মালেম পুম্বদা ভারতকী হীদাক-লাংধক অমসুং আয়ুর্বেদাগী সিস্তেমগী এজুকেসন অসি চাউখৎহন্নবা মন্ত্রালয়না মপাল লৈবাক্কী য়ুনিবর্সিতীশিং/ইন্সতিত্যুতশিংগা লোয়ননা আয়ুশ একাদেমিক চ্যেরশিং লিংখৎনবা এম.ও.য়ু. ১৩ খুৎয়েক পীনখ্রে মসিগী মখাদা তাকপী-তম্বীবা/ ত্রেনিং পীবা/ রিসর্চ হায়রিবশিং অসিগী থবক থৌরমশিং পাইখৎনবা মমিং লৈরবা য়ুনিবর্সিতীশিং/ইন্সতিত্যুতশিংদা আয়ুশ এক্সপর্তশিং থাখ্রে। য়েলহৌঙৈদা শীজিন্নরম্বা হীদাক-লাংথক অমসুং হোমিওপেথীগী লমদা পুন্না থবক তৌমিন্ননবা লৈবাক ২৩গা লোয়ননা লৈবাক অনিগী মরক্কী এম.ও.য়ু.শিং খুৎয়েক পীনখ্রে, অতোপ্পা লমশিংগী মরক্তা রিসর্চ, এজুকেসন, ত্রেনিং অসিনচিংবা অসি থবক পুন্না তৌমিন্ননবা লম খরনি। ভারতকী মাংজিল থারিবা ইন্সতিত্যুতশিংদা আয়ুশতা অন্দর্গ্রেজ্যুৎ, পোস্তগ্রেজ্যুৎ অমসুং পি.ঐচদি. কোর্সশিং চত্থরিবা লৈবাক ৯৯দগী মপাল লৈবাক্কী ইলিজিবল ওইবা মীওইশিংদা চহি খুদিংগী আয়ুশ মন্ত্রালয়গী ফেলোশিপ/স্কোলরশিপকী মখাদা স্কোলরশিপ ১০৪ পীরি। ফেলোশিপ স্কিম অসিগী পান্দমদি মপাল লৈবাক্তা ভারতকী য়েলহৌঙৈদগী লৈজরক্লবা হীদাক-লাংথক্কী সিস্তেম অসি শক খঙবীবা অমসুং অয়াবা পীহনবা হায়বা অসিনি।

আয়ুশ মন্ত্রালয়না য়োগ প্রোফেস্নেলশিংগী ভোল্যুন্তরী সর্তিফিকেসন স্কিম অমা হৌদোকখ্রে মসিনা অনাবা ঙাকথোক্নবা অমসুং হকচাং ফানা থমদুনা হীদাক য়াওদনা থেরপী তৌহন্নবা সর্তিফিকেসন প্রোসেস অমসুং তশেংবা য়োগবু অৱাংবা থাক্তা পুখৎপগী খুত্থাংদা য়োগ প্রোফেস্নেলশিংগী খঙ-হৈবগী থাক অসি শক খঙনবা পান্দম থম্লি। য়োগ সর্তিফিকেসন বোর্দ (ৱাই.সি.বি.) অসি সর্তিফিকেসন প্রোগ্রামশিংগী খুত্থাংদা মালেম পুম্বদা লৈরিবা য়োগ প্রোফেস্নেলশিংগী অপুনবগী কান্নবা, ক্বালিতী লৈনবা অমসুং মান্নহন্নবা পান্দমশিংগা লোয়ননা লিংখৎখি।

ভারতকী হৌদাক-লাংথক্কী সিস্তেম অসিগী মতাংদা থাজনরীবা ৱারী অমসুং ইতিহাসিক ওইরবা কান্নবশিং অসি য়েংলা চহি খুদিংগী লৈবাক অসিদা আয়ুর্বেদাগী নুমিৎ, উনানিগী নুমিৎ অমসুং সিধাগী নুমিৎ পাল্লন তৌরি। মালেমগী য়োগগী নুমিৎ অসি লৈবাক ১৯০দা পাল্লন তৌরি অমসুং আয়ুর্বেদাগী নুমিৎ অসিনা লৈবাক ৩৫ হেনবদা পাল্লন তৌরি। ২০১৫দগী হৌদুনা চহি খুদিংগী ইন্তর্নেস্নেল য়োগ কনফরেন্স অস মন্ত্রালয়না শিল্লি।

ভারত সরকারনা রাজ্য অমসুং য়ু.তি. সরকারশিংগী আয়ুশ সিস্তেম ফগৎহন্নবা অমসুং চাউখৎহন্নবগী খুত্থাংদা কেন্দ্রনা স্পোন্সর তৌবা স্কিম ওইরিবা লৈবাক অসিদা নেস্নেল আয়ুশ মিসন (এন.এ.এম.) ইমপ্লিমেন্ত তৌরি। আয়ুশ গ্রামগী মখাদা লমচৎ শাজৎতা হোংদোক্নবা ই—পাউ পীবা, লমদম অসিগী লৈজরিবা হীদাক-লাংহক্তা কান্নবা মনা-মশিং মশক খঙদোক্নবা অমসুং শিজিন্ননবা অমসুং আয়ুশ হেল্থ সর্ভিসশিংগী প্রোবিজনশিংগী মতাংদা খুঙ্গংগী হেল্থ ৱার্করশিংদা ত্রেনিং পীবগী খুত্থাংদা আয়ুশতা য়ুম্ফম ওইবা হিংবগী মওংশিং থৌগৎকনি।

সেন্ত্রেল সেক্তর স্কিমগী প্রমোসন ওফ ইনফোর্মেসন, এজুকেসন এন্দ কম্ম্যুনিকেসন (আই.ই.সি.) ইন আয়ুশকী মখাদা আয়ুশ মন্ত্রালয়না রাজ্য অমসুং জাতিগী থাক্তা আরোগ্যা ফিয়রশিং শিনবা; মল্তিমীদিয়া কেম্পেনশিং; ওদিও ভিজ্যুল মেতরিএল অসিনচিংবা য়াওনা পব্লিসিতী মেতরিএল শেম-শাবা অমসুং য়েন্থোকপা অসিগুম্বা চাউখৎ থৌরাংগী থবক থৌরমশিং লৌখৎখ্রে। মন্ত্রালয়না ইলিজিল ওইবা এজেন্সীশিংদা সেমিনার, কনফরেন্স অসিনচিংবা শিন্নবা অমসুং আরোগ্যা অমসুং অতোপ্পা ফিয়রশিংদা শরুক য়াবগীদমক আয়ুশ ইন্দস্ত্রীদা শেলগী মতাং পীরি। কোবিদ-১৯ লায়চৎ থোকপা অসি য়েংলগা, আয়ুশ মন্ত্রালয়না আয়ুশ সিস্তেমশিং অৱাংবা থাক্তা পুখৎনবা অমসুং মীয়ামদা খঙহন্নবা ইলেক্ত্রোনিক অমসুং দিজতেল প্লেৎফোর্মশিং চাউনা শীজিন্নরি।

সেন্ত্রেল সেক্তর স্কিমগী প্রমোসন ওফ ইন্তর্নেস্নেল  কোওপরেসনগী (আই.সি. স্কিম )মখাদা আয়ুশ মন্ত্রালয়না মালেম পুম্বদা আয়ুর্বেদা য়াওনা আয়ুশ সিস্তেমগী লৈরিবা হীদাক-লাংথকশিং অসি অৱাংবা থাক্তা পুখৎনবা অমসুং মীয়ামদা খঙহন্নবা মখল কয়াগী খোঙথাংশিং লৌখৎখ্রে। মালেমগী থাক্কী মীফমশিং, কনফরেন্সশিং, ত্রেনিং প্রোগ্রামশিং, সেমিনারশিং অমসুং আয়ুশ সিস্তেম অসি অৱাংবা থাক্তা পুখৎনবা অমসুং মীয়ামদা খঙহন্নবা ভারত সরকারগী অখন্নবা থৌরাংগীদমক মপাল লৈবাকশিংদা আয়ুশ এক্সপর্তশিং মন্ত্রালয়না থারি। মালেমগী থাক্কী কনফরেন্সশিং, ৱার্কশোপশিং, সেমিনার অসিনচিংবাদা আয়ুশকা মরী লৈনবা সাইন্তিফিক রিসর্চ পেপরশিংগী প্রজেন্তেসন তৌনবা শেলগী মতেংসু পীরি।

আয়ুশকী হীদাক-লাংথকশিংগী মেন্যুফেকচররশিং, ওন্তর্প্রিনোরশিং, আয়ুশ ইন্সতিত্যুসনশিং অসিনচিংবদা (i) আয়ুশকী হীদাক-লাংথক্কী সিস্তেমশিংগী মরমদা মীয়ামদা এৱের্নেস ফংহন্নবা মালেমগী থাক্কী একজিবিসনশিং, কনফরেন্সশিং, ৱার্কশোপশিং, ত্রেদ ফিয়র্শিং অসিনচিংবদা শরু য়ানবা; (ii) মপাল লৈবাকশিংগী চৎনা পথাপ শেম্লিবা  ওথোরিতীশিংগা লোয়ননা আয়ুশ প্রদক্তশিং রেজিস্ত্রেসন তৌবা, হায়রিবশিং অসিগীদমক মতেং ফংহল্লি। হৌজিক ফাওবদা লৈবাক ০৮ মখোয় অদুদি কেনিয়া, য়ু.এস.এ., রুসিয়া, লাতবিয়া, কনাদা, ওমান, তাজিকিস্তান অমসুং শ্রী লঙ্কাদা মন্ত্রালয় অসিগী আই.সি. স্কিমগী মখাদা প্রদক্ত ৫০ হেন্না (উনানি অমসুং আয়ুর্বেদা) রেজিস্তর তৌখ্রে।

আয়ুশ সিস্তেমশিংগী মরমদা অচুম্বা ই-পাউশিং খংহন্নবা লৈবাক ৩১দা আয়ুশ ইফোর্মেসন সেল ৩৩ লিংখৎখ্রে। আয়ুশ মন্ত্রালয়না মপান থৌরম পুবা মন্ত্রালয়গী আই.তি.ই.সি. প্রোগ্রামগী মখাদা পোর্ত দিক্সন হোস্পিতাল অমসুং চেরস রিহেবিতেসন হোস্পিতালদা মথৌ তৌনবা এক্সপর্ত অনি (অয়ুর্বেদ অমসুং সিদ্ধা) মলেসিয়াগী হকশেল মন্ত্রালয়দা থাখ্রে। 

অপুনবা, মমল হোংবা ইবিদেন্সতা য়ুম্ফম ওইবা হেল্থকেয়র ফংনবা মখল শুনা য়াওরবা অপুনবা হকশেলগী পোলিসী অমগী ফ্রেমৱার্ক প্রপোজ তৌনবা; অমসুং অনৌবা অমসুং য়েলহৌঙৈগী ওইবা অপুনবা এপ্রোচশিংদা য়ুম্ফম ওইবা নেস্নেল প্রোগ্রামশিংদা লায়না ঙাকথোক্নবা অমসুং হেল্থ প্রমোসন তৌনবা রোদমেপ শেম্নবগী ইন্তিগ্রেতীব হেল্থ পোলিসী অমা শেম্নবা এদভাইজরী কম্মিতী অমা শেমখ্রে। আয়ুশ মন্ত্রালয়না রেলৱেজ জোনেল হোস্পিতাল ৫দা আয়ুশ ৱিংশিং লিংখৎনবা রেলৱেজ মন্ত্রালয়গা এম.ও.য়ু. অমা খুয়েক পীনখ্রে। ঙালশেল মন্ত্রালয়/দিরেক্তর জেনেরেল ওফ আর্ম ফোর্সেস মেদিকেল সর্ভিসেস (দি.জি.এ.এফ.এম.এস.)গী হেল্থ ইস্তাব্লিশমেন্তশিংগী মখাদা অয়ুর্বেদ য়াওহন্নবা ঙাকশেল মন্ত্রালয়গা এম.ও.য়ু. অমা খুয়েক পীনখ্রে।

মসিগী ই-পাউ অসি ঙসি লোক সভাদা হকশেল অমসুং য়াইফ য়ুম্বাল মন্ত্রালয়গী মন্ত্রী দা. হর্শ বর্ধন্না অইবা পাউখুম ওইনা পীখিবনি।

*****

(Release ID: 1656604) Visitor Counter : 198