ই.সি.জি.সি. লিমিতেদ কম্পেনীজ এক্ত ১৯৫৬গী মখাদা ভারত্তগী পোৎলমশিং মপান্দা থাদোকপগী থৌওং য়োকখৎনবা অমদি শৌগৎনবা এক্সপোর্তরশিংদা অমসুং বেঙ্কশিংদা এক্সপোর্ত ক্রেদিত ইন্স্যুরেন্স পীননবা ১৯৫৭দা মুম্বাইদা লিংখৎখিবনি‍।

হৌখিবা শেনবা চহী অহুম অমসুং চৎলিবা চহীসিদা লৈখিবা ই.সি.জি.সি.গী ফীভম মখাদা পীরি:

(শেনফম লুপা করোরগী খুজিংদা)

শেনবা চহী	২০১৭-১৮	২০১৮-১৯	২০১৯-২০	এপ্রিল-জুন ২০২০
পীথোকখ্রবা ক্লেমশিংগী শেনফম	১,২৮৩.১৭	১,০১৩,৩১	৪০৮.৪১ *	২০২.৪১
ফংলকপা প্রিমিয়মগী শেনফম	১,২৪০.৪২	১,২৪৭.৫৪	১০৭.৪১	১৭০.৩৯

* শেনবা চহী ২০১৯-২০গী চে-চাংশিং মার্চ ৩১, ২০২০ ফাওবগী মনুংদা ফংখিদবনা, পীথোকখ্রবা ক্লেম হন্থরকপনি‍।

ই.সি.জি.সি. সর্ভিস/পোত্থোকশিংদা এক্সোর্তরশিংগী এক্সপোর্ত ক্রেদিত ইন্স্যুরেন্স পোলিসীশিং, বেঙ্ক অমসুং মেদিয়ম অমদি লোং তর্ম প্রোজেক্ত এক্সপোর্তশিংগী এক্সপোর্ত ক্রেদিত ইন্স্যুরেন্স, এম.এস.এম.ই.শিংগী মরী লৈনবা স্কিমশিং অমসুং মাইক্রো অমদি স্মোল এক্সপোর্তর পোলিসীশিং য়াওরি‍। মসিগী মথক্তা ভারত লৈঙাকপু লৈবাক্কী ইন্তরেস্ততা প্রোজেক্ত এক্সপোর্ত শৌগৎপা ঙমহল্লিবা নেসনেল এক্সপোর্ত ইন্স্যুরেন্স একাউন্ত (এন.ই.আই.এ.) ত্রস্তগী মেনেজিং এজেন্সী ই.সি.জি.সি.না ওইরি‍।

ভারত লৈঙাক্তা শেয়র ওইনা পীরক্লিবা, কম্পেনী অসিদা ভারত লৈঙাক্না থাদরিবা শেনফমশিং অসি কম্পেনী অসিগী শেল্লেপকী খোঙফম ফগৎহনবদা শীজিন্নরি‍। শেল্লেপকী খোঙফম অসিদগী অন্দররাইতিং কেপাসিতী লৌদুনা, মসিদা য়ুম্ফম ওইরগা ই.সি.জি.সি.না লল্লোন ইতিক্কী থৌওংশিংদগী শেন্থোক লৈহন্দুনা লৈঙাক্তা শেন্নিং হল্লকই‍।

চাং নাইনা ঈ-পাউশিং অমসুং খ্বাইদগী ফবা থৌওংশিং তাথোক তাশিন তৌনবা, এক্সপোর্ত ক্রেদিত ইন্স্যুরেন্সকী ৱাফমশিংদা ৱাখল্লোনশিং খন্ননবা/তাথোক তাশিন তৌননবা অমদি নাকল অনিমক্কী কান্নগদবা হীরমশিং অমসুং প্রোজেক্তশিং মশক খঙদোক্নবা পান্দমদা ই.সি.জি.সি.না মান্নবা মপান লৈবাকশিংগী ইন্সতিত্যুসনশিংগা এম.ও.য়ু. ৪৮ খুৎয়েক পীনখ্রে‍। ক্রেদিত ওমানগা খুৎ য়েক পীনখিবা এম.ও.য়ু. অমগী মখাদা লেপ্নখিবা ফিরেপকী শরুক অমা ওইনা, হন্দক্তা ই.সি.জি.সি.না ক্রেদিত ওমানদা মখোয়গী থৌওং অমসুং পোত্থোকশিং ফগৎহন্নবা তাথোক তাশিন তৌবগী খুদোংচাবা পীখি অমদি কন্সল্তেন্সী ফী ওইনা য়ু.এস.দি. ৭৫,০০০ ফংখি‍।

লিখৎলক্লিবা অমদি শীংনবনা থনবা কৈথেলশিংদা পোৎ থাদোকপা য়াওনা এক্সপোর্ত ক্রেদিত ইন্স্যুরেন্সকী হেন্না ৱাংবা ভোল্যুমগী ঙাক্লৌ পীননবা ভারত লৈঙাক্না শেনবা চহী ২০১৭-১৮দগী শেনবা চহী ২০১৯-২০ ফাওবা চহী অহুমগী মতমসিদা ই.সি.জি.সি.দা লুপা করোর ১,৪১০গী ইকুইতী কেপিতেল পীশিনখি‍। ই .সি.জি.সি.গী পর্ফোর্মেন্স ই.সি.জি.সি. অমসুং দিপার্তমেন্ত ওফ কম্মর্সকা খুৎয়েক পীনখিবা এম.ও.য়ু.গী তোঙান তোঙানবা ইন্দিকেতরশিংগী খুত্থাঙদা য়েংশিল্লি‍।

ৱাফম অসি কম্মর্স অমসুং ইন্দস্ত্রীগী কেন্দ্র মন্ত্রী শ্রী পিয়ুস গোয়লনা ঙসি লোক সভাদা অইবা পাউখুম ওইনা পীবদা ফোঙদোকখিবনি‍।

***

(Release ID: 1655363) Visitor Counter : 71