نئی لّی ، 23 اکتوبر / خریف مارکیٹنگ  سیزن ( کے ایم ایس ) 21-2020 ء کے دوران  حکومت کے ذریعے  خریف 21-2020 ء کی فصلوں کی خریداری  جاری ہے ، جو  ایم ایس پی کی موجودہ اسکیموں کے تحت کسانوں سے  کی جا رہی ہے ۔

          خریف 21-2020 ء کے لئے  دھان کی خریداری  پنجاب ، ہریانہ ، اتر پردیش ، تمل ناڈو ، اترا کھنڈ ، چنڈی گڑھ ، جموں و کشمیر اور کیرالہ میں  اچھی رفتار کے ساتھ جاری ہے ، جہاں  22 اکتوبر ، 2020 ء تک 126.08 ایل ایم ٹی کے دھان کی خریداری کی جا چکی ہے ، جب کہ پچھلے سال  101.02 ایل ایم ٹی کی خریداری کی گئی تھی ۔ اس سے  پچھلے سال کے مقابلے  24.58 فی صد کا اضافہ ظاہر ہوتا ہے ۔ کل 126.08 ایل ایم ٹی  کی خریداری میں  اکیلے پنجاب کا تعاون 81.81 ایل ایم ٹی ہے ، جو کل خریداری کا  64.89 فی صد ہے ۔  تقریباً 10.85 لاکھ کسانوں کو پہلے ہی  کے ایم ایس کی  ایم ایس پی پر سرکاری خریداری سے فائدہ پہنچا ہے اور  اس پر  23804.45 کروڑ روپئے کی لاگت آئی ہے ، جو 18880 فی ایم ٹی کی ایم ایس پی پر لاگت آئی ہے ۔

          اس کے علاوہ ، ریاستوں کی تجاویز  کی بنیاد پر  خریف کے مارکیٹنگ سیزن 21-2020 ء کے لئے تمل ناڈو ، کرناٹک ، مہاراشٹر ، تلنگانہ ، گجرات ، ہریانہ ، اتر پردیش ، اڈیشہ ، راجستھان اور آندھرا پردیش   میں امدادی قیمت اسکیم  ( پی ایس ایس ) کے تحت  45.10 ایل ایم ٹی دالیں اور  تلہن  کی خریداری کو منظوری دی گئی ہے ۔  اس کے علاوہ ، آندھرا پردیش ، کرناٹک ، تمل ناڈو اور کیرالہ    سے 1.23 ایل ایم ٹی  ناریل کی خریداری کو بھی  منظوری دی گئی ہے ۔  دیگر ریاستوں / مرکز کے زیر انتظام علاقوں کے لئے بھی  دالوں  ، تلہن  اور ناریل  کی سرکاری خریداری کے لئے تجاویز موصول ہونے پر پی ایس ایس کے تحت  منظوری دی جائے گی تاکہ ان فصلوں کی  ایف اے کیو  گریڈ  کی سرکاری خریداری  مقررہ ایم ایس پی پر براہ راست رجسٹرڈ کسانوں سے کی جا سکے ۔

          22 اکتوبر ، 2020 ء تک حکومت نے اپنی با اختیار ایجنسیوں کے ذریعے  894.04 ایم ٹی  مونگ اور اڑد  کی خریداری کی ہے  ، جس کی ایم ایس پی 6.42 کروڑ ہے اور اس سے تمل ناڈو ، مہاراشٹر اور ہریانہ کے 870 کسانوں کو فائدہ  پہنچا ہے ۔ اسی طرح  52.40 کروڑ روپئے کی لاگت سے  5089 ایم ٹی  ناریل  کی خریداری کی گئی ہے ، جس سے کرناٹک اور تمل ناڈو کے 3961 کسانوں کو فائدہ پہنچا ہے ۔ اڑد اور ناریل  کی قیمت  زیادہ تر ریاستوں میں ایم ایس پی سے تجاوز کر گئی ہیں ۔  اس کے علاوہ ، متعلقہ ریاستیں  / مرکز کے زیر انتظام علاقے  سرکاری خریداری شروع کرنے کا بندوبست  کر رہے ہیں ، جن کے لئے ریاستی حکومتوں  نے  خریف کی دالوں اور تلہن  کی منڈیوں کی آمد کی بنیاد پر  تاریخوں کا فیصلہ کیا ہے ۔

 پنجاب ، ہریانہ ، راجستھان اور مدھیہ پردیش میں کپاس کی  ایم ایس پی کے تحت سرکاری خریداری   کا کام خوش اسلوبی سے جاری ہے ۔ 22 اکتوبر ، 2020ء تک  86155.83 لاکھ روپئے کی لاگت سے  کپاس کی 305097 گانٹھیں  خریدی جا چکی ہیں ، جن سے 59453 کسانوں کو فائدہ پہنچا ہے ۔

۔۔۔۔۔۔۔۔۔۔۔ ۔۔۔۔۔۔۔۔۔۔ ۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔ ۔۔۔ ۔۔۔۔۔۔۔۔۔۔

( م ن ۔ و ا ۔ ع ا ) 

U. No. 6655