তোঙান তোঙানবা রাজ্যগী ঙমখৈদা ইন্দিয়ন রেলৱে অসি লৈবনা মরম ওইরগা রেলৱেগী প্রোজেক্তশিং অসি জোনেল রেলৱেগী ওইনা  রাজ্যশিংগী নত্তনা সলসেঙ্কসন তৌরে৷ অদুমওইনমক ০১.০৪.২০২০ ফাওবদা বিহার রাজ্যগী শরুক পুম্নমক/শরুক খরা য়াওরিবা কি.মি.৫২৬৭ শাংলিবা লুপা কোতি ৭৪,৮৮০ চংলিবা প্রোজেক্ত ৫৭(অনৌবা লম্বী ৩৫, গোজ ওন্থোকপা ৫ অমসুং দব্লিংগী ১৭)তি প্লানিংগী/এপ্রুবেলগী/চৎননবগী তোঙান তোঙানবা স্তেজশিংদা লৈরি, মসিগী মনুংদা কি.মি. ১৩০৬তি চৎনখ্রে অমসুং ২০২০গী মার্চ ফাওবদা লুপা কোতি ২২,১২৩গী শেনফম শিজিন্নখ্রে৷

২০১৪-১৫দগী হৌদুনা বিহার রাজ্যগী শরুক পুম্নমক/শরুক খরা মনুং চল্লিবা কি.মি. ১১৮০ শাংবা লুপা কোতি ১৩,২৫৯গী প্রোজেক্ত ১৭তি শাবা লোইশিনখ্রে অমসুং চৎনবা হৌখ্রে অমসুং হায়রিবা মতম অসিদা বিহার রাজ্যগী শরুক পুম্নমক/শরুক খরা  মনুং চল্লিবা কি.মি.১,৪১২ শাংলিবা প্রোজেক্ত ১৮দি বদজেৎ অসিগী মনুং চনখ্রে৷

প্রোজেক্ত অদুগী অকুপ্পা মরোলশিং খুদম ওইনা শাবদা চংবগী মমল, চাদিংশিং অদু ময়ামনা য়েংবা য়ান্নবগীদমক ইন্দিয়ন রেলৱেগী ৱেবসাইত www.indianrailways.gov.in > রেলৱেগী মন্ত্রালয়> রেলৱে বোর্দ>ইন্দিয়ন রেলৱেগী মরমদা > রেলৱে বোর্দ দাইরেক্তোরেৎ> ফাইনান্স (বদজেৎ)> পিঙ্ক বুক(চহী)> রেলৱে-ৱাইস ৱর্কস, মেছিন্নরী অমসুং রোল্লিং স্তোক প্রোগ্রাম(আর.এস.পি.)অসিদা ফংহল্লি৷.

বিহার রাজ্যগী শরুক পুম্নমক/শরুক খরা মনুং চল্লিবা  প্রোজেক্তশিং শেমগৎ শাগৎপগী অমসুং থবকশিং অদু নিংথীজনা মাই পাক্না তৌন্নবগীদমক বদজেৎ য়েন্থোকখ্রে৷

২০১৪-১৯গী মতম অসিদা বিহার রাজ্যগী শরুক পুম্নমক/শরুক খরা মনুং চল্লিবা  প্রোজেক্তশিং শেমগৎ শাগৎপগী অমসুং থবকশিং অদু নিংথীজনা মাই পাক্না তৌন্নবগীদমক চহীগী এভেরেজ বদজেৎ এলোকেসন অদু (২০০৯-১৪গী মতমদা) চহীদা লুপা কোতি ১,১৩২ ওইরম্বদগী চহীদা লুপা কোতি ৩,০৬১দা হেঙ্গৎলকখ্রে, মসি ২০০৯-১৪গী চহীগী এভেরেজ বদজেৎ অদুদগী ১৭০% হেন্না ৱাংই অমসুং ২০১৯-২০ শেঞ্জাগী চহী অসিদা থদরিবা শেনফম লুপা কোতি ৪,০৯৩ অসি ২০০৯-১৪দা চহীগী এভেরেজ বদজেৎ অদুদগী ২৬২% হেন্না ৱাংই৷ ২০২০-২১ শেঞ্জাগী চহী অসিগীদমক হায়রিবা থবকশিং অসি পাংথোক্ননবগীদমক লুপা কোতি ৪,৪৮৯গী শেনফম কাইখ্রে, হায়রিবা শেনফম অসি ২০০৯-১৪দা থাদখিবা চাংচৎকী বদজেৎ অদুদগী ২৯৭% হেন্না ৱাংই৷

বিহারগী মফম পুম্নমক/মফম খরদা শেমগৎ শাগৎলিবা ইনফ্রাস্ত্রকচর প্রোজেক্তশিং অমসুং সেফতী ৱর্কশিং চৎনরকপা

২০১৪-১৯গী মতম অসিদা বিহারগী মফম পুম্নমক/মফম খরগী মনুং চল্লিবা মফমশিংদা কি.মি. ৬৯৫ শাংবা অনৌবা লম্বী/গোজ ওন্থোকপা/দব্লিং প্রোজেক্তশিং শাখ্রে অমসুং মসি ২০০৯-১৪দা শাখিবা(৩১৮ কি.মি.) অদুদগী ১১৯% হেন্না ৱাংই৷ ২০১৯-২০গী মতম অসিদা কি.মি. ২৩১ শাংবা অনৌবা লম্বী/গোজ ওন্থোকপা/দব্লিং প্রোজেক্তশিং শাখ্রে অমসুং মসি ২০০৯-১৪দা চাংচৎতা শাখিবা(চহীদা কি.মি.৬৩.৬) অদুদগী ১১৯% হেন্না ৱাংই৷

রেলৱে প্রোজেক্ত অমা লোইশিনবা হায়বসি তোঙান তোঙানবা মরমশিং রাজ্য সরকারনা লম লৌশিনবা, ফোরেস্ত দিপার্তমেন্তকী ওফিসিয়েলশিংনা উমং শেংদোকপা, লম খোপচিল্লক্তুনা শিজিন্নরম্বশিং হোংদোকহনখিবা, মফম অদুগী জিওলোজিকেল অমসুং তোপোগ্রাফিকেলগী ফিভমশিং, প্রোজেক্ত মফম অদুগী লো অমসুং ওদরগী ফিভম, অখন্নবা প্রোজেক্ত অফম অদুগী চহী অমদা থবক শুগদৌরিবা থা মশিং, ইশিং-নুংশিৎকী ফিভমশিং অসিগী মতুং ইল্লি অমসুং হায়রিবা মরমশিং অসি প্রোজেক্ত অমগা অমগা মান্নদে অমসুং মরমশিং অসিনা প্রোজেক্ত অদু মতম চানা লোইশিনবদা শোকহল্লি৷

প্রোজেক্তশিং অসি মতম চানা শেল কা হেন্না চংদনা লোইশিন্ননবগীদমক প্রোজেক্তশিং অসি শেমগৎ-শাগৎপদা অথিংবা পীরিবা ইসুশিং অসি লৌথোক্ননবগীদমক রেলৱেশিংদা তোঙান তোঙানবা লেভেলদা(ফিল্দ লেভেল, দিভিজন্নেল লেভেল, জোনেল লেভেল অমসুং বোর্দ লেভেল) য়াম্না চেকশিন্না য়েংশিল্লি অমসুং রাজ্য সরকারগী ওফিসিযেলশিং অমসুং মরী লৈনবা ওথোরিতীশিংগা মীফম পাংথোকই৷

অসিগীসু মথক্তা প্রোজেক্তশিং অসি শেমগৎ শাগৎপদা হেন্না ঙন্না লৌইশিনবা ঙম্ননবগীদমক রেলৱেনা কন্ত্রেক্তরশিংদা বোনস ক্লোসকী মওংদা কন্ত্রেকশিং অদুদা ইন্সেন্তিবকী পীবগী ৱাখল্লোল অদু তৌখি অমসুং মসিনা প্রোজেক্তশিং অদু মতম চানা লোইশিনবদা মখা তানা মতেং পাংলগনি৷

মখাতানা রেলৱে প্রোজেক্তশিং হেন্না পাকথোক চাওথোক্ননবগীদমক, ইন্সতিত্যুস্নেল ফাইনান্সিং শেম শাখ্রে অমসুং মসিনা রেলৱে প্রোজেক্তশিং হেন্না পাকথোক চাওথোক্নবগীদমক ফন্দ প্রোভিজন অদু শিজিন্নদুনা রেলৱে কেপাসিতী অদু হেন্না পাকথোক চাওথোকহল্লগনি৷

হায়রিবা ৱারোল অসি রেলৱে অমসুং কম্মর্স অমসুং ইন্দস্ত্রীগী মন্ত্রী শ্রী পিয়ুশ গোয়লনা ঙসি লোক সভাদা অইবা চেরোল অমা ওইনা পীশিনখি৷

*****

(Release ID: 1657636) Visitor Counter : 86