ভারত লৈবাক্তা লৈরিবা লৈবাক অসিগী ৱল্দ হেল্থ ওর্গনাইজেসন ওফিসনা ২০২০গী জনুৱারীগী তাং ৬তা চাইনাগী ৱুহান শহরদগী মফম মরাং খংদনা হৌরক্লিবা ন্যুমোনিয়া অসি শন্দোরকপগী মতাংদা ভারতপু চেকশিন্না লৈনবা খঙহনখ্রে৷  ৱল্দ হেল্থ ওর্গনাইজেসননা ২০২০গী জনুৱারীগী তাং ৯দা নোভেল কোরোনা ভাইরসকী মতাংদা ৱারোল পীখ্রে অমসুং মতুং তারকপদা ভাইরস অসিবু সার্স কোব-২ ভাইরস হায়না মমিং থোনখি অমসুং লাইনা অসিবুনা ২০২০গী ফেব্রুৱারীগী তাং ১১দা ৱল্দ হেল্থ ওর্গনাইজেসননা কোবিদ-১৯ হায়না মমিং থোনখি৷

ভারতকী ইহান হানবা কোবিদ-১৯গী কেস অসি ২০২০গী জনুৱারীগী তাং ৩০দা খঙবা ঙমখি৷ লৈবাক শিনবা থুংনা লোকদাউন চৎথদ্রিঙৈগী মমাংদা থোক্লক্লিবা ফিভম অসিগী মতুং ইন্না প্রো-এক্তিব, গ্রেদেদ অমসুং প্রি-ইম্তিদ ওইবা মওং অমদা মখল মখা কয়াগী এক্সন কয়ামরোম লৌখৎখ্রে৷

লাইনা অসি চংলকপা থিংন্নবগীদমক লাইনা অসিনা শোকহল্লবা অতোপ্পা লৈবাকশিংদগী চংলক্লিবা সিম্পতম উৎতবা পেসেঞ্জরশিবু ভারতনা হিথাংফম, ইয়রপোর্ত অমসুং ঙমখৈ কয়ামরোমদা 2020গী জনুৱারীগী তাং 18দগী স্ক্রিনিং তৌবা হৌখি৷ মদুগী মতুং তারকপদা পেসেঞ্জর খুদিংমক্কী য়ুনিভরশেল স্ক্রিনিং তৌবা হৌখি৷ হায়রিবা ইন্তরনেস্নেল ত্রাভেল্লরশিং অসি কম্ম্যুনিতী অদুদা মশক খঙদোকপা, চিংনবা মওংদা শোক্না শম্নরুবশিং অমসুং নারে খঙলবা মীওইশিং খঙদোকপদা ইন্তিগ্রেতেদ দিজিস সর্বিলেন্স প্রেগ্রাম্না লেপ্পা লৈতনা থিজিল্লি৷ অসিগুম্লবা অনাবা লৈরবা রাজ্য/জিলা অদু মী পুনবা অমসুং পাক শন্না শন্দোরকপা থিংনবা কন্তেনমেন্ত স্ত্রাতিজী অমা শেমখি৷ সর্বিলেন্স তৌবা মতমদা ত্রাবেল এদবাইজরিশিং অমসুং গাইদলাইনশিং লৌবা, কন্তেক ত্রেশিং, সেম্পল কল্লেক্সন, ক্লিনিকেল মেনেজমেন্ত, দিচার্জ পোলিসী, ইনফেক্সন প্রিবেন্সন কন্ত্রোল অমসুং হোম ক্বারেন্তিন তৌনবা খঙহনখি৷

অকুপ্পা মরোলশিং অদু মখাদা পীরি:

 তাং           কেস মশিং           অশিবা মশিং

২৩-০৩-২০২০    ৪৫১                ৯

০১-০৯-২০২০     ৩৬৯১১৬৬         ৬৫২৮৮

 

মার্চ ১৬ অমসুং ২৩গী মরক্তা রাজ্য সরকারশিং/য়ু.তি. অয়াম্বনা লৈরিবা ফিভম অসিগী মতুং ইন্না মশা মশাগী রাজ্য সরকারশিং/য়ু.তি.শিংদা মপুং ফাবা লেকদাউন অমসুং লোকদাউন খরা কোমথোক্না তৌখি৷

কোবিদ-১৯ অসি য়াম্না লৌনগনবা লাইনা অমনি৷ লাইনা অসি শন্দোরকপা থিংনবা অমসুং অমগা অমগা লৌনরকপা য়াবগী লম্বী অদু মাংহন্ননবগীদমক সাইন্তিফিক ওইবা মওং অমদা চংশিনবগী মথৌ তাখি৷

মথক্কী চুম্লবা থৌদোকশিং অমসুং মালেমগী লৈবাকশিংনা থেংনরিবা অসি য়েংলগা ভারকততসু তঙাই ফদবা চেকশিন থৌরাং লৌখৎতবা য়াদবদগী, লৈবাক অসিদা কোবিদ-১৯ শন্দোরকপা অসি লাকশিন্ননবগীদমক ২০২০গী মার্চ ২৪দা লৈবাক শিনবা থুংনা লোকদাউন লাওথোকখি৷

লৈবাক শিনবা থুংনা লোকদাউন তৌবদগী কোবিদ-১৯ শন্দোরকপা অসি ভারতনা মাই পাক্না নমথবা ঙমখি৷ লোকদাউন অসিগী মতম অসিদা লৈবাক অসিনা দরকার ওইরিবা অহেনবা হেল্থ ইনফ্রাস্ত্রকচর শেমগৎ শাগৎপদা মতেং পাংখি৷ হায়রিবা মতম অসিগী মনুংদা ২০২০গী মার্চ থাদা লৈরম্লিবা আইসোলেসন ফমুং অদুদগী ২২রক হেন্না অমসুং আই.সি.য়ু. ফমুং ১৪রক হেন্না শেমগৎ শাগৎখি৷ অসিদা নত্তনা হায়রিবা মতম অসিদা কোবিদ তেস্ত তৌনবা লেবোরেতরীগী কেপাসিতী অদুসু হান্না লৈরম্লিবা অদুগী ১০রক কুম্না মান্ননা হেঙ্গৎহনখি৷ অদুগা অমরোমদা হায়রিবা মতম অসিদা লৈবাক অসিনা শেমজ শাজবা অফবা পি.পি.ই. অমসুং এন.৯৫ মাক্সশিং লৈরমদে অদুবু হৌজিক্তি ঐখোয়না হায়রিবা পোৎশিং অসি মরাং কাইনা অমসুং ক্বালিতী লৈনা শাজদুনা মপান লৈবাক্তা থাদোকপা ঙমলে৷ অসিগুম্না লাকদাউন অসি তৌবা হৌরকপা মতমদা, লৈবাক অসিনা শেমজ শাজবা ভেন্তিলেতরশিংগী মশিংসু অশুক্কী মতিক য়ামলমদে, হায়রিবা কেপাসিতী অসিনা হিরম অসিগী মতাংদা মীপাল তাংদনা মশানা শাজবা ঙম্নবগী তঞ্জা অদু পীখি৷

হায়রিবা মতম অসিগী মনুংদা  তোঙান তোঙানবা শিফাইশিং, তোঙান তোঙানবা সেক্তরশিংদা লৈরিবা ভোলুন্তিয়রশিং অমসুং কোবিদকা মরী লৈনবা থবকশিংগী দিপার্তমেন্তশিং অমসুং তঙাই ফদনা মেদিকেল সর্ভিস তৌরিবশিং অসিবু দি.ও.পি.তি.না এম.ও.ঐচ.এফ.দবল্যু, আইগোতকী ওনলাইন ৱেবসাইত(https://igot.gov.in/igot/)কী খুৎথাংদা রিসোর্সশিং ফংহন্দুনা ত্রেন তৌখি৷

ভারততা লাইনা লাইচৎ শন্দোরকপা অসি লোকদাইন তৌখিবা অসিনা কেস লাখ ১৪-২৯ ঙাকথোকপা ঙমলে অমসুং মীওই লিশিং ৩৭-৭৮রোম শিগদবদগী কনবা ঙমখি৷

হায়রিবা ৱারোল অসি রাজ্যগী(হকশেল অমসুং য়াইফ য়ুম্বাল)গী মন্ত্রী শ্রী অশৱিনি চৌবেহনা ঙসি লোক সভাদা অইবা চেরোল অমা ইদুনা পীশিনখি৷

*****

(Release ID: 1656399) Visitor Counter : 206