ভারতকী মরু ওইবা সেক্তর ৫দা ইন্নোবেসন সোলুসন ৪৯বু শকখঙখ্রবা মিলেনিয়ম এলাইন্স রাউন্দ ৬ অমসুং কোবিদ ১৯ ইন্নোবেসন চেলেঞ্জ – এৱার্দ সেরেমনীনা ফজনা য়েন্থোক্লবা ইন্নোবেসন ইকোসিস্তেম অমা শেমগৎপা মথৌ তাই হায়না থমখি।

দি.এস.তি.না ফজনা য়েন্থোক্লবা ইন্নোবেসন ইকোসিস্তেম অমা শেম্নবা অনৌবা প্রোগ্রাম অমা অথুবদা হৌদোক্লগনি হায়না লাউথোক্তুনা, দি.এস.তি.গী সেক্রেতরী প্রোফেসর অশুতোশ শর্মনা হায় স্তার্তঅপ অমনা ইন্নোবেসন পুথোক্নবা হোৎনবদা নেৎৱার্কিং, তেংবাং, হৌদোক্নবা শেল, প্রোতোতাইপিংগী খুদোংচাবা মরু ওই অমসুং খুদোংচাবশিং অসি ইনক্যুবেতরশিং লৈরিবা মফমশিংগী ৱাংমদা ফংহনগনি।

“লৈবাক শিনবা থুংনা দি.এস.তি.না হৌজিক তেক্নোলোজী বিজিনেস ইনক্যুবেতর ১৫০ তেংবাংলি ইনক্যুবেতরশিং অসিগী মনুংদা তেক্নোলোজী স্তার্তঅপ ৪০০০ হেন্না য়াওরি, মসিনা অফবা ৱাখল্লোন কয়া পুথোক্লি অমসুং মসিগী মশিং অসি হেনগৎনবা থৌরাং তৌরি। মিলেনিয়ম এলাইন্সনা অতোপ্পা পার্তনরশিংগা লোয়ননা –য়ু.এস.এ.আই.দি., এফ.আই.সি.সি.আই., দি.এফ.আই.দি. গুম্বা ওর্গনাইজেসনশিংদা খোঙচৎ অসিদা অফবা পার্তনরশিং ওইরি”—প্রোফেসর অশুতোশ শর্মনা ফোঙদোকখি।

মিলেনিয়ন এলাইন্স অসিনা য়ু.এস.এ.আই.দি. অমসুং ভারত সরকারনা চুংশিন্নবগী কান্নবা অমসুং করম্না মসিনা অতোপ্পা পার্তনরশিং পুশিল্লকপা হেনগৎহল্লি হায়বা উৎলি, মখোয়শিং অসিনা করিগুম্বা কনাবা খরদি অদুমক পুথোকি” য়ু.এস. চার্জ দি’এফিয়র্স এদগর্দ দি কাগন্না ফোঙদোকখি। মিলেনিয়ম এলাইন্স রাউন্দ ৬ অমসুং কোবিদ ১৯ ইন্নোবেসন-এৱার্দগী মরমদা ৱা ঙাংলদুনা মহাক্না হায়, মসিগী অখন্নবা খোঙথাং অসি ইন্নোবেসন শৌগৎপা খক নত্তে, মসিনা য়ু.এস অমদি ভারতকী ওন্তপ্রিনোর্শিপ অমসুং এক্সচেঞ্জকী মরীগী খ্বাইদগী মরু ওইরিবা মচাক্তা পীরিবা তেংবাং অদু শরুক অনি হেনগৎহনবনি।

 “মিলেনিয়ম এলাইন্সনা পার্তনর খুদিংমক্না এজুকেসন, হেল্থ, ক্লিন ইনর্জী, ৱাতর অমসুং সেনিতেসন, এগ্রিকলচর সেক্তরশিং অমসুং অফ্রিকা অমসুং সাউথ এসিয়াগী লৈবাকশিংগী লোকেল ইনোবেসনশিংনা হৈশিংবশিং ত্রান্সফর তৌবা মওং অদু শন্দোক্না তাক্লি। মসিনা মসিগী পার্তনরশীপ অসিগী খুত্থাংদা মালেমদা শাফু পীবা থবকশিং ভারত্তা করম্না দিজাইন তৌবগে হায়বা শন্দোক্না তাক্লি,” সর ফিলিপ বার্তন, ব্রিতিশ হাই কম্মিস্নর তু ইন্দিয়া।

অগস্ত ১৮,২০২০দা ভর্চ্যুল ওইনা শিনবা এৱার্দ পীবগী থৌরম অদুদা অপুনবা ইনোবেতিব সোলুসন ৪৯দা ভারত্তা ফোকস ৫গী সেক্তরশিংদা মখোয়গী ইনোবেসনশিংগী মমিং ওইনা পল্লবদা এজুকেসন, হেল্থ, ক্লিন ইনর্জী, ৱাতর অমসুং সেনিতেসন, এগ্রিকলচরদা  অমসুং নেপাল, রৱন্দা, উগন্দা, বাংলাদেশ, কেনিয়াগুম্বা সাউথ এসিয়া অমসুং অফ্রিকাগী লৈবাকশিংদা পাইলোৎ প্রিজেক্তশিং চত্থরিবা মালেমদা মীৎয়েং থম্লিবা সেক্তরশিং অপুন্বা লপা কোতি ২৬গী শেমফমগী এৱার্দ পীখি। অদুগা কোবিদ-১৯ ইনোবেসন চেলেঞ্জগী কাংলুপ্তা ইনোবেতর ১৬ এৱার্দ পীখি। মসিগী এৱার্দ ফংলিবা ইনোবেসনশিং অসি প্রোগ্রাম পার্তনরশিং অমসুং সবজেক্ত মেতর এক্সপর্তশিংগী মতেংগা লোয়ননা এফ.আই.সি.সি.আই.না য়াম্না চেকশিন্না ইভালুএসন তৌরবা মতুংদা খনগৎপনি।

এৱার্দ পীবগী থৌরম অসি পার্তনর ওর্গানাইজেসনশিং- দিপার্তমেন্ত ওফ সাইন্স এন্দ তেক্নোলোজী (দি.এস.তি.), ভারত সরকার, ফেদেরেসন ওফ ইন্দিয়ন চেম্বর্স এন্দ ইন্দস্ত্রী (এফ.আই.সি.সি.আই.), য়ুনাইতেদ স্তেৎস এজেন্সী ফোর ইন্তরনেস্নেল দিবেলপমেন্ত (য়ু.এস.এ.আই.দি.), য়ু.কে.গী দিপার্তমেন্ত ফোর ইন্তরনেস্নেল দিবেলপমেন্ত, ফেসবুক অমসুং মারিও ইনোবেসন ফাউন্দেসনগী দিগনিতিশিং অমসুং মীহুৎশিং শরুক য়াদুনা পাংথোকখি।

থৌরম অদুদা ৱা ঙাংলদুনা শ্রী অজয় চৌধুরী, চিয়র্মেন এফ.আই.সি.সি.আই. স্তার্ত-অপ কম্মিতী অমসুং ফাউন্দর, ঐচ.সি.এল.না হায় “মিলেনিয়ম এলাইন্সনা লায়চৎ অসিগী চৈথেং কোকহন্নবা তেক্নোলোজীশিং থুনা শিজিন্ননবা ভারতকী স্তার্তঅপশিং মতেং পাংনবা শেন্থং পীথনবা ফোকস কোল হৌদোক্তুনা কোবিদ-১৯ ইনোবেসনশিং তঙাইফদনা মথৌ তাবা অদু পুথোকহল্লি। চয়োল অহুমগী অতেনবা মতমগী মনুংদা কোল অসিগী ইনোবেতর ৪০০ হেনবনা এপ্লাই তৌরকখ্রে।

মিলেনিয়ম এলাইন্স অসি মালেমগী দিবেলপমেন্ত সোলুসনশিং পুথোক্লিবা তেস্ত অমসুং স্কেল ইন্দিয়া ইনোবেসনশিং খন্দোক্নবা কোলাবোরেতিব রিসোর্সশিং মরাং কায়না শিজিন্নবা ইনোবেসন দ্রিবন অমসুং ইম্পেক্ত ফোকস ওইবা খোংথাং অমনি। মসি দিপার্তমেন্ত ওফ সাইন্স এন্দ তেক্নোলোজী, ভারত সরকার, য়ুনাইতেদ স্তেৎস এজেন্সী ফোর ইন্তরনেস্নেল দিবেলপমেন্ত (য়ু.এস.এ.আই.দি.), ফেদেরেসন ওফ ইন্দিয়ন চেম্বর্স ওফ কম্মর্স এন্দ ইন্দস্ত্রী (এফ.আই.সি.সি.দি.), য়ু.কে. সরকারগী দিপার্তমেন্ত ফোর ইন্তরনেস্নেল দিবেলপেন্ত (দি.এফ.আই.দি.), ফেসবুক অমসুং মারিকো ইনোবেসন ফাউন্দেসন য়াওবা পার্তনরশিংগী কন্সোর্তিয়ম (পব্লিক-প্রাইভেৎ পার্নরশীপ) অমনি। প্রোগ্রাম অসি হৌজিক চহি তরুক শুরগনি অমসুং ভারতকী সোসিএল এন্তপ্রাইসশিংদা শেন্থং পীথবা, কেপাসিতী বিল্দিং অমসুং ললোল ইতিক্কী মতেং পাংবদা মরুওইবা থৌদাং লৌরি।

*****