కొనసాగుతున్న కోవిడ్ -19 సంక్షోభం నేపథ్యంలో, ఇంటర్నేషనల్ ఎనర్జీ ఏజెన్సీ (ఐ.ఇ.ఎ), నీతీ ఆయోగ్ సహకారంతో, 2020 సెప్టెంబర్, 18వ తేదీన ‘సస్టైనబుల్ రికవరీ పై ప్రత్యేక నివేదికను’ సమర్పించింది.

ఐ.ఈ.ఏ. యొక్క ప్రధాన ప్రపంచ ఎనర్జీ అవుట్ లుక్ సిరీస్‌లో భాగంగా, ఇంధన వ్యవస్థలను శుభ్రంగా మరియు మరింత స్థితిస్థాపకంగా చేసేటప్పుడు ఆర్థిక వ్యవస్థలను పునరుజ్జీవింపచేయడానికీ, ఉపాధిని పెంపొందించడానికీ, వచ్చే మూడేళ్ళలో తీసుకోవలసిన అనేక చర్యలను ఈ నివేదిక ప్రతిపాదించింది.

ఈ నివేదికను, రైల్వే, వాణిజ్య, పరిశ్రమల శాఖల మంత్రి పియూష్ గోయల్ సమక్షంలో, ఐ.ఈ.ఏ. ఎగ్జిక్యూటివ్ డైరెక్టర్ డాక్టర్ ఫాతీ బిరోల్, నీతీ ఆయోగ్ సి.ఈ.ఓ. అమితాబ్ కాంత్ వీడియో కాన్ఫరెన్సు ద్వారా విడుదల చేశారు. 

ఐ.ఈ.ఏ. చీఫ్ ఎనర్జీ మోడలర్ లారా కోజ్జీ ముఖ్య విషయాలను సమర్పించారు. ఈ కార్యక్రమంలో ప్రధాన ఆర్ధిక సలహాదారు కృష్ణ మూర్తి సుబ్రమణియన్ కూడా పాల్గొన్నారు. 

ఐ.ఈ.ఏ. అభినందిస్తూ, కేంద్ర మంత్రి పియూష్ గోయల్ మాట్లాడుతూ, నివేదికలో పేర్కొన్నట్లుగా, మనం ముందుకు సాగడానికీ, స్థితిస్థాపకంగా మరియు స్థిరమైన భవిష్యత్తు కోసం మనలను సిద్ధం చేయడానికి ఇది సరైన సమయమని అన్నారు.  శక్తి పరివర్తనలను సున్నితంగా, వేగంగా, మరింత స్థితిస్థాపకంగా, సరసమైనదిగా చేయడానికి అవకాశంగా, ప్రస్తుత సంక్షోభ పరిస్థితులను వినియోగించుకోవాలని ఆయన సూచించారు.  ఈ దిశగా, భారతీయ రైల్వే డిసెంబర్ 2023 నాటికి 100 శాతం విద్యుదీకరణకు కట్టుబడి ఉందనీ, తద్వారా, 2030 నాటికి అసలు ఉద్గారాలు విడుదల చేయని సంస్థగా మారుతుందనీ, ఆయన తెలియజేశారు. 

ప్రపంచవ్యాప్తంగా ఉన్న ప్రభుత్వాలు కోవిడ్-19 కు ప్రతిస్పందిస్తున్న తరుణంలో, ఐ.ఎమ్.ఎఫ్. సహకారంతో ఐ.ఈ.ఏ. తయారుచేసిన నివేదిక, శక్తి-కేంద్రీకృత విధానాలు మరియు ఆర్థిక వృద్ధిని పెంచడానికి సహాయపడే పెట్టుబడుల గురించీ, ఉద్యోగాలను సృష్టించాలనీ,  ఇంధన వ్యవస్థలను తక్కువ ఖర్చుతో, సురక్షితంగా, స్థితిస్థాపకంగా చేయాలనీ, ఉద్గారాలను నిర్మాణ క్షీణతకు గురిచేయాలనీ, వివరించింది.

ఈ సందర్భంగా, నీతీ ఆయోగ్ సి.ఈ.ఓ. అమితాబ్ కాంత్  మాట్లాడుతూ, "2008–09 ఆర్థిక సంక్షోభం తరువాత, మొత్తం ఉద్దీపన చర్యలలో హరిత చర్యలు 16 శాతం ఉన్నాయి.  మహమ్మారి నుండి కోలుకోవటానికి, మనం స్వచ్ఛమైన పెట్టుబడుల పట్ల మరింత ప్రతిష్టాత్మకంగా మరియు నిర్ణయాత్మకంగా ఉండాలి.  ఆ అవసరాన్ని బట్టి, ప్రభుత్వాలు, వ్యాపారాలు, సాంకేతిక నిపుణులు మరియు ఇతర కీలక నిర్ణయాధికారులకు మార్గనిర్దేశం చేయడంలో ఐ.ఈ.ఏ. రూపొందించిన సస్టైనబుల్ రికవరీ ప్లాన్ చాలా ఉపయోగకరమైన పాత్రను కలిగి ఉంది.  నీతీ ఆయోగ్ ప్రారంభం నుండి స్థిరమైన కార్యక్రమాలను సాధించింది. ఎస్.‌డి.జి. సూచికలు, విద్యుత్ చలన మిషన్, ఎ.సి.సి. బ్యాటరీ పధకం మరియు మిథనాల్ ఆర్ధిక చర్యల్లో మన నాయకత్వం మొదలైన స్థిరమైన కారణాలు నీతీ ఆయోగ్ నిబద్ధతకు నిదర్శనాలుగా నిలిచాయి.'’ అని వివరించారు.

డాక్టర్ ఫాతీ బిరోల్ మాట్లాడుతూ, ‘2020 సంవత్సరాన్ని, కోవిడ్-19, ఇంత భయంకరమైన సంవత్సరంగా మార్చినప్పటికీ, ప్రపంచవ్యాప్తంగా స్వచ్ఛమైన శక్తి పరివర్తనలకు ఆశావాదం కోసం పెరుగుతున్న కారణాలను నేను చూస్తున్నాను.  సౌరశక్తి మరింత పోటీగా మారడం దీనికి కారణం, ఈ విషయంలో, భారతదేశం వంటి దేశాల ప్రయత్నాలకు కృతజ్ఞతలు.  నేటి ప్రధాన ఆర్థిక, విద్యుత్తు, మరియు వాతావరణ సవాళ్లను ఏకకాలంలో ఎలా ఎదుర్కోవాలో మా సస్టైనబుల్ రికవరీ ప్లాన్ ప్రభుత్వాలకు తెలియజేస్తుంది. విద్యుత్తు వాహనాలకు మద్దతు పెంచడం, విద్యుత్ రంగంలో నిరంతర పెట్టుబడులు పెట్టడం, పరిశుభ్రమైన వంట కార్యక్రమానికి మెరుగుదల వంటి చర్యల ద్వారా గ్రామీణ ప్రాంతాల్లో ఇంధన ప్రాప్యతను మెరుగుపరచడం భారతదేశానికి ముఖ్య అవకాశాలు." అని పేర్కొన్నారు.

ప్రధాన ఆర్థిక సలహాదారు డాక్టర్ కె.వి.సుబ్రమణియన్ మాట్లాడుతూ, భారతదేశ ఆర్థిక పరిస్థితి మరియు పునరుద్ధరణ మార్గాల గురించి చర్చించారు.  ఈ మహమ్మారి స్థిరమైన ఆర్థికాభివృధి పాత్రను ప్రముఖంగా గుర్తుచేసిందనీ, ఈ ప్రయత్నంలో భారతదేశం ముందంజలో ఉందనీ ఆయన పేర్కొన్నారు.

విద్యుత్తు, రవాణా, భవనాలు, పరిశ్రమలు, స్థిరమైన జీవ ఇంధనాలు, ఆవిష్కరణలు మొదలైనవి, : ఉద్యోగాల కల్పన కోసం కీలకమైన రంగాలని, నివేదిక పేర్కొంది.  విధాన చర్యలు మరియు లక్ష్య పెట్టుబడుల కలయిక ఆర్థిక వ్యవస్థకు భారీ ప్రయోజనాలను సమకూరుస్తుంది మరియు ఉద్యోగాలను సృష్టిస్తుంది. అయితే, నివేదికలో ప్రత్యేకంగా పేర్కొన్న చర్యలు దేశ సార్వభౌమ ఎంపికగా మిగిలిపోయాయి.

నివేదిక కోసం ఇక్కడ "క్లిక్" చేయండి. 

 

 

*****

(Release ID: 1657590) Visitor Counter : 229