুং তামিল নাদুনা স্কুল খুদিংমক্তা তোতিগী ইশিং ফংহনবা ইহান হানবা রাজ্যশিং ওইরে৷ অসিগীসু মথক্তা তামিল নাদুদা লৈরিবা এ.দবল্যু.সি. খুদিংমক তোতিগী ইশিং ফংহল্লি৷

ফৎতবা পোৎয়ান য়াওরবা ইশিং শিজিন্নবা অসিনা ঐখোয়গী হকচাং মরু ওইনা অঙাংশিংদা শাথিনা শোকহল্লি৷ মসিগীদমক য়েংদুনা ইশিংগী ক্বালিতী চাংয়েং তৌনবা লেবোরেতরীশিং শাখ্রে৷ রাজ্যশিং/য়ু.তি.শিং অসিগা লোইননা ইশিংগী ক্বালিতী চাংয়েং তৌনবা লেবোরেতরী ২,৩০০রোম শাখ্রে অমসুং মীশিংনা মখোয় মখোয়গী ইশিংগী সেম্পল অদু নোমিনেল কোস্ততা তেস্ত তৌবা য়াননবগীদমক লেবোরেতরীশিং অদু লৈবাক মীয়ামগীদমক হাংদোক্তুনা থমখ্রে৷ অসিগীসু মথক্তা লোকেল ভিলেজ কম্ম্যুনিতীনা ফেল্দ তেস্ত কেৎশিং(এফ.তি.কে.শিং) শিজিন্নদুনা চাং নাইনা তেস্তিং তৌদুনা ইশিং সপ্লাই তৌবগী ক্বালিতী অমসুং সোর্স অদু য়েংশিনবদা হেন্না মীৎয়েং থম্লি৷ ‘থাংদোক থাংজিন য়াবা ইশিং ক্বালিতী তেস্ত তৌনবা খুৎলাইশিং’ শেমগৎনবা্ দি.পি.আই.আই.তি.গা খুৎশম্নদুনা অচৌবা চেলেঞ্জ অমা পাংথোক্লি৷

জল জীবন মিসন অসিগী মখাদা ১৫শুবা ফাইনান্স কম্মিসন অসিগা চৎমিন্নদুনা চহী মঙাগী ওইনা ভিলেজ এক্সন প্লানশিং শেমখ্রে৷ মসিনা পি.আর.আই.শিংদা ফংহল্লিবা ফন্দশিং অসি শিজিন্নদুনা য়ুমথোং খুদিংদা অফবা ইশিং ফংহনবদা জি.পি.শিংনা মাই পাক্না শিজিন্নবা য়ারগনি৷ মিসন অসিনা তোঙান তোঙানবা মফমশিং খুদম ওইনা মেসনরী, পমব্লিং, ফিত্তিং, ইলেক্ত্রিকেল্স, পম্প মেকানিক্সতা য়াম্না হৈ শিংলবা হ্যুমেন রিসোর্স দরকার ওই অমসুং ইশিং সপ্লাই তৌবগী স্কিম অসি মাই পাকহনবদা সর্ভিস পীগদৌরিবা খুঙ্গং পুম্নমক্তা হৈ-শিংলবা হ্যুমেন রিসোর্স মরু ওই৷ খুঙ্গংগী মফমশিংদা অসিগুম্বা হৈ-শিংলবা মীওইশিং লৈরকপা অসিনা খুঙ্গংশিং অদু চাওখৎহন্দুনা মশা মরোমদোম লেপচবা ঙমহন্দুনা ইশিং সপ্লাই তৌবগী সিস্তেমশিং অসি য়েংশিন্দুনা ‘অত্ম নির্ভর ভারতকী’ ৱাখল্লোন অদু মতুং ইনবা ঙম্লগনি৷ মসিগী প্রোগ্রাম অসিনা থবক্কী খুদোংচাবা ফংহল্লগনি অমসুং খুঙ্গংগী শেল-থুম হেন্না ফহল্লগনি৷

নেস্নেল জল জীবন মিসন চৎনরিবা অসি য়েংশিন্নবা অমসুং মিসন অসি চৎনহনবদা ইনভেস্তমেন্ত চেকশিন্না থাদবদা মীৎয়েং থমদুনা তেক্নিকেল এসিস্তেন্স পীনবা খুঙ্গংশিং অসিদা চৎলিবা তীমশিং য়াওনা মিসন অসিনা রাজ্যশিং/য়ু.তি.শিং মতেং পাংলি৷ তীমশিং অসিনা জি.পি.শিং/ভি.দবল্যু.এস.সি.শিংগী মেম্বরশিং অমসুং লোকেল কম্ম্যুনিতী অমসুং পি.ঐচ.ই.দি. ওফিসিয়েলশিং ৱারি শানখ্রে অমসুং স্কিম অসি মাই পাক্না চৎননবগীদমক ইন্সতিত্যুস্নেল এরেঞ্জমেন্তশিং অমসুং কম্ম্যুনিতী শরুক য়াহনবদা মীৎয়েং থম্লি৷ লোকেল ভিলেজ কম্ম্যুনিতীশিং, এন.জি.ও.শিং, এস.ঐচ.জি.শিং, সেক্তচর পার্তনরশিংনা খুৎশম্নদুনা জল জীবন মিসন অসি মীয়ামগী অশেংবা ইহৌ অমা ওইনবা হোৎনবা অদু উবা ফংলে৷ থকপা য়াবা ইশিং মরাং কাইনা ফংহন্নবা সোসিয়েল অমসুং বিহেবিয়রগী অহোংবা কয়া লাক্নবা মিসন অসিনা হোৎনরি৷

*******