ইন্দিয়ান মেতিওরোলোজিকেল দিপার্তমেন্ত(আই এম দি)না হৌখিবা চয়োল অমগী মরুওইবা শক্তমশিং অমসুং মথং চয়োল অনিদা ওইরকপা য়াবা নোং-চিংগী ফিবমশিং ভিদিও কেপসুল অমা  ওইনা শগোলশেল খুদিংগী(নুমিদাং) লাউথোক্নবা অনৌবা থৌরাং অমা পায়খৎলে। মসি আই.এম.দিগী শক্নাইরবা সাইনতিস্তশিংনা লাউথোক্কনি। অতেনবা ভিদিও অসি হিন্দি অমসুং ইংলিস অনিমক্তা শন্দোক্কনি। মসিদা হৌখিবা চয়োল অমদা লৈখিবা মরুওইবা ফিবমশিং অমসুং মথং চয়োল অনিদা ওইরকপা য়াবা নোং-চিংগী ফিবমশিং খঙহনগনি।

মসি মীওইবগী তোঙান-তোঙানবা থবকশিং, মীয়ামগী থবকশিং, লৌউ-শিংউগী থবকশিং অমসুং হায়দ্রোলোজিকেলগী থবকশিংদা য়াম্না কান্নগনি। মথং চয়োল অনিদা লৈবাক অসিগী তোঙান-তোঙানবা মফমশিংদা ওইরকপা য়াবা নোং-চিংগী ফিবমশিং আই.এম.দিনা মাংজৌননা লাউথোকপা অসিনা লৌউ-শিংউগী থবকশিং পায়খৎপা অমসুং ঈশিং ইচাউ, লৈবাক নিংখাইবা, অখাক-অরাও অমসুং ব্রাজ তাবদগী ঙাকথোক্নবা থৌরাং তৌবদা মতেং পাংগনি।

হায়রিবা চয়োলগী ভিদিওশিং অসি য়ু তুবতা ফংগনি , অদোম্না আই.এম.দিগী ৱেৱসাইত (https://mausam.imd.gov.in/) দা চঙবীয়ু। চয়োলগী ভিদিও অসিগী মথক্তা, আই.এম.দিনা হৌজিক ওইরিবা নোং-চিংগী ফিবমশিং অমসুং মথং নুমিৎ ৫দা ওইরকপা য়াবা ফিবমশিং নুমিৎ খুদিংগী ৱেদর ভিদিওশিং থাগৎলি।

হায়রিবা নুমিৎ খুদিংগী অমসুং চয়োলগী ভিদিওশিং অসিদা আই.এম.দিনা লেপ্তনা য়েংশিল্লি অমসুং নোং-চিংগী ফিবম মাংজৌন্না লাউথোক্লি অমসুং কোবিদ-১৯ লাইচৎ মনুংদা খ্বাইদগী নৌবা খুৎলায়শিং অমসুং তেক্নোলোজিশিং শীজিন্নদুনা মসিনা মীয়ামদা নোং-চিংগী পাউ খঙহনবগী থবক ফগৎহল্লে।

লিঙ্কশিং :

নুমিৎ খুদিংগী : https://mausam.imd.gov.in/imd_latest/weather_video/video.php

চয়োলগী : https://www.youtube.com/channel/UC_qxTReoq07UVARm87CuyQw

**********