ওলিম্পিক গেমশিং শরুক য়ানবগী থৌরাং লেপ্পা লৈতনা চৎথরি৷ ক্বালিফিকেসন তৌহন্দুনা ওলিম্পিক গেমশিং অসি শরুক য়াহনগদৌরি অমসুং ভারতনা ২০১৬দা পাংথোকখিবা ওলেম্পিক্স অদুদা শরুক য়ানবগীদমক ঙসি ফাওবদা মহাক্কী খ্বাইদগী চাওরবা কন্তিঞ্জেন্ত অদু থাখ্রে৷

ওলিম্পিক গেম্স অমসুং পেরালিম্পিক গেম্সতা ভারতকী পর্ফোমেন্স অসি অমুক্কা হেন্না ফজনবগীদমক য়ুথ এফিয়র্স অমসুং স্পোর্তস মন্ত্রালয়না ২০১৮গী সেপ্তেম্বর থাদা তার্গেত ওলিম্পিক পোদিয়ম স্কিম(তি.ও.পি.এস.) হৌদোকখি৷ মরু ওইবা শান্নরোইশিং অসি য়েংশিন্নবা অমসুং হোলিস্তিক সপ্পোর্ত ফংন্নবগীদমক স্কিম অসি ২০১8গী এপ্রিল থাদা নৌনা শেমদোকখ্রে৷ স্কিম অসি মথৌ নিংথীনা তৌই অমসুং শরুক য়ানবগী খনগৎলবা অফবা শান্নরোই খুদিংদা স্ত্রাইপেন্দ ওইনা তি.ও.পি.এস.না লুপা ৫০,০০০ পীবগী মথক্কা তোকিও -২০২১, পেরিস-২০২৮ অমসুং লোস এঞ্জেলিস-২০২8কী ওলিম্পিক অমসুং পেরালিম্পিক গেমশিংদা ফোরেন্দ ত্রেনিং, ইন্তরনেস্নেল কম্পিতিসন,ইক্ব্যুইপমেন্ত অমসুং কোচিং কেম্প তৌদুনা পাংবা য়াবা মতেং পুম্নমক পাংগদৌরি৷ হৌজিক হৌজিক্কী ওইনা শান্নরোই ৯৮না তি.ও.পি.এস. অসিদা শরুক য়ারি৷

মমাংদা পাংথোকখিবা এসিয়ন গেম্স, কম্মন ৱেল্থ গেম্সতা ভারতনা মেদল লৌখিবা মশান্না অমসুং লাক্কদৌরিবা ২০২৮(পেরিস) অমসুং ২০২8(লোস এঞ্জেলিস) ওলিম্পিক্তা ভারতনা মেদল ফংবা য়ানা লৈরিবা মশান্নাশিং অদু খন্দোকখ্রে অমসুং মদুদা কা হেন্না মীৎয়েং চংনবা অমসুং ওলিম্পিক্স অদুদা শান্নখিবা শান্নরোইশিংদা হেন্না থৌনা হাপ্নবা খন্নখ্রে৷ হৌজিক হৌজিক্কী ওইনা খনগৎলবা মশান্না মাপন অদুদি  (i) এথেলেতিক্স (ii) বেদমিন্তন (iii) হোক্কী (iv) শুত্তিং (v) তেন্নিস (vi) ৱেদলিপ্তিং (vii) রেস্লিং (vii) আর্চরী অমসুং (ix) বোক্সিং অসিনা অৱাংবা প্রাইওরিতী ওইনা থমখ্রে৷

জুনিয়র অমসুং সব-জুনিয়র মনুং চল্লিবা তার্গেত ওলিম্পিক পোদিয়ম স্কিম(তি.ও.পি.এস)অসি দাইনমিক ওইবা এক্সরসাইজ অমনি৷ শান্নরোই খুদিংদা মখোয় মখোয়গী পর্ফোমেন্স অদু চাং নাইনা তোইনা মখোয়গী তার্গেত অদু য়েংশিনগনি অমসুং তার্গেত অদু ফংবা ঙমদবা শান্নরোই অদুবুনা মঙোনদা ফংহল্লিবা অহেনবা সপ্পোর্ত অদু স্কিম অদুদগী লৌথোক্কদৌরি৷

মখাতানা স্পোর্তস ওথোরিতী ওফ ইন্দিয়া(সাই)না নেস্নেল স্পোর্তস ফেদেরেসন্স(এন.এস.এফ.), কোচশিং অমসুং অতোপ্পা স্তেক হোল্দরশিংগা খুৎশম্নরগা পুখৎলকপা কি পর্ফোমেন্স ইন্দিকেতরশিং অদুগী মতুং ইন্না স্কিম অসিগী মখাদা শান্নরোই পুম্নমক্কী পর্ফোমেন্স অদু চাং নাইনা য়েংশিল্লি৷

হায়রিবা ই-পাউ অসি য়ুথ এফিয়র্স অমসুং স্পোর্তসকী কেন্দ্রগী মন্ত্রী শ্রী কিরেন রেজিজুনা অইবা ৱারোলদা ঙসি রাজ্য সভাদা পীশিনখিবনি৷

******

(Release ID: 1654385) Visitor Counter : 131