মালেমসিদা খ্বাইদগী লংবা জেৎশিং খরদা ফংবা অতেনবা মতমগী ওপ্তিকেল ফ্লক্সনা লেংদনা লৈবা অসিনা ব্লেক হোলশিংগা নকশিন্নবা মফমদা থবক চত্থবা য়াবগী লিখুন পীবা ঙমহনখ্রে।

ব্লেজরশিং অসি তাইবংপাল অসিদা সৌরজগৎকী ময়াই চবুক্তা লৈবা ব্লেক হোলশিংদা খ্বাইদগী য়াম্না তাশিনবা মপং ওইবা পোৎশক অমদা তাশিনবা মচাকশিংনা পাঙ্গল হাপ্পা খ্বাইদগী মঙাল লৈবা অমদি খ্বাইদগী পাঙ্গল লৈবা পোৎশক অমনি- মঙাল লৈরিবসিগী মরমদি য়েংলিবা(পৃথিবীদগী)অদুগী মায়কৈরোমদা লৈরিবা মঙালগী খোংজেল অদুগা নক্ননা লৈরিবা আইওনগী পোৎশক্না শাবা জেৎ অমননি।  

লৈবাক অহুম-ভারত, সাইবেরিয়া অমসুং অমেরিকাদা শন্দোক্তুনা লৈরিবা সাইন্তিস্ত তরুক্না তি.ই.ভি.শ্রতেরা-ইলেক্ত্রোন ভোল্ত) ব্লেজর কৌবা খ্বাইদগী লংবা ব্লেজরশিং নৈনখি অমদি অতেনবা মতমগী ওইনা ব্লেজর ফেমিলীগী মরক্তা খ্বাইদগী লংনা কুইনা লেংদনা মপান্থোংদা লৈবা অমা ওইনা লৈ হায়না খংবা ঙমখ্রে। মখোয়গী লংবগী মওংশিং অসি মতম শাংবগী মতুং ইন্না খেৎনবা মতমদা  মখোয়গী অরংবা অসি অতেনবা মতমগী ওইনা লংবগী থাকশিংদা লৈ।

ব্লেজরশিং অসি খ্বাইদগী পাম্নবা এস্ত্রোনোমীগী ওইবা মিৎকুপ খরদংগী ওইবা পোৎশকশিংনি অমসুং মখোয়শিং অসি নৈনবা অসিনা ব্লেক হোলগা নক্ননা লৈবা, হকথেংননা মমি উবা ফংদবা মফমশিংদা থবক চত্থবগী মওংগী লিখুন অসি পীবা ঙম্মি।

ভারত সরকারগী সাইন্স অমসুং তেক্নোলোজী(দি.এস.তি.)গী মখাদা লৈবা আর্যভত্তা রিসর্চ ইন্সতিত্যুৎ ওফ ওবজর্বেস্নেল সাইন্সেস(এরিজ), নেনিতালদগী রিসর্চ তৌরিবশিং য়াওনা সাইন্তিস্তশিংনা ২০১৩-২০১৯দা তেলেস্কোপ(মিতর ১.০৪  অমসুং মিতর ১.৩) অনি শিজিন্নদুনা ভারতকী এরিজদা অদুগা সর্বিয়াদা তেলেস্কোপ( মিতর ০.৬ অমদি মিতর ১.৪) অনি শিজিন্নদুনা ফোতো ফ্রেম ১৭৪১ লৌখি।  শাথিবা তি.ই.ভি(তেরা-ইলেক্ত্রোন ভোল্ত হায়বদি ১০^১২ ইলেক্ত্রোন ভোল্ত) গম্মা রে থোকপা ব্লেজরশিং হায়বদি ১ই.এস. ০২২৯+২০০, ১ই.এস.০৪১৪+০০৯, ১ই.এস.২৩৪৪+৫১৪  অসিগী  ওপ্তিকেল ফ্লক্স অমদি স্পেক্ত্রাদা খেৎনবশিং অসি নৈনবগী থবক অসি তীম অসিনা পাংথোকখি।

নৈনবা অসিদা দা. অশ্বানি পান্দে অমসুং দা. অলোক সি.গুপ্তনা মসিগী শাথিবা তি.ই.ভি. ব্লেজর অহুমসিগী ফ্লক্স, মচু অমসুং স্পেক্ত্রাগী ওইবা ইন্দেক্সকী মখলশিংগা লোয়ন-লোয়ননা তোঙান-তোঙানবা মতমগী থাক অহুমদা খ্বাইদগী তেনবা ওইনা নোংমগী মনুংদা য়াম্না তেন্না অমদি থাদগীনা চহিফাওবগী মতমগী থাক্তা  নৈনখিবা অসি মরিক চুম্না রোয়েল এস্ত্রোনোমিকেল সাসাইতীদা থাগী নোতিস ওইনা ফোংখি। নৈনবা অসিনা অসিগুম্বা খেৎনবশিং অসি থোকহল্লিবা থবক-থৌওং চত্থবগী থবকশিং অদু শন্দোক্না খংহল্লি।

তীম অসিগী মতুংইন্না তি.ই.ভি. থোকপা ব্লেজরশিংদা, স্পেক্ত্রাগী ওইবা ইনর্জী চাইথোকপা অসিগী পন্দোন অসি য়ু.ভি./এক্স.রে.গী রেঞ্জদা য়াওই। মসিগী ওপ্তিকেল বেন্দশিং, মেগ্নেতিক ফীল্দশিং অমসুং ইলেক্ত্রোনশিংগী ইনর্জীশিং অসি হন্থনা অতেনবা মতমগী ফ্লক্স অসি লেংদনা লৈহন্দুনা নত্রগা অনেম্বা এম্প্লিচুদ মখল খেৎনবশিং অসি থোকহল্লি। থাদগীনা চহিফাওবগী মতমগী থাক্তা খেৎনবা জেৎশিং অসিগা কোন্ননা মিৎকুপ অমদা শন্দোক্তুনা খংহনবা ঙম্মি, মসিগী মরম্না ইলেক্ত্রোন অসি মমাংদা খংহেন০হেনগৎখিদুনা খ্বাইদগী ৱাংবা ইনর্জী হেনগৎলকই।  মসিগী অয়াম্বা ইনর্জীগী ইলেক্ত্রোনশিং অসি তোঙান-তোঙানবা মৈ মঙাল থোরকহন্নবগী থবক-থৌওংশিংদগী ইংথহল্লগনি অদুগা মমাংথংবশিং অদু খংচিং চিংহনগনি।  থাদগীনা চহিগী ওইবা মতমগী থাক খেৎনবশিংগী ওইনা ওইরকপা য়াবশিং অসি খংহন্নবগীদমক্তা মেগ্নেতিক ফীল্দ অসি হোংবা অমসুং/নত্রগা দোপ্লর ফেক্তর অসি হোংবা য়াওরিবা অসিদা জেৎকী মনুংদা নত্রগাজেৎশিং ৱিগ্লিং তৌবদা নত্রগা হেলিকেল জেৎশিং অসি মিৎকুপ অমদা হেলিকেল ওইনা লেংবনা ওইহল্লি।   মসিগী মল্তী-ৱেবলেঙ্থ(এম.দব্লয়ু.)কী মতম অসিদা ত্রান্সিএন্ত ওইবা এস্ত্রোনোমীগী ওইবা সোর্সশিং অসি ফ্লক্সতা য়াম্না থুনা হোংলকপা, মতমদুদা মতম শাংদোরকপা অমদা অকক্নবা ত্রান্সিএন্ত সোর্স অমগী এম.দব্লয়ু.দা উরিবা অসিতোঙান-তোঙানবা ইলেক্ত্রোমেগ্নেতিক(ই.এম.) বেন্দশিংগী মনঙাল থোরকহনবগী মেকানিজম অদু খংবদা মরুওইবা ওইরিবা মতমগী দোমেন এস্ত্রোনোমী য়াম্না য়েংবা নুংঙাই।

 

ফিগর: পাৱরফুল রিলেতিভিস্তিক জেৎ অমা লৈবা ব্লেজরগী মতাংদা আর্তিস্তকী ৱাখলদা ইথিল পীবা

 ।

 

ইমেজ ফংফম: https://apod.nasa.gov/apod/ap180716.html

 

[পব্লিকেসন লিঙ্ক: DOI: 10.1093/mnras/staa1598

অতৈ মরিক চুম্বা ৱারোলগীদমক্তা দা. অশ্বানী পান্দে(পোস্ত দোক্তরেল ফেলো) (+৯১-৯৮০৮৫৩০৭২১,ashwani@aries.res.in) দা পাও ফাওবিবা য়াগনি।]

*****

(Release ID: 1659226) Visitor Counter : 175