नवी दिल्ली ,  23 नोव्हेंबर 2020

कोरोना महामारीच्या काळामध्ये गोवा पोलिसांनी अतिशय कौतुकास्पद कामगिरी केली, त्याच्या परतफेड म्हणून सीएसआरच्या माध्यमातून गोवा शिपयार्डच्या वतीने गोवा पोलिस दलाला अत्याधुनिक जीवन सहाय्यक रूग्णवाहिका देण्यात आली. या रूग्णवाहिकेची किंमत 23.80 लाख रूपये आहे. बंगलुरूस्थित भारत इलेक्ट्रिॉनिक्स लिमिटेडने (बीईएल) ही  गाडी तयार केली असून त्यामध्ये कर्करोग निदान करण्यासाठी आवश्यक असलेली 2.50 कोटीची अत्याधुनिक वैद्यकीय यंत्रणा बसविण्यात आली आहे, अशी माहिती आयुष राज्यमंत्री (स्वतंत्र कार्यभार)  आणि संरक्षण राज्य मंत्री श्रीपाद नाईक यांनी दिली.

पणजी पोलिस मुख्यालयामध्ये जीवन सहाय्यक रूग्णवाहिका गोवा पोलिसांकडे हस्तांतरित करण्यात  आली. यावेळी गोव्याचे मुख्यमंत्री डॉ. प्रमोद सावंत, पोलिस महासंचालक मुकेशकुमार मीना, गोवा शिपयार्डचे अध्यक्ष आणि व्यवस्थापकीय संचालक सीएमडीई बी.बी.नागपाल उपस्थित होते.

 

M.Chopade/S.Bedekar/P.Malandkar

 

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com

(रिलीज़ आईडी: 1675201) आगंतुक पटल : 167