ৱর্ল্দ হেলথ ওর্গনাইজেসন (দবল্যু.ঐচ.ও.)গী রিপোর্ত অমনা নুংশিৎকী ফিভম ফৎলক্তবনা চহিগী খুদিংগী মালেমগী মীওই মিলিয়ন ৭.৫গী পুন্সি মাংলি হায়রি। মসিনা মরম ওইদুনা মসিগী ৱারোইশিন পুরক্কে হায়রবদি য়াম্না চুম্বা অমসুং শেল য়াম্না চংদনা নুংশিৎকী মগুনগী পেরামীতরশিং য়েংশিনবগী তঙাই ফদবা লৈরে হায়বনি। হৌজিক শিজিন্নরিবা পথাপশিং অমসুং তেক্নোলোজীশিং অসি য়াম্না তাংই অমসুং পাক শন্না শিজিন্নবগী ওইনদি ওইথোক্লোই। মসিনা মরম ওইদুনা নুংশিৎকী মগুনগী পেরামীতরশিংবু রীএল তাইমদা য়েংশিন্নবা পথাপ অমা শেম্বগী তঙাই ফদবা অমা লৈরে হায়বনি।

সাইন্স অমসুং তেক্নোলোজী বিভাগকী ক্লিন এয়র রিসর্চ ইনিসিএতিবনা শৌগত্তুনা গায়ত্রি বিদ্যা পরিশদ-সাইন্তিফিক অমসুং ইন্দস্ত্রিএল রিসর্চ সেন্তর (জি.ভি.পি.-এস.আই.আর.সি.) অমসুং জি.ভি.পি. কোল্লেজ ওফ ইঞ্জিনিয়ারিং, বিশাখাপত্নমগী দাইরেক্তর প্রোফঃ রাও তাতাবর্তিনা লমদম অসিদা শাজবা নুংশিৎকী মগুনগী পেরামীতরশিংবু রীএল তাইমদা য়েংশিনবা য়ানবা ফোতোনিক সীস্তেম অমা পুথোকখ্রে। প্রোফঃ রাও তাতাবর্তিদা ভেল্লোরগী ভি.আই.তি. য়ুনিবর্সিতীগী স্কুল ওফ ইলেক্ত্রিকেল ইঞ্জিনিয়ারিংগী প্রোফঃ পি. আরুল্মোজিভর্মন অমসুং অতোপ্পা তীম মেম্বরশিংনা তেংবাংখি। এ.য়ু.এম. (এয়র য়ুনিক ক্বালিতী মোনিতরিং) হায়না মিংথোনবা পথাপ অসিদা সি.এ.তি.এস. ইকোসীস্তেম, নাশিক্না কম্মর্সিএলাইজেসনগী তেক্নোলোজী ত্রান্সফর পার্ত্নর ওইনা থৌ পুখি।

এ.য়ু.এম. সীস্তেম (পেতেন্ত ঙাইরিবা) অসি লেজর বেকস্কেত্তরিং, স্তেতিস্তিকেল মেকানিক্স, ওপ্তোইলেক্ত্রোনিক্স, আর্তিফিসিএল ইন্তেল্লিজেন্স, মেছিন/দীপ লর্নিং অমসুং ইন্তর্নেৎ ওফ থিংসকী কাঙলোনশিংবু শিজিন্নবা অনৌবা থৌওং অমনি। মসিনা তোঙান তোঙানবা পোল্ল্যুতেন্ত কয়া অমা (বিলিয়ন অমগী পার্ত অমদগী তাথবা মথং মনাওদা) অমসুং মেতিওরোলোজিকেল পেরামীতরশিংবু য়াম্না চুম্না অমসুং মচা খায়না মথং মথং মশক খঙদোকপা, খল খায়দোকপা অমসুং মশিং থীবা ঙম্মি।

এ.য়ু.এম. অসি লেবোরেতরী ত্রাইএলদা খ্বাইদগী অৱাংবা থাক্তা মায় পাক্না পাঙথোকখি (য়ু.কে.গী ইফেক তেক্কা খুৎশম্নদুনা) অমসুং সেন্ত্রেল পোল্ল্যুসন কন্ত্রোল বোর্দ ওফ ইন্দিয়ানা য়েংশিনবগী মখাদা করনাতকা স্তেৎ পোল্ল্যুসন কন্ত্রোল বোর্দনা চলায়বা ফ্রান্স অমসুং ওস্ত্রেলিয়াদগী পুশিল্লকপা পথাপশিংগা চাংদম্নখি।

মসি য়াম্না সেন্সিতিব অমসুং অচুম্বা ওই  হায়বা খঙবা ঙমখি অমসুং হৌজিক ফংলিবা পথাপশিং অসিদগী হেন্না নীংথিজনা নুংশিৎকী মগুনগী পেরামীতরশিং খংদোকপা ঙম্বতা নত্তনা অহেনবা অফবা মগুন কয়া অমা লৈবসু উবা ফংখি। মসি পুথোক পুশিন তৌবা য়াই, কম্পেক্ত ওই, মৈ য়াম্না চংদে অমসুং শেল য়াম্না চংদবা ওই, প্লগ অমসুং প্লেগী পথাপতা মথৌ তৌই, পানখৎপগী মতম য়াম্না চংদে অমসুং মসি থম্নবা মফম য়াম্না কন্দে। মসিনা গ্যাস মখল খুদিং অমসুং মেতিরোলোজিকেল পেরামীতরশিংবু মথং মথং মশক খঙদোক্তুনা মখোয়গী ৱারোল কয়া পীবা ঙম্মি। মসিনা অৱাংবা সেমপ্লিং ফ্রিক্বেন্সী লৈদুনা স্পেতিএল অমসুং তেম্পোরেল দোমেনশিং য়েংশিনবা ঙম্মি অমসুং সেন্সিতিবিতী অমসুং এক্যুরেসী য়াম্না ৱাংবা ইন্ত্রুসিব রিমোৎ অমসুং রীএল তাইম মোনিতরিংগী পথাপ অমনি। মসিগা লোয়ননা স্পেতিএলগী মতুং ইন্না খায়দোক্লবা দেতাশিং অসি ক্লাউদ সর্বর অমদা পরিং নাইনা থম্বা য়াই অমসুং মসিদগী মালেমগী মফম অমদা লৈবা মীওই অমনা মসিগী দেশবোর্দতা লৈরিবা রীএল তাইম ইঙ্ক্রিপ্তেদ ওইবা ৱারোলশিং অসি শিজিন্নবা য়াগনি।

মসিগী পথাপ অসিনা লৈবাক অসিনা অৱাংবা থাক্কী তেক্নোলোজীদা মরোমদোম লেপচবা ঙম্নবা হোৎনরিবা অসিদা খুমাং চাউশিলহনবা ঙমগনি অমসুং লৈবাক্কী হকশেল অমসুং শেন্মিৎলোনগী থবক থৌরম কয়াদা তেংবাংবা ঙমগনি।

 [অকুপ্পা মরোলগীদমক প্রোফঃ রাও তাতাবর্তি (rtatavarti[at]gmail[dot]com ; +৯১ ৯৪৯০৭৬০৬৫৮) দা পাউ ফাওবিয়ু]

*****