কম্যুনিকেসন অমসুং ইনফোর্মেসন তেক্নোলোজী মন্ত্রালয়
প্রধান মন্ত্রী শ্রী নরেন্দ্র মোদীনা অগস্ত ১০, নিংথৌকাবা নুমিত্তা অন্দমান অমুং নিকোবর ইথৎ(এ. অমসুং এন.আই.) কী ওইনা সবমেরিন কেবল কন্নেক্তিবিতী শঙ্গারগনি
অন্দমান অমুং নিকোবর ইথৎকী ওইনা হাই-স্পীদ ব্রোদবেন্দ কনেক্তিবিতী
চেন্নই-পোর্ত ব্লেয়র অমসুং ইথৎ ৭কী মরক্তা কি.মি.২৩০০ রোম শাংবা শমুদ্রগী মনুংদা তিংবা কেবল
ই-গবর্নেন্স. তুরিজম অমসুং ইনফোর্মেসন তক্নোলোজীদা চাওনা ফগৎহনবা
Posted On:
07 AUG 2020 7:29PM by PIB Imphal
প্রধান মন্ত্রী শ্রী নরেন্দ্র মোদীনা ওগস্ত ১০, ২০২০দা ভিদিও কনফরেন্সকী থোংদা চেন্নাই অমসুং পোর্ত ব্লেয়র শমজিন্নবা সবমেরিন ওপ্তিকেল ফাইবর কেবল(ও.এফ.সি.) শঙ্গাদুনা লৈবাক অসিদা কত্থোক্লগনি। সবমেরিন কেবল অসি পোর্ত ব্লেয়র অসিদগী স্বরাজ দ্বীপ(হেভলোক), লিত্তল অন্দমান, কোর নিকোবর, কামোর্তা, গ্রেত নিকোবর, অশাংবা ইথৎ অমসুং রঙ্গৎকসু শম্নগনি। মসিগী কনেক্তিবিতী অসিনা অতোপ্পা ভারতকী শরুকশিংগা অন্দমান অমসুং নিকোবর ইথৎকা হেন্না য়াংবা অমসুং হেন্না থাজনিংঙাই ওইবা মোবাইল অমসুং লেন্দলাইন তেলকোম সর্ভিসশিং অসি য়ৌবা ঙমহল্লগনি। প্রোজেক অসিগী উরেপ-উয়ুং অসি প্রধান মন্ত্রীনা পোর্ত ব্লেয়রদা দিসেম্বর ৩০, ২০১৮তা য়ুংখি।
অমুক্তং হেক শঙ্গাখিবগা, সবমেরিন ও.এফ.সি. লিঙ্ক অসি চেন্নই অমসুং পোর্ত ব্লেয়রগী মরক্তা সেকেন্দ খুদিংদা গিগাৱাত্ত ২ x ২০০(জি.বি.পি.এস.) অমসুং পোর্ত ব্লেয়র অমসুং অতোপ্পা দ্বীপশিংগী মরক্তা সেকেন্দ খুদিংদা গিগাৱাত্ত ২ x ১০০(জি.বি.পি.এস.)গী বেন্দৱাইথ ফংহনগনি। দ্বীপশিং অসিদা থাজনিংঙাই ওইবা, অকনবা অমসুং কোংজেল য়াংবা তেলকোম অমসুং ব্রোদবেন্দগী খুদোংচাবশিংগী থৌরাংশিং অসিনা কঞ্জুমরশিংগী মীৎয়েংগা লোয়ননা লাল্লোং অমসুং লৈঙাক্কী ওইবা মরমশিংদগী পুৱারীগী ওইবা মওংদা মায় পাক্লগনি। সেতলাইত্তগী ফংহন্দুনা অকক্নবা বেকহোল বেন্ৱাইথকী মরম্না অথিংবা লৈখিবা ৪ জি. মোবাইলগী সর্ভিসশিং অসিদা চাওনা শেমদোকপা অমা উবা ফংলগনি। তেলকোম অমসুং ব্রোদবেন্দ কনেক্তিবিতী অসিনা ইথৎ অসিদা তুরিজম অমসুং থবক পুথোরকপা হেনগৎহন্দুনা শেন্মিৎলোন অসি ফগৎহন্দুনা হেন্না অফবা পুন্সিগী তাক ওইহল্লগনি। অফবা কনেক্সিবিতী অসিনা তেলিমেদিসিন অমসুং তেলি এদজুকেসনগুম্বা ই-গবর্নেন্সকী সর্ভিসশিংসু ফংহল্লগনি। ইন্তর্প্রাইজ মচাশিংনা ই-কম্মর্সতা কান্নবা ফংগনি অদুগা এদজুকেস্নেল ইন্সতিত্যুসনশিংনা ই-লর্নিং অমসুং নোলেজ সেয়রিং তৌবা হেনগৎহনবদা শিজিন্নগনি। লল্লোন-ইতিক তৌবগী থবক-থৌওং চত্থবগী আউতসোর্সিং সর্ভিসশিং অমসুং অতোপ্পা ময়ায় ওইবা অমসুং অচৌবা ইন্তর্প্রাইজশিংনা হেন্না অফবা কনেক্তিবিতীগী কান্নবা ফংলগনি।
প্রোজেক অসি ভারত সরকারনা ই-পাওগী মন্ত্রালয়গী তেলিকম্ম্যুনিকেসন বিভাগকী মখাদা য়ুনিভর্সেল সর্ভিস ওব্লিগেসন ফন্দ(য়ু.এস.ও.এফ.)তগী ফন্দ পীবনি। ভারত সংচার নিগম লিমিতেদ(বি.এস.এন.এল.)না মসিগী প্রোজেক অসি থবক পাংথোকহনগনি অদুগা তেলিকম্ম্যুনিকেসন্স কন্সল্তেন্তস ইন্দিয়া লিমিতেদ(তি.সি.আই.এল.) অসি কেক্নিকেল কন্সল্তেন্তশিংনি। কি.মি. ২৩০০রোম সাংবা সবমেরিন ও.এফ.সি. কেবল অসি লুপা কোতী ১২২৪ চংনা তিংখিবনি অমসুং মসিগী প্রোজেক অসি মতম চানা লোইশিনবা ঙমখ্রে।
*****
(Release ID: 1644297)
Visitor Counter : 88