ঙাকশেল মন্ত্রালয়

এম.আর.এস.এ.এম. মাই পাক্না লোঞ্চ তৌখিবা

Posted On: 23 DEC 2020 8:14PM by PIB Imphal

দিফেন্স রিসর্চ অমসুং দিভেলপমেন্ত ওর্গনাইজেসন (দি.আর.দি.ও.)না ঙসি মেদিয়ম রেঞ্জ সর্ফেস তু এয়র মিসাইল (এম.আর.এস.এ.এম.)গী আর্মী ভর্জন অমা পুং ১৬০০ তারকপা মতমদা চান্দিপুরদগী, ওরিশাগী সমুদ্র তোর্বান্দগী লাপ্লক্না লৈবা, মাই পাক্না লোঞ্চ তৌখিবগা লোয়ননা মশক থোকপা থৌওং অমা পাংথোকখ্রে। মিসাইল অসিনা এয়রক্রাফকী মতৌ তমদুনা অয়াঙবা খোঙজেলদা পাইবা মী তোংদবা তার্গেৎ অমদা হকথেংননা পান্দুনা মপুং ফানা থুগায়খি।

এম.আর.এস.এ.এম.গী আর্মী ভর্জন অসি ভারতকী দি.আর.দি.ও. অমসুং ইজ্রাইলগী আই.এ.আই.না ইন্দিয়ন আর্মীনা শিজিন্ননবগীদমক্তা খুৎশম্ননা শামিন্নবা সর্ফেস তু এয়র মিসাইল অমনি। এম.আর.এস.এ.এম. আর্মী ৱেপন সীস্তেম অসিদা কম্মান্দ পোস্ত, মলতি-ফংসন রেদার অমসুং মোবাইল লোঞ্চর সীস্তেম য়াওরি। মপুং ফারবা ফাইয়র য়ুনিৎ অসি লোঞ্চ তৌবা মতমদা শিজিন্নবা য়াবগী মওংদা শিজিন্নখি। মসিবু শিজিন্নগদৌরিবা কাঙবু, হায়বদি ইন্দিয়ন আর্মীগী কাঙলুপ অমনসু মসিগী লোঞ্চ তৌবগী থৌওং য়েংখি। রেদার, তেলিমিত্রী অমসুং ইলেক্ত্রো-ওপ্তিকেল ত্রেকিং সীস্তেম্নচিংবা রেঞ্জ ইন্সত্রুমেন্তকী মশিং কয়া অমসু শিজিন্নখি অমসুং মসিনা মপুং ফাবা মিসনগী দেতা খোমজিনবা ঙমদুনা তার্গেৎপু থুগায়বা ঙম্বগী মতিক য়াওনা ৱেপন সীস্তেম অসিগী তৌবা ঙম্বশিং নীংথিনা য়েংথোকখি।

ঙাকশেল মন্ত্রী শ্রী রাজনাথ সিংহনা দি.আর.দি.ও. অমসুং মিসন অসিদা শরুক য়ারিবা তীম মেম্বরশিংগী হোৎনবগী থৌওংশিংবু থাগৎখি অমসুং ভারতনা লমদমসিদা শাজবা অমসুং অৱাংবা থাক্কী খুৎশু খুৎলায়গী পথাপ শেম-শাবগী মতাংদা অৱাংবা থাক্কী মতিক লৈরে হায়নসু ফোংদোকখি।

দিফেন্স আর. অমসুং দি. বিভাগকী সেক্রেতরী অমসুং দি.আর.দি.ও.গী চেয়রমেন দাঃ জি. সতীশ রেদ্দীনা এম.আর.এস.এ.এম. আর্মী ৱেপন সীস্তেম অসিনা অহানবা ওইনা লোঞ্চ তৌবা অসিদা তার্গেৎপু হকথেংননা থুগায়বা ঙমদুনা মসিগী তৌবা ঙম্বশিংবু মাই-পাক্না মীয়ামদা উৎপা ঙম্বগীদমক্তা দি.আর.দি.ও.গী কম্ম্যুনিতীবু থাগৎপা ফোংদোকখি। মহাক্না অপিবা মতমগী মনুংদা অমসুং য়ানখিবা শিন-লাংবশিং মপুং ফাহনবা ঙমদুনা পথাপ অসিবু লোইশিনবা ঙম্বগীদমক্তা অপুনবা তীম অসিনা হোৎনবগী থৌওংশিংবুসু থাগৎপা ফোংদোকখি।

****



(Release ID: 1683259) Visitor Counter : 31