ভিদিও কনফরেন্সকী খুৎথাংদা ২০২০গী সেপ্তেম্বর ২৬দা সোসিএল জজতিস্ত অমসুং ইমপ্বারমেন্ত মিনিস্ত্রিনা শীন্দুনা মৈধ্য প্রদেসকী গ্বালিয়রদা ‘সেন্তর ফোর দিসএবিলিতি স্পোর্তস’কী উরেপ-উয়ুং তম্লগনি। থৌরম অদুদা মৈধ্য প্রদেসকী চীফ মিনিস্তর সিবরাজ সিংহ চৌহান্না চীফ গেস্ত, সোসিএল জজতিস্ত অমসুং ইমপ্বারমেন্তগী য়ুনিয়ন মিনিস্তর থাৱারচান্দ গেহলোতনা প্রসিদেন্ত ওইনা শরুক য়াগনি, এগ্রিকলচর, রুরেল দিবলপমেন্ত, পঞ্চায়াতি রাজ অমসুং ফুদ প্রোসেসিং ইন্দস্ত্রিগী য়ুনিয়ন মিনিস্তর নরেন্দ্র সিংহ তোমারনা গেস্ত ওফ ওনর ওইনা শরুক য়ানগনি। ভিদিও কনফরেন্সগী লাইভ লিঙ্ক http://webcast.gov.in/msje.দা ফংগনি।

মৈধ্য প্রদেসকী গ্বালিয়রদা ‘সেন্তর ফোর দিসএবিলিতি স্পোর্তস’ লিংখৎনবা অয়াবা ২০১৯গী ফেবুৱারি ২৮দা কেন্দ্রগী মন্ত্রীমন্দলনা অয়াবা পীখিবনি। সেন্তর অসি লিংখৎপদা অপুনবা ওইনা লুপা কোরোর ১৭০.৯৯ চঙগনি। সেন্তর অসি সোসাইতিস রেজিস্ত্রেসন এক্ত,১৮৬০গী মখাদা রেজিস্তার তৌগনি। সেন্তর অসি য়েংশিন্নবা দি.ই.পি.দব্লিউ.দিগী সেক্রেতরিনা চিয়রমেন ওইবা গভর্নিং বোদি অমা শেম্লে। প্রোজেক অসি পায়খৎলকপা মতমদা য়েংশিন্নবা দি.ই.পি.দব্লিউ.দিগী সেক্রেতরিনা চিয়রমেন ওইবা প্রোজেক মোনিতরিং কম্মিতি অমা শেম্লে।

হৌজিক লৈবাক অসিদা হকচাংগী ফিবম চাদ্রবা শান্নরোইশিং ত্রেনিং পীনবা খুদোংচাবশিং লৈত্রি। লিংখৎনবা থৌরাং তৌরিবা সেন্তর অসিনা হকচাংগী ফিবম চাদ্রবা শান্নরোইশিংদা অখন্নবা ত্রেনিং পীগনি। মসিগী সেন্তর অসি লিংখৎপা অসিনা খুন্নাইদা মখোয়গী মফম অমা লৈরি হায়বা ৱাখল্লোন অমা দিবাংজনশিংদা ফাওহনগনি।

সেন্তর অসিনা হকচাংগী ফিবম চাদ্রবা শান্নরোইশিং মালেমগী থাক্তা লাম্বা তৌনবা ঙম্নবা অমসুং লৈবাক্কী মিংচৎ পুরক্নবা মালেম থাক্কী খুদোংচাবশিং ফংহনগনি। সেন্তর অসিদা আউদোর এথলেতিক স্তদিয়ম, ইন্দোর স্পোর্তস কমপ্লেক্স, বেজমেন্ত পার্কিং, ইরোইনবা পুখ্রি অনি, মথক কুপ্পা পুখ্রি অমা অমসুং মপানগী পুখ্রি অমা, ক্লাসরুমশিং, মেদিকেলগী খুদোংচাবশিং, স্পোর্তস সাইন্স সেন্তর, শান্নরোইশিংগী হোস্তেল, লোক্কর, চাক চাফম, পোথাফম অমসুং এদমিনিস্ত্রেতিপ ব্লোক য়াওগনি।

সেন্তর অসিদা ত্রেনিং, সেলেক্সন, শান্নগী মরমদা থিজিনবা, মেদিকেলগী খুদোংচাবা, ভাবকশিং য়েংফম, জাতি অমসুং মালেম থাক্কী থৌরমশিং পাংথোক্নবা খুদোংচাবশিং লৈগনি। সেন্তর অসিদা বেতমিন্তন, বাস্কেতবোল, তেবল তেনিস, বোল্লিবোল, জুদো, তাইকুন্দো, ফেন্সিং, রুগবী, বোসিয়া, গোলবোল, ফুতবোল ৫ এ সাইত, পেরা দান্স স্পোর্ত, পেরা পৱার লিফতিং, এথলেতিক্স, আর্চরি, ফুতবোল ৭ এ সাইত অমসুং তেন্নিস অমসুং ইরোইবগী ত্রেনিং পীগনি।

*****

(Release ID: 1658829) Visitor Counter : 112