হকশেল মন্ত্রালয়না রাজ্যশিং অমসুং য়ুনিয়ন তেরিতোরীশিংগা জিলা খরদা কোবিদ-১৯গী কেসশিং অসি খুদক্তা হেনগৎলকপা, ৱাংনা কেসলোদ নত্রগা অৱাংবা শিবগী চাংগী পাউ ফংবগী মতাংদা খুৎশম্নদুনা চাং নাইনা থবক  ৱারক-ৱাতেমদুনা লাক্লি।  

কেন্দ্র অসিনা ঙসি মহারাস্ত্র, অন্ধ্র প্রদেশ অমসুং কর্নাতকাদা ত্রান্সমিসনগী পরিং অসি থুগাইনবা অমসুং শিবগী চাং অসি চাদা ১দা হন্থহন্নবা ৱারক-ৱাতেমখ্রে। রাজ্যশিংদা শোইদবা মওংদা চাং ৱাংনা তেস্ত তৌবা, শিবগী চাং হন্থনবা নিংথিনা লায়েং চত্থবগী থবক শিন্দোক-শিঞ্জিন অমসুং তোঙান-তোঙানবা থাকশিংদা নিংথিনা য়েংশিনবগা লোয়ননা পুন্সি কন্নবগী পাউতাক পীখ্রে।  

হৌখিবা পুং ২৪সিদা মহারাস্ত্র, অন্ধ্র প্রদেশ অমসুং কর্নাতকাদা চাউরাক্না চাদা ৪৬কী পোজিতিব কেসশিং লৈবগী পাউ পীরকখি।  হৌখিবা পুং ৪সিদা মহারাস্ত্র খক্তদা  পোজিতিব কেস অসি চাদা ২২গী রিপোর্ত তৌরকখি। মসিদা নত্তনা রাজ্য অহুমসিগুম্না হৌখিবা পুং ২৪সিদা লৈবাক অসিদা কোবিদ-১৯না শিখিবগী চাং অসি চাদা ৫২ ওইবগী পাও পীরকখ্রে। মহারাস্ত্র খক্তদা শিবগী চাং অসি অপুনবগী ওইনা চাদা ৩৫ ওইবগী পাও পীরকখি।

কেন্দ্র গৃহ মন্ত্রীনা রাজ্য খুদিংগী ওইনা ৱানিংঙাই ওইরিবা জিলাশিংগী মতাংদা পুথোক্তুনা খংহনখ্রে। মহারাস্ত্র, পুনে, নাগপুর, কোলহাপুর, সঙ্গলি, নাশিক, অহমদনগর, রাইগড়, জলগাৱ, সোলাপুর, সতারা অমসুং পালঘর অসি পুথোক্তুনা খংহনখি অমসুং নিংথিবা কন্তেন্মেন্ত তৌবা অমসুং শোক্ন-শম্নরুবশিং খংদোকপগী মথৌ তাবা অদুদা অকনবা মিৎয়েং থম্নবা হায়খি।

অন্ধ্র প্রদেশ, প্রকাসম অমসুং চিত্তোরদসু মরি লৈনবা জিলাশিং অমসুং ফেসিলিতীগী ওইনা শিবগী চাং অসি নুতিগী য়েংশিনবা, হোসপিতালগী ফেসিলিতীশিং মপাঙ্গল কনখৎহন্নবা, আই.সি.য়ু.গী, ওক্সিজেন ফমুংশিং  মশিং হেনগৎহন্নবা অমসুং নিংতিনা লায়েং চত্থদুনা য়েংশিন্নবা পান্দম থম্নবগী মথৌ তাবা  অদু পুথোক্তুনা খংহনখি।

কর্নাতকাদা কোপ্পাল, মৈশুর, দবাঙ্গেরে অমসুং বেল্লারীগী জিলাশিং অসিগী পুথোক্তুনা খংনরবা মফমশিংদা আর.তি.-পি.সি.আর. তেস্তিং ফসিলিতীশিং অসি পুকচেল শেংনা শিজিন্ননবা, য়ুমথোং-য়ুমথোংদা চত্তুনা এক্তিব ওইবা কেসশিং থিবা অমসুং মখোয়গী হেল্থকেয়রশিং ঙাক-শেনবিনবা পাউতাক পীখ্রে।

অপুনবগী মওংদা রাজ্য মঙাদা এক্তিব ওইবগী কেস অসি লৈবাক অসিদা চাদা ৬০ হেনখ্রে। মহারাস্ত্রনা এক্তিব কেস লোদ অসি খ্বাইদগী য়াম্বা ওইনা চাদা ২৫, অন্ধ্র প্রদেশ(চাদা ১২.৬), কর্নাতকা(চাদা ১১.৭১), উত্তর প্রদেশ(চাদা ৬.৯২) অমসুং তমিল নাদুনা চাদা ৬.১০ লৈদুনা মতুং ইল্লি।  মহারাস্ত্র, অন্ধ্র প্রদেশ অমসুং কর্নাতকা রাজ্য অহুম অসিদা চাউরাক্না এক্তিব কেসশিং অসি চাদা ৪৯ ওইখ্রে অমসুং কোবিদনা শিবগী চাং অসি চাদা ৫৭ ওইরে।

লৈবাক অসিদা অপুনবা শিখিবশিংগী মনুংদা মহারাস্তর, তমিল নাদু, কর্নাতকা, দিল্লী অমসুং অন্ধ্র প্রদেশ হায়রিবা রাজ্য মঙাসিখক্তদা অপুনবা শিখিবগী চাং অসি চাদা ৭০নি হায়না রেকোর্দ তৌখি। মহারাস্ত্রখক্তদা অপুনবগী শিবগী চাং অসি চাদা ৩৭.৩৩ নি।

অচুম্বা, অমসুং খুদক্কী ওইবা কোবিদ-১৯গা মরী লৈনবা তেক্নিকেল ইস্যু, গাইদলাইন অমসুং এদভাইজরীশিংগী ঈ-পাওশিংগীদমক্তা https://www.mohfw.gov.in/ দা অমসুং @MoHFW_INDIA  দা চাং নাইনা চংবিয়ু।

কোবিদ-১৯গা মরী লৈনবা তেক্নিকেল ক্বেরীশিংগীদমক্তা technicalquery.covid১৯[at]gov[dot]in দা থাবিয়ু অমসুং অতোপ্পশিংগী ওইনা ncov২০১৯[at]gov[dot]in অমসুং @CovidIndiaSevaদা থাবিয়ু।

কোবিদ-১৯গী ক্বেরীশিংগী ওইনা হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +৯১-১১-২৩৯৭৮০৪৬ নত্ত্রগা ১০৭৫ (তোল-ফ্রী) দা কোল তৌবিয়ু

রাজ্যশিং/য়ু.তি.শিংগী হেল্পলাইন নম্বরশিংগী লিস্তসু https://www.mohfw.gov.in/pdf/coronvavirushelplinenumber.pdf তা ফংবিগনি।

*****