రియల్ ఎస్టేట్, నిర్మాణం మరియు భూముల వ్యాపారానికి చెందిన ఒక గ్రూపు విషయంలో ఆదాయపు పన్ను విభాగం 08.10.2020 న అహ్మదాబాద్ లో విశ్వసనీయ ఇంటలిజెన్స్ సమాచారం ఆధారంగా తనిఖీలు చేసి ఆస్తులు స్వాధీనం చేసుకున్నారు. 27 ప్రాంగణాల్లో ఈ శోధన జరిగింది, ఇందులో కార్యాలయాలు మరియు కొంతమంది సహచరుల నివాసాలు కూడా ఉన్నాయి.

తనిఖీ సమయంలో ఆధారాలు లేని నగదు సుమారు రూ. 69 లక్షలు, ఆభరణాలు సుమారు రూ.82 లక్షలు ఇప్పటివరకు స్వాధీనం చేసుకున్నారు. అంతేకాకుండా, 18 బ్యాంక్ లాకర్లను కనుగొని, స్వాధీనంలో ఉంచారు. మొబైల్ ఫోన్లు, పెన్ డ్రైవ్‌లు, కంప్యూటర్లలో పెద్ద సంఖ్యలో నేరారోపక పత్రాలు మరియు డిజిటల్ డేటా కూడా కనుగొన్నారు. వాటిని అధికారులు స్వాధీనం చేసుకున్నారు .