এজুকেসন মন্ত্রালয়না ২৯/৭/২০২০দা নেস্নেল এজুকেসন পোলিসী ২০২০ (এন.ই.পি.) লাঊথোকখ্রে অমসুং মসিগী ৱারোলশিং অসি মন্ত্রালয়গী ৱেবসাইৎ https://www.mhrd.gov.in/sites/upload_files/mhrd/files/NEP_Final_English_0.pdf. তা ফংলে। পোলিসী অসিগী অখন্নবা মওংশিং মখাদা পীরিঃ

১) প্রি-প্রাইমরী থাক্তগী গ্রেদ ১২ ফাওবগী থাক ফাওবদা য়ুনিবর্সেল এক্সেস ফংহনবা;

২) চহি ৩-৬ ফাওবগী অঙাংশিংদা মগুন লৈবা য়েংশিনববীবা অমসুং মতিক চাবা মহৈ তম্বা ফংহনবা;

৩) অনৌবা কলিকলম অমসুং লাইরিক তম্বীবগী মওং (৫+৩+৩+৪);

৪) আর্ত অমসুং সাইন্স, করিক্যুলার অমসুং এক্সত্রা করিক্যুলার অমসুং বোকেস্নেল অমসুং একাদমিক স্ত্রেমগী মরক্তা অহকপা খেৎনবা লৈহন্দবা;

৫) ফাইউন্দেস্নেল লিতরেসী অমসুং ন্যুমরেসীগী ওইবা লৈবাক্কী মিসন অমা শেম্নবা;

৬) লোল য়াম্বা অমসুং ভারতকী লোলশিং তম্বীবদা পুক্নিং থৌগৎপা; য়ামদ্রবদা গ্রেদ ৫ ফাওবগী মনুংদা অমসুং খনবা য়াবা ওইনা গ্রেদ ৮ অমসুং মথক্কী থাকশিংদা য়ুমগী লোল/ইমালোল/লোকেলগী লোল নত্ত্রগা মরী লৈনবা মফমশিংগী ওইবা লোলদা মহৈ তম্বীবদা মিৎয়েং চঙবা;

৭) য়েংশিনবগী মতাংদা শেমদোকপা- স্কুলগী চহি মনুংদা বোর্দকী পরিখা অনিরক ফাওবা পাঙথোকপা, মপুং ওইবা পরিখা অমা অমসুং অপাম্বগী মতুং ইন্না অমুক হন্না শেমদোকপগী ওইবা পরিখা অমা;

৮) অনৌবা নেস্নেল এসেসমেন্ত সেন্তর, পি.এ.আর.এ.কে.ঐচ. (পর্ফোরমেন্স এসেসমেন্ত, রিব্যু অমসুং এনালিস্ত ওফ নোলেজ ফোর হোলিস্তিক দিবেলপমেন্ত) শেম্বা;

৯) কান্নবা অমসুং পুম্নমক মনুং চনবা মহৈ তম্বীবা- খুন্নাইগী অমসুং শেন্মিৎলনগী মতাংদা শোত্থরবা মীওইশিং (এস.ই.দি.জি.)দা অখন্নবা মিৎয়েং চঙবা;

১০) তোঙানবা জেন্দর ইঙ্কলুসন ফন্দ অমসুং শোত্থরবা মফমশিং অমসুং কাঙলুপশিংগীদমক্তা অখন্নবা এজুকেনগী জোন শেম্বা;

১১) পাক চাউবা অমসুং মনুং ফাওনা উবা মেরিত্তা য়ুম্ফম ওইদুনা ওজা খনবগী থৌওং পাঙথোকপা;

১২) স্কুলগী কমপ্লেক্স অমসুং ক্লস্তরশিংগী খুত্থাংদা তঙাই ফদবা রিসোর্স খুদিংমক ফংহনবা;

১৩) স্তেৎ স্কুল স্তেন্দর্দস ওথোরিতী (এস.এস.এস.এ.) লিংখৎপা;

১৪) স্কুল অমসুং অৱাংবা মহৈ মশিং তম্বীবগী পথাপ্তা বোকেস্নেল এজুকেসনগী থৌওংদা শরুক য়াহনবা;

১৫) হাইয়র এজুকেসন্দা ৫০% ফাওবগী জি.ই.আর. হেনগৎহনবা;

১৬) চঙবা অমসুং থোকপগী মশিং য়াম্বা খনবা য়াবা অপুনবা দিসিপ্লিন য়াম্বা মহৈ তম্বগী কান্নবা ফংহনবা;

১৭) ঐচ.ই.আই.এস.তা মিং চনবগী কম্মন ইন্ত্রান্স একজাম অমা এন.তি.এ.না লৈহল্লগনি;

১৮) একাদমিক বেঙ্ক ওফ ক্রেদিৎ লৈহনবা;

১৯) মলতিদিসিপ্লিনরী এজুকেসন অমসুং রিসর্চ য়ুনিবর্সিতী (এম.ই.আর.য়ু.)শিং লিংখৎপা;

২০) নেস্নেল রিসর্চ ফাউন্দেসন অমা লিংখৎপা;

২১) ‘অচম্বা অদুবু অকনবা’ কাঙলোন হৌদোকপা;

২২) ওজাশিংগী এজুকেসন য়াওহন্দুনা অমসুং মেদিকেল অমসুং লীগেল এজিকেসন য়াওহন্দনা অ ৱাংবা থাক্কী মহৈ তম্বীবগী সেক্তর চাউখৎহন্নবা হীরম কয়া পুন্না য়েংবা বোদী – হাইয়র এজুকেসন কম্মিসন ওফ ইন্দিয়া (ঐচ.ই.সি.আই.)- অমা স্তেন্দর্দ অমা লৈহন্নবা জেনেরেল এজুকেসন কাউন্সিল; শেল থাদনবা হাইয়র এজুকেসন গ্রান্তস কাউন্সিল (ঐচ.ই.জি.সি.); এক্রিদিতেসনগীদমক্তা নেস্নেল এক্রেদিতেসন কাউন্সিল (এন.এ.সি.); অমসুং কাঙলোন শেম্নবগীদমক্তা নেস্নেল হাইয়র এজুকেসন রীগুলেতরী কাউন্সিল (এন.ঐচ.ই.আর.সি.)গুম্বা নিংতম্বা বোদীশিংগা লোইননা শেম্বা;

২৩) জি.ই.আর. হেনগৎহন্নবা ওপন অমসুং দিস্তেন্স লর্নিং পাক চাউথোকহনবা;

২৪) এজুকেসনবু মালেমগী থাক্তা পুখৎপা;

২৫) প্রোফেস্নেল এজুকেসন অসি অ ৱাংবা থাক্কী মপুং ওইবা পথাপ অমা ওইহনবা। স্তেন্দ এলোন তেক্নিকেল য়ুনিবর্সিতীশিং, হেল্থ সাইন্স য়ুনিবর্সিতীশিং, লীগেল অমসুং এগ্রিকলচরেল য়ুনিবর্সিতীশিং নত্ত্রগা হীরমশিং অমসুং অতোপ্পা হীরমশিংগী ইন্সতিত্যুসনশিং অসি মলতি-দিসিপ্লিনরী ইন্সতিত্যুসন ওলহনবগী পান্দম থম্বা;

২৬) ওজাশিংগী এজুকেসন – থাক্কী অকক্নবা লৈবা, সবজেক্তকী অকক্নবা লৈবা চহি ৪গী অপুনবা বেচলর ওফ এজুকেসন অমা লৈহনবা;

২৭) মহৈরোইশিংদা পাউতাক পীনবা নেস্নেল মিসন অমা শেমগৎপা;

২৮) নেস্নেল এজুকেস্নেল তেক্নোলোজী ফোরম (এন.ই.তি.এফ.) কৌবা ওতোনোমস বোদী অমা শেমদুনা মহৈ-তম্বীবা, য়েংশিনবা, থৌরাং য়াৎপা, চলায়বগী মতাংদা তেক্নোলীজী শিজিন্নদুনা ৱাখল্লোন লান্নবগী প্লেৎফোর্ম অমা লৈহনবা। এজুকেসনগী থাক খুদিংদা চানবা তেক্নোলীজী য়াওহনবা;

২৯) নহা অমসুং এদল্ত লিতরেসীগী চাং ১০০% য়ৌহনবা;

৩০) য়েংশিনবা অমসুং খল খায়বগী থৌওং কয়া লৈহন্দুনা হাইয়র এজুকেসনবু শেন্দান লম্বী ওন্থোকপা য়েংশিনবা অমসুং লেপহনবা;

৩১) এজুকেসনগী ইন্সতিত্যুসন খুদিংবু য়েংশিনবগী মান্নবা থৌওং অমগী মনুং চলহন্দুনা “শেন্দোংগী” থবক তৌবা এন্তাইতী নত্তে হায়না ফোঙদোকহনবা;

৩২) কেন্দ্র অমসুং রাজ্য সরকারনা পুন্না হোতনমিন্নদুনা খ্বাইদগী থুবা মতমদা এজুকেসনগী সেক্তরদা শেল থাদববু জি.দি.পি.গী ৬% য়ৌহনবা;

৩৩) মগুন লৈবা এজুকেসন অমা পুরকপদা খুৎশম্ননা মিৎয়েং চঙনবা সেন্ত্রেল এদবাইজরী ওফ বোর্দ এজুকেসনবু মপাঙ্গল হাপ্পা;

৩৪) এজুকেসনগী মন্ত্রালয়: এজুকেসন অমসুং মহৈ তম্বদা মিৎয়েং অমুক হন্না চঙলক্নবা এম.ঐচ.আর.দি.বু এজুকেসন মন্ত্রালয় (এম.ও.ই.) হায়না মমিং ওনবগী অপাম্বা।

 

এন.ই.পি. ২০২০ অসি রাজ্য/য়ু.তি. সরকারশিং য়াওনা স্তেকহোলদরশিংগা নীংথিনা খন্নরবা মতুংদা শেম শাবা লোইশিনখিবনি। মন্ত্রালয় অসিনা এন.ই.পি. ২০২০গী মতাংদা রাজ্য/য়ু.তি. সরকারশিংদা ৱাহৈ অমসুং ইথিলগা লোইননা পাউ ফাওখি। এজুকেসনগী মন্ত্রালয়না এন.ই.পি. ২০২০গী মতাংদা তোঙানব তোঙানবা হীরমশিংগী মতাংদা ৱারোল কয়া ফোঙদোকপা অমসুং মসিবু থবক ওইনা পাঙথোকপগী মতাংদা মীয়ামদগী পাউতাক ফঙনবগী পান্দম থমদুনা সেপ্তেম্বর ৮দগী ২৫ ফাওবা ‘শিক্সক পর্ব’ অমা পাঙথোক্কনি। মন্ত্রালয় অসিনা “নেস্নেল এজুকেসন পোলিসীনা অ ৱাংবা থাক্কী মহৈ তম্বদা অহোঙবা কয়া লাকহল্লকপগী থৌদাং”গী মতাংদা গবর্নরশিংগী কনফরেন্স অমা পাঙথোক্কনি। কনফরেন্স অসিদা রাজ্য অমসুং য়ুনিয়ন তেরিতরীশিংগী গবর্নরশিং, লেফতেনেন্ত গবর্নরশিং, রাজ্যগী য়ুনিবর্সিতীশিংগী ভাইস চান্সেল্লরশিং অমসুং অতোপ্পা মরু ওইবা মীওইশিংনা শরুক য়াখি। এন.ই.পি. ২০২০গী মতাংদা স্তেকহোলদরশিংদগী কান্নবা অমসুং পাক-শনবা পাউতাক কয়া ফংননবা য়াম্না পাক চাউবা পব্লিসিতীগী থৌওঙ্গ পাঙথোকখি।

ভোকেস্নেল এজুকেসনবু অতোপ্পা এজুকেস্নশিংগা য়েংনবদা মীয়াম্না হন্থনা য়েংলিবা অসিগী মতাংদা এন.ই.পি. ২০২০না খঙই। মরম অসিনা পোলিসী অসিনা ভোকেস্নেল এজুকেনবু খুন্নাইগী থাক্তা অনেম অৱাং খায়রিবা অসিবু লৌথোক্তুনা মপুং ওইবা মহৈ তম্বীবগী পথাপ্তা য়াওহন্দুনা এজুকেসনগী ইন্সতিত্যুসনশিং খুদিংদা তাঙ্কক নায়না পুশিল্লক্নবা পান্দম থম্লি। মসিগী হীরম অসিগী মতাংদা সেকন্দরী এজুকেসন্না আই.তি.আই.শিং, পোলিতেক্নিকশিং, লোকেল ইন্দস্ত্রীশিংনচিংবগা খুৎশম্ননা চৎমিন্ননবগী থৌওংশিংসু পাঙথোক্কনি। স্কিল লেবশিংসু শেমদুনা স্কুলশিংদা হব অমসুং স্পোক্কী মোদেলদা য়ুম্ফম ওইদুনা লৈহন্দুনা অতোপ্পা স্কুলশিংনসু ফেসিলিতী অসিবু শিজিন্নবা য়াহনগনি।

প্রাইমরী থাক্তগীনা য়ুনিবর্সিতীগী থাক ফাওবদা লৈরিবা এজুকেসনগী মগুন ফগৎহনবা অসি হৌজিক হৌজিক লেপ্তনা পায়খৎলিবা থবক অমনি। তোঙান তোঙানবা খোঙথাং কয়া মাইকৈদা  অসিদা পায়খৎলি। কেন্দ্র সরকারনা তেংবাংবা স্কিম অমা ওইরিবা স্কুল এজুকেসনগী মপুং ওইবা থৌওং ওইরিবা সমাগ্রা শিক্সা অসি থবক পায়খৎলি অমসুং এজুকেসনগী মখল খুদিংগী থাক্তা মপুং ওইবা অমসুং মান্নবা মগুন লৈবা এজুকেসন পীবদা মসিনা পান্দম থম্লি। মসিনা স্কুল অসিবু প্রি-স্কুল, প্রাইমরী, অপ্পর প্রাইমরী, সেকন্দরীদগী স্নিয়র সেকন্দরীগী থাক ফাওবা লেপ্তনা য়ৌহন্নবা পাম্বৈ অমা ওইনা শিজিন্নরি। অৱাংবা থাক্কী এজুকেসনদসু রাস্ত্রিয় উচ্ছতর শিক্সা অভিয়ান (আর.য়ু.এস.এ.), স্কিম ফোর প্রোমোসন ওফ একাদমিক অমসুং রিসর্চ কোল্লাবোরেসন (এস.পি.আ.আর.সি.), গ্লোবেল ইন্সিসিএতিব ফোর একাদমিক্স নেৎৱর্ক (জি.আই.এ.এন.), ইম্পেক্তিং রিসর্চ, ইন্নোবেসন অমসুং তেক্নোলোজী (ইম্প্রিন্ত), তেক্নিকেল এজুকেসন ক্বালিতী ইম্প্রুবমেন্ত প্রোগ্রাম (তি.ই.ক্যু.আই.পি.), স্তদী ৱেবস ওফ এক্তিব লর্নিং ফোর য়ং এস্পাইরিং মাইন্দস (স্বয়ম), নেস্নেল দিজিতেল লাইব্রেরী, কেম্পস কন্ননেক্ত প্রোগ্রাম, উচ্ছতর অভিস্কার অভিয়ান, উন্নৎ ভারত অভিয়ান, ইম্পেক্তফুল রিসর্চ ইন সোসিএল সাইন্স (ইম্প্রেস), অতল রেঙ্কিং ওফ ইন্সতিত্যুসন ওন ইন্নোবেসন এচিবমেন্তস (এ.আর.আই.আই.এ.), নেস্নেল ইন্সতিত্যুস্নেল রেঙ্কিং ফ্রেমৱর্ক (এন.আই.আর.এফ.)নচিংবা প্রোগ্রাম কয়া থাক অসিগী মহৈ তম্বীবদা মগুন লৈহন্নবা হোৎনরি। খোঙথাং কয়া অমা য়ু.জি.সি. অমসুং এ.আই.সি.তি.ই.না অৱাংবা থাক অমসুং তেক্নিকেল এজুকেসন্দা মগুন হেন্না লৈহন্দুনা ফগৎহন্নবা কন্না হোৎনরি।

এন.ই.পি. ২০২০না কেন্দ্র সরকার অমসুং রাজ্য সরকারশিংনা এজুকেসনগী লমদা পব্লিক ইনবেস্তমেন্তশিংদা হেনগৎলক্নবা পুক্নিং চীংশিনবগী থৌওং কয়া পাঙথোক্লি। কেন্দ্র অমসুং রাজ্য সরকারনা অথুবা মতমদা এজুকেসন সেক্তর অসিদা পব্লিক ইনবেস্তমেন্তপু জি.দি.পি.গী ৬% য়ৌহন্নবা খুৎশম্নদুনা হোৎনগনি।

হায়রিবা ৱাফমশিং অসি ঙসি লোক সভাদা হ্যুমেন রিসোর্স দিবেলপমেন্তকী কেন্দ্র মন্ত্রী শ্রী রমেশ পোখ্রিয়াল ‘নিশাঙ্ক’না অইবা পাউখুম ওইনা পীখিবনি।

*****

(Release ID: 1654193) Visitor Counter : 370