কাংলোন কায়না লম ত্রান্সফর তৌনবা হোৎবগী কেসতা, কেস অদুগী মওং মতৌ অমসুং ফিবম য়েংদুনা এফ.আই.আর./ক্রিমিনেল কেসশিং য়োল্লিবা/লৈরিবা মীওইশিংগী মথক্তা পানখ্রে, কোর্ততসু হায়জদুনা অসিগুম্বগী শেল থাদোক থাজিন থিংবীনবা হায়জখ্রে। মরী লৈনবা রেবিন্যু ওথোরিতীশিংদসু পাউ পীদুনা অসিগুম্বা ত্রাঞ্জেক্সন অসিদা শেমদোক শাদোক্তনবা হায়খি। অসিগুম্বা ত্রাঞ্জেক্সন অসি রিকগনাইজ তৌদে অমসুং দিফেন্স লেন্দ রেকোর্দতা শেমদোক শাদোকপা অমত্তা লৈতে।

অসিগুম্বা থৌদোক অসি তুংদা থোকহন্দনবা মখাগী খোংথাংশিং অসি লৌখৎখ্রেঃ

• লৈবাক অসিদা লৈরিবা দিফেন্সকী লম অসি দিফেন্স ইস্তেৎ ওফিসর অমসুং চীফ একজিক্যুতিব ওফিসরশিংনা দিফেন্স লেন্দ ময়েক শেংনা য়েকথোক্তুনা সর্বিসেসশিংনা/য়ুজরশিংনা মতীক চানা ঙাকশেন্নবগীদমক সর্ভে তৌখ্রে।
• ৱাফম অসি রাজ্য সরকারগা থাক খুদিংদা ৱারী শানদুনা রেবিন্যু রেকোর্দতা দিফেন্সকী লম মতীক চানা য়াত্তুনা থম্নবা খঙহনখ্রে।
• কেন্তোন্মেন্ত/মিলিতরী স্তেসনশিংদা লৈবা লমশিংগী রেজিস্ত্রেসন তৌবদা সব রেজিস্ত্রারশিংনা দিফেন্স ওথোরিতীদগী 'এন.ও.সি.' লৌহন্নবগীদমক দিপার্ত্মেন্ত ওব লেন্দ রিসোর্সনা রেজিস্ত্রেসন এক্ত শেমদোক্নবগীদমক মন্ত্রালয়না সজেসন শেমখ্রে।
• করিগুম্বা অসিগুম্বা পাউ অমহেক লাকপগা, সরকারগী ইন্তরেস্ততা খুদক্তা লিগেল এক্সন লৌখৎকদবনি
• জেনরেল লেন্দ রেজিস্তর (জি.এল.আর.) অমসুং মিলিতরী লেন্দ রেজিস্তর (এম.এল.আর.)দা য়াওরিবা দিফেন্স লেন্দ রেকোর্দ অসি রকশা ভুমী সোফৱেইয়র শীজিন্নদুনা কম্পুতরাইজ তৌবা
• লেন্দ রেকোর্দ, সর্ভে, দিমার্কেসন অমসুং দিফেন্স লেন্দ অমসুং লেন্দ ওদিৎ ভেরিফিকেসন তৌদুনা দিফেন্স লেন্দ মেনেজমেন্ত মপাঙ্গল কলহনবা

'রকশা ভুমী'গী মখাদা দিফেন্সকী লম কম্পুতরাইজ তৌগী থবক অসি দিরেক্তোরেৎ জেনরেল ওব দিফেন্স ইস্তেৎনা নেসনেল ইনফোর্মেতিক্স সেন্তরগা খুৎশম্নরগা পায়খৎখ্রে। জেনরেল লেন্দ রেজিস্তর (জি.এল.আর.) অমসুং মিলিতরী লেন্দ রেজিস্তর (এম.এল.আর.)দা য়াওরিবা দিফেন্স লেন্দ রেকোর্দ অসি রকশা ভুমী সোফৱেয়রদা হাপখ্রে অমসুং জুলাই ২০১১দা দেতাবেজ অসি ভেরিফিকেসন অমসুং ওথেন্তিকেসন তৌরবা মতুংদা শীজিন্নবা হৌখ্রে।

দিরেক্তোরেৎ জেনরেল ওব দিফেন্স ইস্তেৎ (দি.জি.দি.ই.)না হায়খি মদুদি হৌখিবা চহী অহুম অসিদা (হায়বদি তাং ০১.০৯.২০১৭ দগীনা ৩১.০৮.২০২০ ফাওবদা) কেস ৫ লাকখ্রে। মসিদা য়াওরিবা অপুনবা লম্না ৩৬.৩০ একরনি।

হরিয়ানা (নর্নৌদ হিসার, জিল্লা, হিসার, লম একর ২৯.৯৯)দা কেস অনী অমসুং পঞ্জাব (মুক্তসার, লম একর ৬.০৫) অমগা মরী লৈনবা কেসশিংদা রাজ্য সরকারশিংনা দিফেন্স লেন্দ অসিবু ক্লেম তৌরি। কে অহুম্মকসি মরী লৈনবা দি.ই.ও.না চেলেঞ্জ তৌখি অমসুং হৌজিক দিবিজনেল কম্মিসনরশিংগী কোর্ত্তা ৱায়েল ঙাইরি।

য়ুনিয়ন তেরিতোরী জম্মু অমসুং কাশ্মির (বদামিবাঘ কেন্তোন্মেন্ত লম একর ০.২৬)গী দিফেন্সকী লম প্রাইবেৎ মীওইশিংনা লৈবা য়োনবগী দলিল শীজিন্নদুনা লান্না লৈবা য়োনবা তৌবগী কেস অনী দিস্ত্রিক কোর্ত্তা দি.ই.ও.না সুইৎ ফাইল তৌখ্রে।

বেঙ্গলুরুদা দিফেন্স লেন্দ (একর ১১.১০) বেঙ্গলোর মেত্রো রেল কোর্পোরেসন্দা লান্না লৈবা য়োনবা তৌনবা হোৎনরম্বগী থৌদোক অমসু থেংনখি। কেস অসিগী থাংগৎলকখিবা এফ.আই.আর.দা য়ুম্ফম ওইদুনা হায়রিবা লৈবা য়োনবগী থবক অসি লেপহনখ্রে।

পাউদম অসি ঙাকশেলগী রাজ্যগী মন্ত্রী শ্রী শ্রীপদ নাইকনা রাজ্য সভাদা শ্রী রবি কিসান অমসুং অতোপ্পশিংদা ঙসি অইবা পাউখুম ওইনা পীখিবনি।

*****

(Release ID: 1655299) Visitor Counter : 117