য়ুমলৈ-কৈরৈ মন্ত্রালয়
এন.দি.এম.এ.না পীবা লোকদাউনগী চৎন-কাংলোন
Posted On:
15 SEP 2020 6:01PM by PIB Imphal
দিজাস্তর মেনেজমেন্ত এক্ত, ২০০৫ (দি.এম. এক্ত, ২০০৫), নেসনেল দিজাস্তর মেনেজমেন্ত এক্তকী সেক্সন ৬ (২) (১)গী মতুং ইন্না, লৈবাক অসিদা কোবিদ-১৯ লাইচৎ শন্দোপসিনা অকি তুজুংবা পোকহনলিবসি য়েংলদুনা, কেন্দ্রগী য়ুম্লৈ-কৈরৈ সেক্রেতরীনা নেসনেল একজিক্যুতিব কম্মিতী (এন.ই.সি)গী চীয়রপার্সন ওইবনা লৈবাক অসিদা কোবিদ-১৯ শন্দোকপা থিংনবগী খোংথাং অমসুং তঙাইফদবা চৎন-কাংলোনশিং থোক্নবা য়াথং তৌখি। মসিগী মতুং ইন্না, এন.ই.সি.না লৈবাক অসিদা মতম মতমগী মতুং ইন্না লোকদাউন অমসুং অনলোক্কী তাংকক কয়া লাওথোকখি।
লৈবাক পুম্বা লোকদাউ লাওথোক্তুনা, ভারতনা মায় পাক্না কোবিদ-১৯ পাক্তক্ননা শন্দোকপা থিংখি। লোকদাউনগী মনুংদা লৈবাক অসিনা হকশেলগী ইনফ্রাস্ত্রকচর মতীক চানা শেম শাবগী মতম ফংখি। মসিগী মনুংদা, অখন্নবা আইসোলেসন বেদ অমসুং আই.সি.য়ু. বেদ মথং শিৎনা শরুক ২২ অমসুং ১৪ মার্চ ২০২০গী মমাংদা লৈরম্বা মশীংদগী হেনগৎখি। মসিগা মান্ননা, কোবিদ-১৯ তেস্ত তৌনবা লেবোরেতরীগী কেপাসিতীসু মতম অসিগী মনুংদা শরুক ১০ হেনগৎখি। মমাংদদি পার্সনেল প্রোতেক্তিব ইক্বীপমেন্ত শাফম লমদম অসিদা অমত্তা লৈরমদে, হৌজিক্তি চপ চাবা থাক্তা, লৈবাক অসিনা মতীক চানা শাজবা ঙম্লে অমসুং হায়রিবসিমক মপান লৈবাকশিংদা থাদোকপসু ঙম্লগনি। মসিগা মান্ননা, মাস্ক, ভেন্তিলেতর, অসিনচিংবশিং শাবগী লমদম অসিদা লৈরম্বা চাংসু লোকদাউন মনুংদা মীপাল তাংদনবা মশীং হেনগৎখি। মতমসিগী মনুংদা, কোবিদ-১৯গা মরী লৈনবা থবক থৌরমশিং অমসুং তঙাইফদবা মেদিকেল সর্বিসশিংগী কাদর অমসুং ভোলুন্তীয়রশিং লৌদুনা হকশেল অমসুং য়াইফ-য়ুম্বাল মন্ত্রালয় অমসুং আই-গোৎ, ওনলাইনা প্লেৎফোর্ম (https://igot.gov.in/igot/)দা ফংবা রিসোর্সশিংনা ত্রেন তৌখি। মসিমসু পানরি মদুদি লোকদাউনগী ৱারেপ লৌদুনা ভারত্তা লাইচৎ শন্দোকপা তপথহন্দুনা কেস লাখ ১৪-২৯ ফাওবা অমসুং শিবগী চাং লিশিং ৩৭-৭৮ ফাওবা থিংহৌরে।
ভারত সরকারনা কোবিদ-১৯গী চৈথেং থিংনবা, লাকশিন্নবা অমসুং হন্থনবা খোংথাং কয়া অমা লৌখৎখি। ইকাইখুম্নজরিবা প্রধান মন্ত্রী, অৱাংবা থাক্কী মন্ত্রী কাংলুপ, মন্ত্রী মন্দল সেক্রেতরী, সেক্রেতরীশিংগী কম্মিতী অমসুং য়ুম্লৈ কৈরৈ মন্ত্রালয়গী মকোক থোংবা ওফিসরশিং, এন.দি.এম.এ., হকশেল অমসুং য়াইফ-য়ুম্বাল মন্ত্রালয়, অমসুং অতোপ্পা মরী লৈনবা মন্ত্রালয়/বিভাগশিংনা লৈবাক অসিদা কোবিদ-১৯ লাকশিন্নবা মীয়ামগী হকশেল লেপ্তনা য়েংশিনখি।
রাজ্যশিংনসু নেসনেল একজিক্যুতিব কম্মিতীনা এন.দি.এম.এ.গী পাউতাক মখাদা শেম্বা চৎন-কাংলোনশিং ইন্দুনা মাগী মাগী রাজ্যশিংদা লাইনা অসিবু থিংনবা খোংথাং লৌখৎচবগী অয়াবা পীখি।
হায়রিবশিং অসি য়ুম্লৈ-কৈরৈগী রাজ্যগী মন্ত্রী শ্রী নিত্যানন্দ রাইনা লোক সভাদা ঙসি অইবা পাউখুম ওইনা পীখিবনি।
*****
(Release ID: 1654708)
Visitor Counter : 139