জল শক্তী মন্ত্রালয়, নেস্নেল জল জীবন মিশন্না জল জীবন মিশনগী ফ্লেগশিব থৌরমগী আওতপুৎশিং অমদি আওতকমশিং অসি থৌরাং য়াৎনবা, চৎনহন্নবা অমসুং য়েংশিন্নবা ৱেবিনার অমা ঙসি পাংথোকখ্রে। ৱেবিনার অসিদা তোঙান-তোঙানবা রাজ্যশিং/য়ুনিয়ন তেরিতোরীশিংদগী পব্লিক হেল্থ ইঞ্জিনীয়রিং বিভাগশিং/রুরেল ৱাতর সপ্লাইগী রাজ্য, জিলা অমসুং ব্লোক্কী ওফিসিএল ২,৫০০ রোম শরুক য়াখি।

জল জীবন মিশন অসি চৎনহন্নবা রাজ্যশিংগা খুৎশম্নদুনা লৈবাক অসিদা লৈরিবা খুঙ্গংগী ইমুং খুদিংমক্তা কোন্নবা চাংদা অমদি অহোংবা সর্ভিস দেলিভরী চার্জদা চাং নাইনা অমদি তুং কোইবা মতমদা য়ুম্ফম ওইদুনা লৈঙাক্না য়ানরবা অফবা থক্নবা ঈশিং অসি শোইদনা ফংহন্দুনা মসিদগী মীশিংগী পুন্সিগী থাক অদু ফগৎহন্নবা পান্দমদা পায়খৎখিবনি। মিশন অসিগী অচৌবা পান্দমশিংদি য়ুম খুদিংদা ঈশিং ফংহনবগা লোয়ন-লোয়ননা তুং কোইবা মতমদা য়ুম্ফম ওইবদা ঈশিং ফংহনবগী সিস্তেম অসি মথৌ পাংথোকহনবদা মাইপুননা হোৎনবা, দিসেন্ত্রেলাইজ ওপরেসন অমসুং য়েংশিন্নবগী থৌরাংশিং অমদি মফমদুদা লৈরিবা মীওই কাংলুপশিংদগী ঈশিংগী ক্বালিতী য়েংশিলহন্নবা তৌবনচিংবশিং অসি য়াওই।

ৱেবিনার অসি অতেনবা ওদিও-ভিজুএল ক্লিপশিং অমসুং পাৱর পোইন্ত প্রজেন্তেসনশিং শিজিন্নদুনা জল জীবন মিশনগী মিশন অমসুং ইথোসশিং অসি শন্দোক্না তাক্তুনা খংহনখি। মরুওইবা ৱারোল অসি নেস্নেলজল জীবন মিশনগী এদিস্নেল দিরেক্তর অমসুং মিশন দিরেক্তর শ্রী ভারত লালনা খুঙ্গংগী মফমশিংদা লৈরিবা মীশিং অসিগী পুন্সি অসি ফগৎহন্নবদা পান্দমদা অথোইবা অনিংবা-অপাম্বগী থৌরম অসি ৱাখল্লোন অদু শন্দোক্না হায়খি।

‘মসিগী থৌরম অসি হান্নগী থৌরমশিংদগী তোঙাল্লি অমসুং ইনৌ নৌবা অমসুং পান্দম মাইপুনবা মিৎয়েংগী মথৌ তাই’- হায়না শ্রী লালনা পনখি অমসুং তোঙান-তঙানবা স্তেকহোল্দরশিংগী থৌদাং অদুদা অকনবা মিৎয়েং থমদুনা মিশন অসিগী মরুওইবা অথোইবশিং অদু ফোংদোকখি। মন্ত্রালয়গী ওফিসিএলশিংনা মিশন অসিগী পান্দমশিং অমসুং মায় পাক্না তৌবশিং অদুগী মরিক চুম্বা প্রজেন্তেসন অমা শেমখি। লৈবাক অসিদা তোতী ঈশিং শমহনখ্রবা খুঙ্গংগী ইমুং করোর ৫.৩৫ মুক, খুঙ্গং ৪৭,০০দা, ব্লোক ৩৫১ অমসুং জিলা ৯দা চাদা ১০০ তোতী ঈশিং ফংহনখ্রে হায়না শিংথাননা পনখি। মিশন অসি হৌদোকখিবদগী হায়বদি অগস্ত ১৫, ২০১৯দগী লৈবাক অসি পুল্লপ্তা ইমুং করোর ২মুক্তা তোতী ঈশিং শমহনখ্রে। In the whole country, ইমুং লাক্ষ ১রোমদা নুতিগী ওইবা মওংদা তোতী ঈশিং ফংহনখি। জল জীবন মিশনগী মখাদা পায়খৎলিবা থবকশিং অসি খোংজেল য়াংখৎহন্নবা অমসুং থাক ওন্ননবা মরিক চুম্না ৱা খন্নখি। হৌজিক ফাওবদা খুঙ্গংগী ইমুং চাদা ২৮না পাইপকী ঈশিং ফংহন্দুনা খুঙ্গংগী নুপীশিংগী চরনিং-হৈনিংদবা অদু হন্থহনবদা নত্তনা শোই-ঙামদবা অমদি ইকাই খুম্নবা ঙাকপা অদু ফংহনখ্রে। .

রাজ্যশিং/য়ুনিয়ন তেরিতোরীশিং পুম্নমক্না অমগা-অমগা এফ.ঐচ.তি.সি.গী স্তেতস অসি চাদা ১০০ য়ৌবা ঙম্নবা তান্নরিবা অসিদা বিহার, গোৱা, তেলঙ্গনা অমসুং পুদুচেরীনা ২০২১ অসিদা তার্গেৎ অসি মপুং ফানা লোইশিনবদা মমাং থানা চেনবশিং ওইনা চংশিল্লক্লি। রাজ্যশিং/য়ুনিয়ন তেরিতোরীশিংগী মরক্তা চাংদম্নবা অসিদগী হেনগৎননবগী হকচাং ফবগী চাংদম্নবা অসিসু খন্নখি। প্রজেন্তেসন অসিনা তোঙান-তোঙানবা ৱাফমশিং, শিংনবশিংগা লোয়ন-লোয়ননা মিশন অসিগী খুদোংচাবশিংগী মতাংদা হায়খি।

মিশন অসিদা হান্না মিৎয়েং থম্লদুনা মফমদুগী খুঙ্গংগী মীওই কাংলুপশিং/গ্রাম পঞ্চায়েৎশিং অমসুং মদুগী সব-কম্মিতীশিং হায়বদি ভিলেজ ৱাতর অমসুং সেনিতেসন কম্মিতী/পানী সমিতী অসি থক্নবা ঈশিং সেক্যুরিতী অসি ফংনবা থবক চত্থরিবা অসি মতম শাংনা তুং-কোইনা ফংহন্নবগীদমক্তা খুঙ্গংশিংদা থক্নবা ঈশিং ফংহনবগী থবক অসিদা থৌরাং য়াৎনবা, চৎনহন্নবা, থবক পাংথোকহন্নবা অমদি তবক শিন্দোক-শিঞ্জিন তৌনবগী থবক্তা য়াওগদৌরি। ভিলেজ এক্সন প্লান, দিস্ত্রিক্ত এক্সন প্লান অমসুং স্তেত এক্সন প্লানগী মরুওিবসু নিংথিজনা হায়খি। লৈরিবা পাইপ ৱাতর সপ্লাই(পি.দব্লয়ু.এস.)কী সিস্তেম অসি ফগৎহন্দুনা অমদি শেমগৎপা অসি থোইদোকপা মওংদা খংহনখি অমদি লাইরবা অমদি খুঙ্গংশিংদা/খুন্দারিবা মফমশিংদা লৈবা লাইরবগী পনখৈদা লৈবা ইমুংশিংদা লৈবা মীশিংদা য়াম্না খুনা তোতী ঈশিং ফংহন্নবা রাজ্যশিংদা অসিগুম্বা খুঙ্গংশিংদা কেম্পেন মোদতা থবক হৌনবা হায়খি। ওফিসিএলশিংদা থবক পাংথোক্নিংবগী অপাম্বা লৈবা জিলাশিংগুম্বা মফমশিংদা, ঈশিংগী ক্বালিতী ফত্তবা মফমশিং, ইকং থোক্লবা অমদি লৈকংলাগী মফমশিংদা, এস.সি./এস.তি.না খুন্দাবা ফমশিং, সংসদ আদর্শ য়োজনা ভিলেজনচিংবদা হান্না মরুওইনা মিৎয়েং থম্নবা হায়খি।

ঈশিং ফংফম খুদিংমক্না ফিজিকেল অমসুং কেমিকেলগী পেরামিতরশিংগী ওইনা ঈশিং ফংফম খুদিংমক চহি অমদা অমুরক অদুগা বেক্তরিয়ানা মোৎশিল্লকপা অসিগীদমক্তা অনিরক তেস্ত তৌগদবনি হায়না থোইদোকপা মওংদা হায়খি। ঈশিং ফংফম খুদিংমক্তা কেস্ত পাংথোক্নবসু রাজ্যশিংদা হায়খি। রাজ্য অসিগী লেবোরেতরী খুদিংমক্তা থাক ফগৎহনবগী অমদি এন.এ.বি.এল. এক্রিদেসন অসি ফংনবা তৌবগী মথৌ তাখি, ২০২০-২১গী মতমদা খ্বাইদগী মশিং য়াম্না এন.এ.বি.এল এক্রিদেসন ফংনবা তকশিনখি। মীয়ামদা ৱাতর ক্বালিতী লেবোরেতরীগী ফেসিলিতীশিং অসি হাংদোক্নবসু হায়খি।

দ্রিঙ্কিং ৱাতর অমসুং সেনিতেসন বিভাগকী অকনবা ইন্তিগ্রেতেদ মেনেজমেন্ত ইনফোর্মেসন সিস্তেম(আই.এম.আই.এস.) অমা লৈ। জে.জে.এম.-আই.এম.আই.এস. অসিনা থৌরাং য়াৎপগী অমদি য়েংশিন্নবগী মঙম লৈবা খুৎলাই অমা ওইনা শেমগৎলকপা য়াবগে হায়বদু মরিক চু্ম্না তাকখি। আই.এম.আই.এস. অসি কান্নদবা চাদিং অসি লৈহন্দবদা মতেং ওইবগে অমদি ৱাতর সর্ভিস দেলিভরী অসি ওনবদা অমদি য়েংশিনবদা কান্নবগে হায়বদু পনখি। মখা তানা ঈশিং পীবা অসি ওনবদা অমদি য়েংশিনবদা আই.ও.তি.দা য়ুম্ফম ওইবা সেন্সরশিংগা মরি লৈননা মরিক চুম্না থংহনখি। পব্লিক গ্রিভান্সে সিস্তেমগী মরুওইবা অমদি মোদেলিতীশিং অসি অন্দরলাইন তৌখি। কেরলা, গুজরাত অমসুং ওরিসাগুম্বা রাজ্য খরনা ‘১৯১৬’কী হেল্পলাইন নম্বর অসিহান্নদগী শিজিন্নরি, অতোপ্পা রাজ্যশিংদা খুঙ্গংগী মফমশিংদা থক্নবগী ঈশিং ফংহনবগী মরি লৈনবা তোঙান-তোঙানবা পব্লিক গ্রিভান্সশিং অসি লোইশিন্ননবা মান্নবা মেকানিজম অসি শিজিন্ননবা তকশিনখ্রে।

*****
 

(Release ID: 1652521) Visitor Counter : 125