কোবিদ-১৯গী লায়চৎনা মরম ওইরগা মতম লেপতুনা লৈরবা সর্জরীশিং তোকপা/অকায়বা থোকগী মতাংদা মীদিয়াদা রিপোর্তশিং লাকখি। অদুম ওইনমক পব্লিক হেল্থ অমসুং হোস্পিতালশিং অসি রাজ্যগী মখাদা লৈবনা অসিগুম্বা ই-পাউ অসি কেন্দ্রদা লৈতে।

দিল্লীদা লৈবা কেন্দ্র সরকারগী হোস্পিতালশিং মদুদি সফদর্জং, দা রাম মনোহর লোহিয়া (আর.এম.এল.) অমসুং লেদী হর্দিঞ্জ মেদিকেল কোলেজ (এল.ঐচ.এম.সি.) অমসুং মরী লৈনবা হোস্পিতালশিংগী ওইনা ইলেক্তিব ওপরেসন থিএতর অসি ১৮.০৩.২০২০দগী হৌনবা থোং লোনখি অমসুং ০১.০৯.২০২০দগী হৌনা সফদর্জং হোস্পিতালদা ইলেক্তিব সর্জীরীশিং মথৌ তৌখি। অদুম ওইনমক মার্চ, ২০২০দগী ১০.০৯.২০২০গী মনুংদা সফদর্জং হোস্পিতালদা অপুনবা ইমর্জেন্সী সর্জরী মশিং ৩৩৫৬ তৌখি।

কোবিদ-১৯গী মনুংগী অহৌবা থা অনিদা দা আর.এম.এল. হোস্পিতালদা মতম লেপ্লবা সর্জরীশিং তোকখি। লোকদাউনগী কাঙলোন কোমথোরকপা অসিদা মতম লেপতুনা লৈরবা সর্জরীশিং তাঙ্কক নাইবা মওংদা অমুক হন্না পাঙথোকপা হৌখি। অদুম ওইনমক কোবিদকী মতমগী মনুংদা ইমর্জেন্সী সর্জরীশিং অমত্তা লেপখিদা অমসুং মথৌ তারকপা মতমদা ইমর্জেন্সী সর্জরীশিং পাঙথোকখি। এল.ঐচ.এম.সি. অমসুং মরী লৈনবা হোস্পিতালশিংদা মতম লেপতুনা লৈরবা সর্জরীশিং অমত্তা তোকখিদে নত্রগা থেংথখিদে। কোবিদ-১৯ লায়চৎকী মথৌ তাবা স্ক্রীনিং তৌবগা লোয়ননা ইমর্জেন্সী সর্জরী পুম্নমক পাঙথোকখি। মখা তানা, সসপেক্ত অমসুং কনফর্ম কেসশিংগী ওইনা তোঙানবা ওপরেসন থিএতরশিং থমখি।

ওল ইন্দিয়া ইন্সতিত্যুত ওফ মেদিকেল সাইন্সেস (এম্স) নই দিল্লীগী ওইনা কোবিদ-১৯না মরম ওইদুনা ইলেক্তিব সর্জরীশিং খরা য়ৈথোকখি। অদুম ওইনমক ইমর্জেন্সী সর্জরী পুম্নমক চাং নাইনা য়ৈথোক্তনা পাঙথোকখি। ২৫.০৩.২০২০দগী ৩১.০৮.২০২০গী মতমগী মনুংদা নন কোবিদ নাবা মীওইশিংগী ওইনা চাউরাক্না সর্জরী ৫৯৫৮ পাঙথোকখি।

মসি রাজ্যগী মন্ত্রী (হকশেল অমসুং য়াইফ য়ুম্বাল), শ্রী অশ্বিনি কুমার চৌবেনা ঙসি লোক সভাদা অইবা পাউখুম ওইনা পীখি।

*****

(Release ID: 1656326) Visitor Counter : 136