প্রধান মন্ত্রীনা দিল্লীদা নেস্নেল কেদেত কোর্পস রেলীদা শরুক য়াখ্রে

প্রধান মন্ত্রী শ্রী নরেন্দ্র মোদীনা ঙসি দিল্লীদা নেস্নেল কেদেত কোর্পস রেলীদা শরুক য়াখ্রে।

রেলী অদুদা প্রধান মন্ত্রীনা গার্দ ওফ ওনর য়েংশিনখি অমসুং তোঙান তোঙানবা এন.সি.সি. কন্তিনজেন্তশিং অমসুং অতোপ্পা মরূপ ওইবা অমসুং য়ুমলোন্নবা লৈবাকশিংদগী লাকপা কেদেতশিংগী মার্চ পাস্তসু য়েংখি।   

কলচরেল পর্ফোমেন্স অমগা লোয়ননা এন.সি.সি. কেদেতশিংনা এদভেঞ্চর স্পোর্তস, ম্যুজিক অমসুং পর্ফোমেন্স অর্তনচিংবা লমশিংদা মখোয়গী তৌবা ঙম্বশিং অদু প্রধান মন্ত্রীগী মাংদা লান্থোকখি। থাগৎনিঙাই ওইরবা এন.সি.সি. কেদেতশিংদা প্রধান মন্ত্রীনা মনাশিং য়েন্থোকখি।

মীয়াম তিনখিবা অদুদা ৱা ঙাংলদুনা প্রধান মন্ত্রী শ্রী নরেন্দ্র মোদীনা হায়খি মদুদি এন.সি.সি.না লৈবাক্কীদমক নহাশিংগী সিসিপ্লিন, দিতরমিনেসন অমসুং দিবোসনগী স্প্রিত অদু চেৎশিলহন্নবা অফবা প্লেৎফোর্ম অমা পীরি। অসিগুম্লবা মগুনশিং অসিনা লৈবাক্কী চাউখৎ থৌরাংদা মতেং পাংলি হায়না মহাক্না হায়খি।   

ভারত অসি মালেমদা নহাগী লৈবাকশিংগী মরক্তা অমনি মসিগী মীশিং চাদা ৬৫দি চহী ৩৫গী মখাগী মীওইশিংনি হায়না প্রধান মন্ত্রীনা ফোংদোকখি। মহাক্না হায়খি, “মসিগীদমক ঐখোয়না চাউথোকচরি, অদুবু নহাশিংগীদমক খনবা অসি ঐখোয়গী থৌদাংনি” ।

মহাক্না হায়খি, “ঐখোয়না হৌখিবগী শিংনরকপশিং মায়োক্নগদবনি অমসুং হৌজিক্কী দরকার ওইবশিংসু চেকশিনগদবনি, ঐখোয়না ঐখোয়গী তুংগী এস্পিরেসনশিংগী মায়কৈদা থবক তৌগদবনি”। ঙসিদি ঙারত নহাওইবা থৌনা অমসুং ৱাখল্লোনগা লোয়ননা মাংলোমদা চংশিল্লি হায়না মহাক্না ফোংদোকখি। “ঙসিদি ভারত নহাওইবা ৱাখল্লোন অমসুং থম্মোই অমা লৈরে, মরম অদুননি তেরর কেম্পশিংদা সর্জিকেল স্ত্রাইকশিং, এয়ার স্ত্রাইকশিং অমসুং এতেক্তশিং চত্থরিবা।” নহাওইবা ৱাখল্লোন্না পুম্নমক্কা লোয়ননা কনা অমত্তা তুংদা থমলম্বা তৌদনা চাউখৎপা পাম্লি। “স্পিরিৎ অদুগা লোয়ননি ঐখোয়না বোরো এগ্রীমেন্ত খুৎয়েক পীনখিবা, মদুদা স্তেকহোল্দর পুম্নমক তান্নখি অমসুং য়ানা চেরোল খুৎয়েক পীখি।”

অৱাং নোংপোক্কী চাউখৎনবা হোৎনরিবশিংদা ঙাংলদুনা প্রধান মন্ত্রীনা হায়খি মদুদি অৱাং নোংপোক লমদমগী দিবেলপমেন্তকা লোয়ননা, স্তেকহোল্দর পুম্নমক্কা লোয়ননা য়ানবা পুরকপা হৌরে। বোরো এগ্রীমেন্ত অসি মসিগী মহৈ অমনি। মসি য়ং ইন্দিয়াগী ৱাখল্লোন্নি। মহাক্না হায়খি “ঐখোয়না মীপুম খুদিংমক্কা লোয়ননা লৈবাক অসিবু মাংলোমদা পুদুনা চৎলি, মীপুম খুদিংমকপু দিবেলপ তৌরি, মীপুম খুদিংমক্কী থাজবা ফংলি।”      

*****