য়ুনিয়ন কমর্স অমসুং ইন্দস্ত্রী অমসুং রেলৱেগী মন্ত্রী, শ্রী পিয়ুশ গোয়লনা ঙসি জি-২০ ত্রেদ অমসুং ইন্ভেস্তমেন্ত মন্ত্রীশিংগী ভর্চুৱল মীফমদা শরুক য়াখি। মীফম অদুদা, মরক্তা ৱা ঙাংবদা মহাক্না কোবিদ-১৯দগী ফগৎহন্নবা  জি-২০না লুচিংবগী শক্তম অমা লৌদুনা লম্বি য়াৎকদবনি হায়না মহাক্না হায়খি,  চাং মানবা অমসুং তুং কোয়বা দিবেলপমেন্ত পুরক্নবগীদমক এক্সতর্নেল অমসুং ইন্তর্নেল একোনোমিক পোলিসীশিংগী মরক্তা বেলেন্স থম্বসি লৈবাক পুম্নমক্কী মরু ওইবা পরা অমনি হায়না হায়খি। জি-২০গী মেম্বরশিংগা লোইননা ইনক্লুসিব ওইবা অমসুং চাউখৎপগী ৱাখল ওইবা এজেন্দাবু শৌগৎপদা ইন্দিয়ানা শরুক য়ানবা লেংদনা লেপ্লি হায়না মহাক্না মখা তানা হায়রকখি।

ভারতনা হৌজিক ‘দেতা ফ্রী ফ্লো ৱিত ত্রস্ত (দি.এফ.এফ.তি.)’গী কন্সেপ্ত অসি লৌশিনবা ঙম্বগী ফিভমদা লৈত্রি হায়না শ্রী গোয়লনা লাওথোকখি। মহাক্না হায়খি মদুদি দি.এফ.এফ.তি.গী কন্সেপ্ত অসি ময়াম্না কুপ্না খংবসু নত্তে অদুগা লৈবাক কয়াগী আইনদা মনুং চনবসু নত্তে হায়না ভারতনা খল্লি। “অসিতসু নত্তনা, লৈবাকশিংগী মরক্তা দিজিতেলগী য়াম্না খেৎনবা লৈবসি য়েংলুরবদি, দিজিতেল ত্রেদ অমসুং দেতাগী ওইবা নিয়মশিং অরোইবা ওইনা শেম্বগী মথৌ তাবা চাউখৎলক্লিবা লৈবাকশিংগীদমক পোলিসী অমা শেম্বগী মথৌ তাই । দেতা অসি চাউখৎপগীদমক য়াম্না মতিক লৈবা খুৎলাই অমনি অমসুং দেতা অসি ময়াম্না চপ মান্ননা শিজিন্নবা ঙমহনবা হায়বসি ঐখোয়গীদমক য়াম্না অরুবা মওং অমনি। অতৈ অতোপ্পা চাউখৎলক্লিবা লৈবাকশিংগুম্না, ভারতসু, দেতা ঙাক শেন্ননবা অমসুং ই-কোমর্সকী নিয়মশিং ফ্রেমৱর্ক শেম্বগী ফিভমদা লৈরি।  অসিদসু নত্তনা, দি.এফ.এফ.তি. শেমগদবা অসিনা থমগদৌরিবা হৌজিক হৌজিক লৈরিবা নিয়মশিং অসি, খুদম ওইনা থিংবা লৈত দেতাশিংগী ক্রোস বোর্দর ফ্লো,  অসি  ঐখোয়না দেতা শিজিন্নবদা পুল্লপকী য়েংলুরগদি কোন্ননা পীবা ঙমদে।  অসিনা তুংদা দিজিতেলগী খেৎনবসি মখাতানা হেনগৎহল্লগনি” হায়না মহাক্না মখা তারকখি। ভারতনা জি.-২০গী অতোপ্পা মেম্বরশিংগা লোইননা, ঐখোয়গী  রিজর্ভেসনশিং অদুনা মরম ওইরগা হৌখিবা চহিদা ওসাকা ত্রেক্তা শরুক য়াখিদে হায়না মহাক্না হায়খি।

জি২০ অসিবু মালেমগী মীশিংগী অয়াম্বা শরুক, মখোয়গী জি.দি.পি. অমসুং ত্রেদকী মীহুৎ শিল্লিবা য়াম্না মরু ওইবা কাংলুপ অমনি হায়রদুনা, শ্রী গোয়লনা হায়খি মদুদি ঐখোয়না ময়াম পুম্বগী ওইনা কান্নগদবা এজেন্দা অমা ফংনবা হোৎনগদবনি অমসুং জি-২০গী মনুং চন্দবা মেম্বরশিংগী অপাম্বা অদুসু য়াএগদবনি। মহাক্না দাইভর্স ওইবা ইকোনোমিক রিয়েলিতিশিং অসিবু ময়াএক শেংনা খঙবা হায়বসি তঙাইফদে হায়না মহাক্না হায়খি।

শ্রী গোয়লনা হায়খি মদুদি কোবিদ-১৯ লাইচৎ অমসুং মতুং তারকপদা পুন্সিকয়া অমা হিংবা ঙম্নবা অমসুং শেন্মিৎলোনগী থবক থৌওংশিংদা মতেং পাংনবা ফুদ চেনশিং অমসুং তঙাইফদবা সপ্লাইশিং লৈংদনা থম্নবা অপিকপা রিতেলরশিংগী মরু ওইবা থৌদাং অসিবু মশক খঙবা হায়বসি য়াম্না মরু ওই।

শ্রী গোয়লনা হায়খি মদুদি প্রধান মন্ত্রী, শ্রী নরেন্দ্র মোদিগী লুচিং মখাদা, ভারতনা এগ্রিকলচর, মাইনিং, দিফেন্স, স্পেস তেক্নোলোজি, লোজিস্তিক্স, ফাইনান্সিয়েল অমসুং অতোপ্পা সেক্তরশিংগি লমদা য়াম্না থৌনা ফবা অমসুং অওনবা পুরক্কদবা অহোংবশিং পুরক্নবা হৌজিক্কী চিরবা তঞ্জা অসিবু খুদোংচাবা ওইনা শিজিন্নখি। মহাক্না হায়খি “ঐখোয়না ইনফ্রস্তকচর শেমগৎপদা অমসুং ইন্দস্ত্রী অমসুং সার্বিসকী বিজনেসতা ইনভেস্তমেন্ত তরাম্না ওক্লি। মালেম অসিনসু ভারত্তা অচৌবা খুদোংচাবা লৈরিবা অসি মশক খঙলক্লে।”

শ্রী গোয়লনা হায়খি মদুদি ভারতকী ইকোনোমীক এক্সপান্সন অসি হৌজিক্তি ‘আত্মানিরভর’ নত্রগা মীপাল তাংদনা মরোমদোম লেপচবা ঙম্বগী পোলিসী অসিগী মখা পোল্লি। “ঐখোয়না ভারতপু তৌবা ঙম্বা হেনগৎহন্দুনা শেনমিৎলোনগী ফিভম হেন্না কনখৎহনবা পাম্লি মসিনা মরম ওইরগা ঐখোয়বু ময়াম্না থাজবা পার্তনর অমা ওইবদা মতেং পাংগনি অমসুং  অমসুং মালেমদা হেন্না ফজনা কন্ত্রব্যুত তৌবা ঙমগনি। মসিগী কোবিদকী মনুংসিদা ভারতনা মসিগী মাইকৈদা অচৌবা খোংথাং কবা লৌখৎলি। ঐখোয়না নোংমগী ওইবা পি.পি.ই.গী প্রোদক্সন অসি হান্না নিল ওইরম্বদগী মিলিয়ন তংখাইগী মথক্তা হেনগৎহনখ্রে। ঐখোয়গী তেস্তিং কিতশিং, মাস্কশিং, ভেন্তিলেতরশিংনচিংবা মতিক চানা কোন্ননবা লৈরে। ঐখোয়না তঙাইফদনা চংবা হিদাক লাংথকশিংগী ইক্বিতেবল ওইবা অমসুং ত্রান্সপরেন্ত ওইবা সপ্লাইশিং ফংহল্লি। মসিগী পাম্বৈশিং অসিনা ময়ামগীদমক ফনবগীদমক্তা থবক তৌরিবা রিলায়েবল, ত্রস্তৱর্দী অমসুং এমপেথেতিক পার্তনর ওইনা ঐখোয়দা থাজবা হেনগৎহল্লি”, আয়না মন্ত্রিনা হায়খি।

মল্তি লেতরেল ত্রেদিং সীস্তেমগী ইসুগী মতাংদা, শ্রী গোয়লনা হায়খি মদুদি ভারতনা ফেয়র, ত্রান্সপরেন্ত অমসুং  বেলেন্সদ ওইগদবনি। মহাক্না হায়খি মদুদি পুরক্লিবা অহোংবশিংনা মরু ওইবা ভেল্যুশিং অমসুং ফন্দামেন্তল প্রিন্সিপলশিং খুদম ওইনা নন-দিস্ক্রিমিনেশন, ইনক্লুসিভনেস, অখন্নবা অমসুং তোখাইনা ত্রীতমেন্ত তৌবা য়াওহন্নবগী রিকোগ্নিশন অমসুং ময়াম্না য়াবগী মতুং ইন্না ৱারেপ লৌবা হায়রিবশিং অসিবু ঙাক-শেন্দুনা থমগদবনি। মহাক্না হায়খি মদুদি ভারতনা অহোংবা পুরক্লিবা অসিদা মতেং পাংনবা হোৎনরিবা রিয়াথ ইনিসিয়েতিব অসিবু য়ানিংঙি। “তৌইগুম্বসুং, ঐখোয়না দবল্যু.তি.ও.অসি মেম্বরশিংনা লুচিংবা ওর্গনাইজেশন্নি হায়বসি খঙগদবনি, অমসুং জি-২০না ইন্ত্রুসিভ ওইরোইদবনি অমসুং মল্তিলেতরেল ত্রেদিং সীস্তেমগীদমক্তা ওইবা এজেন্দা পুখৎলোইদবনি। মসিগী মহুত্তা ঐখোয়গী প্রায়োরিতী অসি লৈরিবা ত্রেদিং সীস্তেম অসিদা লৈরিবা অসীমেত্রী অমসুং ইমবেলেন্স ওইরিবা অসিবু চুমথোক্নবা ওইগদবনি”, হায়না শ্রী গোয়লনা মখা তাখি।

সার্বিসশিংবু শেনমিৎলোনগী ওইবা থবক থৌওংশিংগী ওইনা য়াম্না মরু ওইবা দ্রাইভরনি হায়না টাক্লদুনা. শ্রী পিয়ুশ গোয়লনা হায়খি  মদুদি লৈবাক অয়াম্বদা, মসিনা মখোয়গী জি.দি.পি.শিংগী শরুক তংখাই হেন্না কন্ত্রিব্যুত তৌরি অমসুং মখৌয়শিং অসি লাইচৎ অসিনা মরম ওইরগা শোকহনখ্রে। সেক্তর অসি এমপ্লোইমেন্ত ইন্তেন্সিব ওইবনা অমসুং মীওই কয়া মরুম অমদা হিংনবগী পাম্বৈশিং পীরি, মহাক্না হায়খি মদুদি জি-২০গী তুংগী এজেন্দাদা সার্বিসশিংদা মরু ওইবা পীবা হায়বসি তঙাই ফদে।

*****