ইলেক্সন কমিসন

লায়না লায়চৎ অসিগী মনুংদা ইলেক্সন পাংথোক্কদৌরি – দেমোক্ত্রেসিগী মরুওইবা ৱাহন্থোক ই.সি.আই.গী ৱাবিনারদা পীরি

সি.ই.সি.না ই.এম.বি.শিংদা ইলেক্সন মতম চানা, য়াম্না লাইথোক্না, নিয়ম চুম্না অমসুং মীপুম খুদিংমক শরুক য়ানবা মরুওইবা ৱারোল থমখ্রে

Posted On: 21 SEP 2020 10:02PM by PIB Imphal

চীফ ইলেক্সন কম্মিস্নর শ্রী সুনিল অরোরানা ঙসি  মালেমদা লৈরিবা ইলেক্সন মেনেজমেন্ত বোদী (ই.এম.বি.শিংদা) মালেমদা দেমোক্ত্রেসিগী ৱাহন্থোং লৈনবা ইলেক্সন মতম চানা, য়াম্না লাইথোক্না, নিয়ম চুম্না অমসুং মীপুম খুদিংমক শরুক য়ানবা মরুওইবা ৱারোল থমখ্রে। মতাং অসিদা হান্নগী য়ু.এস.গী রাস্ত্রপতি ওইবিরম্বা অব্রাহম লিঙ্কোলগী সরকারনা দেমোক্ত্রেসিদা পল্লম্বা “মীয়ামগী, মীয়াম্না অমসুং মীয়ামগীদমক”  হায়বা অসি নিংশিংখি।

সি.ই.সি.না নেলসন মন্দেলা ৱাহৈশিং নিংশিংলদুনা “থৌনা ফবা হায়বা অসি অকিবা য়াওদনা নত্তে, মসি কানদুনা মায় পাকপা অদুনি। মথৌনা লৈবা অকিবা ফাওদবা নত্তে, অদুবু মহাক্না মদু ঙমদুনা চৎপা অদুনি”।

মালেমগী ৱেবিনার অসিগী লোয়শিল্লকপদা ৱা ঙাংলদুনা “ইশুশিং, অৱাবা অমসুং প্রোতোকোল কোভিদ-১৯ ইলেক্সন পাংথোক্লি: মসিনা লৈবাক্কী থেংনরকপা পুথোক্নরি” শ্রী অরোরানা থৌরম অদুদা উৎখি।

সি.ই.সি.না মরুওইবা উৎলদুনা হায়খি মদুদি ঙসিগী ৱেবিনার অসিনা ময়েক শেংনা ইলেক্সন পাংথোকপদা চংগদবা অসিগী মতাংদা ওফিসিএলশিংদা মরুওইবা ত্রেনিং পীরি।

ইলেক্সন কম্মিস্নর শ্রী সুশিল চনন্দ্রনা মরুওইবা উৎতু হায়খি মদুদি কোভিদ-১৯গী মরক অসিদা ইলেক্সন অসি য়াম্না লাইনা অমসুং নিয়ম চুম্না পাকথোকপদা নত্তনা ভোৎ থাদগদৌরিবা লোয়ন-লোয়ননা পোলিং ওফিসিএল অমসুং সেক্যুরিতিগী মথৌ তৌরিবা পর্সোনেলশিংসু চেকশিনবা মথৌ তাই হায়খি। মহাক্না হায়খি মদুদি লৈবাক কয়াদগী ইলেক্সন মমাংদা, মনুংদা অমসুং মতুংদা তৌগদবা মরুওইবা হেন্না লায়বা শেম শাবগী মওং পিনরক্লি। খ্বায়দগী মরুওইবদি ভোতরশিংনা কোভিদ মনুং অসিদা ভোৎ থাদবা অসিদা শোই ঙামদবা হায়না ফাওহনগদবনি। মহাক্না মখা তানা হায়খি মদুদি ভোতরশিংগা মতিক চানা পাউ ফাওনদুনা কম্মিসন্না পিরিবা শোইহন্দবা প্রোতোকোল অসি য়ৌহনগদবনি।

ইলেক্সন কম্মিস্নর শ্রী রাজীব কুমার মহাক্কী ৱাফমদা লায়চৎ অসিগী মনুংদা ভোতরশিংনা ইলেক্সন অসিবু য়াম্না ইং-তপ্না পাংথোক্নবগী থাজবা লৈরি। ৱাখলগী মান্নবা পীনবা অমসুং কোভিদ-১৯ মনুংদা ইলেক্সন পাংথোকপগী অৱাবা, মসিনা য়াম্না শোই-ঙামদবা প্রোভিজন অমসুং মফম খুদিংদা প্রোতোকোল চৎনহনবা মসিনা অৱাবা কয়া অমগী মরক্তা দেমোক্ত্রেসিবু মপাঙ্গল কনখৎহল্লি। মহাক্না মখা তানা মীয়ামদা নিংশিংলি মদুদি ইলেক্সনগী বোদীনা হন্না হায়দুনা মীয়ামগী রাজনিতিগী ওইবা হক অদু মাংহনদনবা হায়রি।   

প্রজেন্তেসন পীবিরকপা লৈবাকশিং খরগী মনুংদা ফিজি, রিপব্লিক ওফ কোরিয়া, মোঙ্গোলিয়া, তাইৱান, খা আফ্রিকা, বঙ্গলাদেশ অমসুং মালাৱি য়াওরি। শরুক য়াখিবা মালেমগী ওর্গানাইজেসনশিং অদুদি আই.দি.ই.এ., এ.- দবল্যু.ই.বি. অমসুং আই.এফ.ই.এস.নি।

ৱেবিনার অসিনা শরুক য়ারিবশিং অসিদা য়াম্না খুদোংচাবা পীদুনা অমগা অমগা ৱাখল ফাওনদুনা কোভিদ-১৯গী য়াম্না ৱানরবা মতম অসিদা ইলেক্সন কম্মিতিনা য়াম্না লায়না, নিয়ম চুম্বা লোয়ননা শোয় ঙামদবা ইলেক্সন অমা পাংথোক্লগনি।

*****************



(Release ID: 1657640) Visitor Counter : 12


Read this release in: English , Urdu , Hindi