ঙসি কমিসনগী মীফমদা চীফ ইলেক্সন কমিসন্নর শ্রী সুনিল অরোরা অমসুং ইলেক্সন কমিসন্নর শ্রী সুসিল চন্দ্রনা ইলেক্সন কমিসন্নর শ্রী রজিব কুমার তরাম্না ওকখ্রে। থৌরম অদুদা  কমিসনগী অতৈ ওফিসারশিং হায়বদি সেক্রেতরি জেনেরেল উমেস সিনহা, দি.ই.সিশিং, দিরেক্তরশিং অমসুং সেনিয়র প্রিন্সিপাল সেক্রেতরিশিং য়াওখি।

রজিব কুমার তরাম্না ওক্লদুনা মহাক্না দি.ও.পি.তি, বেঙ্কিং অমসুং ফাইনান্সকী লমদা লৈবাক ঙাকপা হৈবগী ৱারিশিং চীফ ইলেক্সন কমিসন্নরনা নিংশিংখি। রজিব কুমারনা মমাংদা পাংথোকখিবা মরুওইবা থবকশিং অদু মহাক্না থাগৎখি। মহাক্না হায়খি মহাক্কী মতম শাংনা থবক তৌরকপগী হৈশিংবা অদু কমিসন্দা য়াম্না কান্নগনি।  

চীফ ইলেক্সন কমিসন্নরনা হায়খি ইলেক্সন কমিসন অসি অঙকপা ইমুং অমনি, মীখল ফজনা পাংথোক্নবা কেন্দ্র অমসুং রাজ্য সরকারশিংদগী মতেং দরকার ওই। ভারতকী সংবিধানগী পান্দমশিং ফংনবা থবক পাংথোক্নবা কমিসন্না অমুক হন্না ৱারেপ লৌরে। আই.তি শীজিন্নবা, খুদোংচাবা লাইনা ফংহনবা অমসুং মী খুদিংমক কোনশিন্নবা হন্দক কমিসন্না পায়খৎখিবা থবকশিং চীফ ইলেক্সন কমিসন্নরনা পনখি।

মহাক্কী তরাম্না ওকপগী ৱারোলদা, ইলেক্সন কমিসন্নর সুসিল চন্দ্রনা মহাক্না মমাংদা রজিব কুমারগা থবক তৌমিন্নম্বগী থৌদোকশিং নিংশিংখি অমসুং থবক তৌবদা হৈশিংবা মতৌশিং মহাক্না থাগৎখি।

ই.সি.আইদা তরাম্না ওকপগীদমক রজিব কুমারনা চীফ ইলেক্সন কমিসন্নর অরোরা অমসুং ইলেক্সন কমিসন্নর চন্দ্র থাগৎখি। কমিসন অসিদা মহাক্না ঙমজবা মওংদা খ্বাইদগী ফবা থবকশিং পাংথোক্কনি হায়না মহাক্না ফোঙদোকখি।

*****