অচৌবা ভোল্কেনিক ইরপসনশিংনা ভারতকী মোন্সুন মাংজৌননা তাকপদা মতেং পাংবা য়াই – লৈবাক অসিগী লৌউশিংউগী অমসুং মীওই বিলিয়ন অমা থাক্লিবা কুমগী নোং। মখোয় অসি য়াম্না তম্বা ঙমদবনা, ভোল্কেনিক ইরপসনশিংনা মাংজৌননা তাকপদা মতেং পাংগনি, মসি ইন্দিয়ন-জর্মন রিসর্স কাংবুনা ফংখি। পেরাদোক্স অমা ওইরিবগী মরমদি ইরপসন থোকখ্রবা মতুংদা খা অমসুং খা নোংপোক এসিয়া অমসুং এল নিনো ফেনোমেনন অসিদা মোন্সুনগী মনুংদা মপাঙ্গল কনবা কপ্লিং ওইবননি। মেতিওরোলোজিকেল ওবজর্বেসনশিং, ক্লাইমেৎ রেকোর্দ, কম্প্যুতর মোদেল সিমিলেসন, অমসুং পৃথিবীগী পুৱারীদা চহী মিলিয়ন কয়াদগী লৈরকপা উগী মকোই, কোরেল, কেব দিপোজিৎ অমসুং আইস কোরগুম্বা পালিওক্লাইমেৎ আর্কাইব অসি পুনশিন্নদুনা রিসর্সরশিংনা মোন্সুনবু খ্বাইদগী কনবা মহৌশাদগী লৈরক্লবা অইং অশাগী খেন্নবা, এল নিনোগা সিঙ্ক্রোনাইজেসন অমা লৈবা ফংলে, মসিনা ভারতকী সবকন্তিনেন্ততা লৈবা কুমগী নোংগী মপাঙ্গল পুথোকপা লাইহল্লি।

"নুংশিত্তা অচৌবা ভোল্কেনো অমা পোখাইবদা অপীকপা অমসুং গ্যাসনা স্ত্রাতোস্ফিয়রদা চঙদুনা লৈ অমসুং চহী খরা লৈহৌই। স্ত্রাতোস্ফিয়রদা লৈহৌবা ভোল্কেনিক মেত্তর অসিনা পৃথিবীগী লৈমাইদা নুমিৎ মঙালনা য়ৌরকপদা খরা মখৈ অথিংবা পীরি, মসিদা নুমিৎকী মঙাল শোন্থরকপসিনা মথং চহীগী এল নিনোদা হেনগৎহল্লকপা য়াই," হায়না আর.কৃশননা ইন্দিয়ন ইন্সতিত্যুৎ ওব ত্রোপিকেল মেতিওরোলোজী ইন পুনে দগী হায়রি। "মসিগী মরমদি নুমিৎ মঙাল কয়া ফংদবা হায়বসি শাগৎপগী চাং নেম্বা হায়বনি অমসুং মসিনা অৱাং থংবা অমসুং খা থংবা হেমিস্ফিয়রগী মরক্তা লৈবা অইং অশাদা হোংহল্লি, মসিনা মখা তানা চাউনা নুংশিৎকী কুয়োম অমসুং নোং চুবদা অকাইবা পীরি। হেন্না খুমাং চাউশিন্না থিজিনবদা ফংলে মদুদি, অচৌবা ভোল্কেনিক ইরপসনশিং অসিনা অশাবা এন নিনোগী থৌদোকশিং পেসিফিক অমসুং ভারতকী মোন্সুন দ্রাউত্তা নত্ত্রগা ওন্নবদা, অইংবা এন নিনা থৌদোক পেসিফিক অমসুং ভারতকী মোন্সুন্দা হেলহনলকপা য়াই। "

ভারতকী চহী অমদগী অমদা চুরিবা মোন্সুনগী নোং অসি এল নিনো/খা থংবা ওসিলেসন- ত্রোপিকেল পেসিফিক ওসিন্দা থোকপা স্পেনগী মমিংদনা 'নুপা মচা' হায়রগা খঙনবা কৃস্মাস্তকী মতমদা খা থংবা অমেরিকাদা ঈশিং অসি তোইনা শাবনা  খৃস্তনা অঙাং ওইরঙৈগী হায়রিবা থৌদোক অসিনা লেপ্পী। "ত্রোপিকেল পেসিফিক ওসিন অমসুং ইন্দিয়ন মোন্সুনগী সিঙ্ক্রোনাইজেসন অসি মতমগী মতুং ইন্না মীওইবনা শেম্বা গ্লোবেল ৱার্মিংনা মোন্সুন মরীক চুম্না লেপ্পদা অকাইবা পীরিবা অসিনা মরম ওইদুনা  হোংলক্লি," হায়না নোর্বর্ত মরৱন্না পোৎসদাম ইন্সতিত্যুৎ ফোর ক্লাইমেৎ ইম্পেক্ত রিসর্স (পি.আই.কে.)তগী হায়রি। "মসিনা ঐখোয়গী মরুপ মরৌন অমসুং কর্থসনা চহী ১৫গী মমাংদা পীখিবা হাইপোথেসিস অমা চুমহল্লে। নৌনা ফংলিবা অসিনা লৌউশিংউদা য়াম্না কান্নবা অনৌবা অহেনবা  মোন্সুনগী খোংচৎ অমা পীরি।" পি.আই.কে.গী রিসর্সশিংনা মমাংদা চহী কয়াগী মমাংদগী ভোল্কেনিক ইরপসন য়াওদনা মোন্সুন মাংজৌননা তাক্লি।

ফাইন্দিং অসিনা অইং অশাগী মোদেল অমা পুথোকপদা হেন্না মতেং পাংলগনি অমসুং মসিনা জিও-ইঞ্জিনীয়রিং এক্সপরিমেন্তশিংদা রিজনেল ইমপ্লিকেসন পুথোকপদা মতেং পাংলগনি। মীওইবনা শেম্বা গ্রীন হাউজ গ্যাসশিংদগী গ্লোবেল ৱার্মিং হন্থনবগীদমক সাইন্তিস্তশিংনা সোলার রেদিএসন মেনেজমেন্ততা মীৎয়েং থম্লি – পৃথিবী লৈমাইদা শাগৎলকপা হন্থনবগীদমক অৱাংবা নুংশিৎকী কুয়োমদা উফুলগী পার্তিকলশিং পৈখৎহন্দুনা নুমিৎ মঙাল খরা অথিংবা থম্বা, মসি মহৌশানা ভোল্কেনিক ইরপসন থোকপা মতমদা থোকই। খুৎশেম্না নুমিৎকী মঙাল অথিংবা পীবা হায়বসি নুংশিৎকী কুয়োমদা থোকপা থৌওং কয়াদা শাথীবা মওংদা অকাইবা পীবা য়াই। অদুবু করম্না থোকপনো হায়বা খঙদোকপসিদি য়াম্নমক মরুওই।

ফাইন্দিংশিং অসি "ফিঙ্গরপ্রিন্ত ওব ভোল্কেনিক ফোর্সিং ওন দি এন্সো-ইন্দিয়ন মোন্সুন কপ্লিং" হায়না মিংথোন্দুনা সাইন্স এদবান্সেস তা ফোংখ্রে; আর্তিকল অসি মফমসিদা পাবীয়ু।

(আর্তিকলঃ এম. সিংহ, আর. কৃষ্ণন, বি. গোস্বামি, এ.দি. চৌধুরী, পি. স্বপনা, আর. ভেলো, এ.জি. প্রজীশ, এন. সন্দীপ, সি. ভেঙ্কতারমন, আর.ভি. দোন্নর, এন. মারৱন, জে. কর্থস (২০২০) ফিঙ্গরপ্রিন্ত ওব ভোল্কেনিক ফোর্সিং ওন দি এন্সো-ইন্দিয়ন মোন্সুন কপ্লিং। সাইন্স এদবান্সেস)

অহেনাব ই-পাউগীদমক পাউ ফাওনবীয়ুঃ দা. আর. কৃষ্ণন, একজিক্যুতিব দিরেক্তর সি.সি.সি.আর. – আই.আই.তি.এম. অমসুং রিসর্স পেপরগী অইবা, krish@tropmet.res.in / 020-25904301

*****