చిన్నారుల రక్షణ సేవల (సీపీఎస్‌) పథకం కింద మద్దతు పొందుతూ, దేశవ్యాప్తంగా పనిచేస్తున్న బాలల సంరక్షణ సంస్థలు (సీసీఐలు) సహా ఆశ్రయ గృహాలు, వాటిలో ఉంటున్న చిన్నారుల సంఖ్యతో కలిపి, గుజరాత్‌ సహా రాష్ట్రాలవారీ వివరాలు అనుబంధం-Iలో ఉన్నాయి.

    బాలల న్యాయ (చిన్నారులు, చిన్నారుల రక్షణ) చట్టం-2015 (జేజే చట్టం), బాలల న్యాయ (సంరక్షణ, చిన్నారుల రక్షణ) నిబంధన-2016, సీసీఐలను క్రమం తప్పకుండా పర్యవేక్షించడం, తనిఖీలు చేయడాన్ని తప్పనిసరి చేశాయి.

    జేజే చట్టం అమలు ప్రాథమిక బాధ్యత రాష్ట్రాలు/యూటీలతో ముడిపడివుంది. కేంద్ర మహిళ, శిశు అభివృద్ధి మంత్రిత్వ శాఖ ఈ విషయంలో అవసరమైన సూచనలు అందించింది. దేశంలో జేజే చట్టం అమలును పర్యవేక్షించేందుకు, బాలల హక్కుల రక్షణ కమిషన్ల చట్టం-2005 (సీపీఆర్‌సీ) కింద, బాలల హక్కుల రక్షణ జాతీయ కమిషన్‌ (ఎన్‌సీపీఆర్‌సీ)తోపాటు, బాలల హక్కుల రక్షణ రాష్ట్ర కమిషన్లు (ఎస్‌సీపీఆర్‌సీ) ఏర్పాటయ్యాయి.

    ఎన్‌సీపీఆర్‌సీ అందించిన సమాచారం ప్రకారం, 2017-18 నుంచి 2019-20 వరకు, ఈ మూడేళ్లలో సీసీఐలు, ఆశ్రయ గృహాల్లో బాలలపై హింస, లైంగిక వేధింపులపై 41 ఫిర్యాదులు అందాయి. రాష్ట్రాలు/యూటీలవారీ వివరాలు అనుబంధం-IIలో ఉన్నాయి.    

    కేంద్ర మహిళ, శిశు అభివృద్ధి శాఖ మంత్రి శ్రీమతి స్మృతి జుబిన్‌ ఇరానీ, లిఖితపూర్వక సమాధానం రూపంలో ఈ సమాచారాన్ని లోక్‌సభకు సమర్పించారు.

***
 

(Release ID: 1658385) Visitor Counter : 964