রিজনেল আওতরিচ ব্যুরো, পত্নানা জুলাই ২৮, ২০২০দা “এক ভারত শ্রেশ্থ ভারত-বিহার অমসুং মিজোরাম”গী থীমদা ৱেবিনার অমা পাংথোকখ্রে। থৌরম অসি আর.ও.বি. অমসুং পি.আই.বি. পত্নাগী গী দিরেক্তর জেনরেল শ্রী শৈলেশ কুমার মালবিয়ানা ময়াই তাংবল লৌখি অমসুং দিরেক্তর শ্রী বিজয় কুমারনা ময়াই তাংবল লৌমিন্নখিবা ওই।  সারনগী দিবিজনেল কম্মিস্নর শ্রী রোবর্ত এল. চোংথুনা ৱেবিনার অদুগী অথোইবা মীথুংলেন ওইখি। এতৈ মীথুংলেন ওইনা ৱা ঙাংখিবশিং অদুদি নেহরু য়ুব কেন্দ্র সঙ্গথন, গুৱাহতীগী স্তেত দিরেক্তর শ্রী সায়েদ অলী;  মিজোরাম, আইজোল, কে.ভি.গী প্রিন্সিপল মুহম্মদ রশিদ, পব্লিক রিলেসন্স বিভাগ, মিজোরামগী পি.আর.ও. শ্রী প্রতাপ ছেত্রী অমসুং পুর্বোদয়গী ইদিতর শ্রী রবি শঙ্করনা ৱেবিনার অদুদা শরুক য়াখি।

থৌরম অসি আর.ও.বি. অমসুং পি.আই.বি. পত্নাগী গী দিরেক্তর জেনরেল শ্রী শৈলেশ কুমার মালবিয়ানা ময়াই তাংবল লৌখি। মহাক্কী ৱা ঙাংবা অদুদা এক ভারত শ্রেশ্থ ভারত অসি প্রধান মন্ত্রী শ্রী নরেন্দ্র মৌদীনা য়োৎকী মী সর্দার পতেলগী ১৪০শুবা মপোক কুমওনগী থৌরমদা লাওথোকখিবনি হায়না ফোংদোকখি। মসিগী কেম্পেন অসিনা রাজ্যশিং অমসুং য়ুনিয়ন তেরিতোরীশিংগী মরক্তা ৱারী-ৱাতাই শান্নদুনা লৈবাক অসিগী অপুনবা শক্তমা ওইহনবগী ৱাখল্লোন অসি ফগৎহন্নবা পান্দম থম্মি। কেম্পেন অসিগী মখাদা তোঙান-তোঙানবা রাজ্য অনি বিহার অমসুং মিজোরাম্না পুংবা শেমদুনা পুন্না খুৎশম্নহনখি হায়না মহাক্না মখা তানা হায়খি। হায়রিবা রাজ্য অনিসিনা অমনা অমগা খংনগী খুদোংচাবা অমসুং পারী-পুরীগী ওইবা চৎনবী, কস্তমশিং, চিঞ্জাক, ফি-রোলনচিংবগী মতাংদা খংনখি।

শ্রী চোংথুনা মহাক্কী ৱা ঙাংবদা এক ভারত শ্রেশ্থ ভারতকুম্বা কেম্পেন অসিনা অৱাং-নোংপোক রাজ্যশিংনা পামজরম্বশিং অদু পাংথোকপা ঙমহল্লগনি হায়না ফোংদোকখি। অতোপ্পা রাজ্যশিংগী ত্রাইবেল খুন্নাই অমা ওইরিবা  মিজোরামগী চৎনবি অমসুং পুন্সিগী মওং-মতৌ অসি মীশিংগা অকক্নবা মওংদা ই-পাও ফাওনৈ হায়না মহাক্না হায়খি।  কেম্পেন অসিদগী মিজোরামগী মীশিংনা বিহারগী চৎনবীশিং অমসুং খুঞ্জাও-লৈচাওবগী মরমদা ৱারী-ৱাতাই শাবা ঙমহল্লগনি অদুগা নাকল অমরোমদনা বিহারগী মীশিংনা মিজোরামগী চৎনবীশিং, ত্রাইবশিং, কস্তমশিংনচিংবশিংগী মরমদা ৱারী-ৱাতাই শাবা ঙমহল্লগনি।  এক ভারত শ্রেশ্থ ভারত  অসি চৎনবীশিং পীথোক-পীশিংন তৌনমবগী খ্বাইদগী ফবা কেম্পেন অমনি।

শ্রী রসিদ অলীনা ৱেবিনার অদুদা মহাক্কী ৱাফম ফোংদোকপদা মহাক্কী ওর্গনাইজেসন অসিনা এক ভারত শ্রেশ্থ ভারত অসি মংফাওনহন্নবা লৈবাক শন-থুংনা ভর্চুএল ওইবা থৌরমশিং পাংথোক্কনি হায়না ফোংদোকখি। মিজোরামগী খুন্নাই অসি কাংলুপ নাইবা অমদি অনেম-অৱাং খাইদে হায়নসুং মহাক্না ফোংদোকখি। মীশিংনা চপ চানা চর্চকী লমজিং-লমতাকশিং অমসুং খুন্নাইনা শেম্বা  লমজিং-লমতাকশিং ঙাক্না চৎলি। খুদম ওইনা, কনাগুম্বা অমনা লোকদাউনগী মনুংদা মপান্দা চত্থোকপা মতমদা পুলিশ নত্রগা রাজ্যগী থৌ পাংলিবশিংগী মহুত্তা সিভিল সৌসাইতীশিংনা অসিগুম্বা মীশিং অসি য়ুমদগী মপান্দা থোকহল্লোই অদুগা লোকদাউনগী চৎনবী অদু মপুং ফানা ঙাক্না চৎলহনগনি হায়না মহাক্না হায়খি। মিজোরামগী মীশিং অসি য়াম্না পুকচেল শেংবা অমসুং থকশি-খাশি নাইনা চৎপা পুন্সি ওইনা হিংই হায়না মহাক্না ফোংদোকখি। মিজোরামদা থাংজা খুদিংগী মীশিংনা ময়ুমদগী মপান্দা চত্থোকই অমসুং মীয়াম তিনবা মফমশিং লু-নান্না শেংদোকপা তমজনিংঙাইনি। নেহরু য়ুব কেন্দ্রদগী মীশিং অসি মখোয়গী রাজ্যশিংদগী অতোপ্পা রাজ্যশিংদা নুমিৎ ১৫নিগী ওইনা অতোপ্পা রাজ্যশিংগী পুন্সি মহিং, চৎনবি, চিঞ্জাক্নচিংবগী মতাংদা খংনবা অমদি মশাগী মরমদা মদু পাংথোকপা ঙমহন্নবা থাই হায়না মহাক্না হায়খি।

শ্রী রবিনা মিজৌরাম অসি য়াম্না ফবা অমসুং পুকচেল শেংবা রাজ্যনি হায়না হায়খি। মিজৌরাম অসি মখোয়গী য়োন্নবা পোৎশিং য়োন্নবগীদমক্তা মনাক্তা ফমদুনা লৈত্রগসু শেল ফংননবা মখোয়গী পোৎশিং অদু অদুম্মক য়োনবা অমত্তা ঙাইরবা রাজ্যনি হায়না মহাক্না হায়খি।  অসিগুম্না পুকচেল শেংবা অসি অতোপ্পা রাজ্যশিংদা তাংনা উবা ফংগনি হা.না মহাক্না হায়খি। মিজোরাদমদা মীখলগী রেল্লী চ মতমদা শেল অমসুং নম্ফু-শাফু শিজিন্নদে হায়না মহাক্না হায়খি। মিজোগী মীশিংগী ওইবা সিভিল সোসাইতীগী ফোরম অমনা মীখলশিং লেপ্পা কেন্দিদেৎশিংগীদমক্তা শেল য়াম্না চংহন্দনা রেল্লী পাংথোকহল্লি। মিজৌরাম অমসুং বিহারগা মান্নবা মওংশিংদি রাজ্য অনিমকসি য়াম্না হোৎনবা কল্লি অমসুং পুকচেল শেংই। কনাগুম্বা মীওই অমনা হিন্দী অমসুং ইংলিশ নত্তবা অতোপ্পা রাজ্য অমগী লোন খংলবা অমদি শিজিন্নরবদি প্রধান মন্ত্রীগী এক ভারত শ্রেশ্থ ভারতকী পান্দম অসি মপুং ফাহনবা ঙমগনি হায়না মহাক্না ফোংদোকখি। মীশিং অমসুং মখোয়গী হিংবগী মওং অসি খংননবা ঐখোয়না মিজৌরামদা অমুক্তং ওইরবসু চৎকদবনি হায়না শ্রী রবিনা হায়খি।

কেন্দ্রীয় বিদ্যালয়, মিজৌরাম, আইজোলগী প্রিন্সিপল শ্রী মুহম্মদ রসিদনা ৱেবিনারদা মহাক্কী ৱাফম থমখিবা মতমদা কেন্দ্রীয় বিদ্যলয় অসি এক ভারত শ্রেশ্থ ভারতকী মংলান অসি মংফাওনহন্নবা খ্বাইদগী অফবা খুদম অমনি হায়না হায়খি। কেন্দ্রীয় বিদ্যলয়দা লৈবাক অসিগী তোঙান-তোঙানবা রাজ্যশিংদগী অঙাংশি পুন্না মহৈ তম্মিন্নৈ অদুগা তোঙান-তোঙানবা রাজ্যশিংদগী লাকপা ওজাশিংনা য়ুখল অমগী মখাদা পুন্না থবক তৌমিন্নদুনা অসি এক ভারত শ্রেশ্থ ভারতকী ৱাখল্লোন অসি উবা ফংহল্লি। অতোপ্পা রাজ্যশিংনা মিজোরামদগী তম্নিংঙাই য়াম্না লৈ হায়না শ্রী রসিদনা হায়খি।

শ্রী প্রতাপ ছেত্রীনা ৱেবিনার অদুদা য়াওখিবা মীশিং অদু পনখি অমসুং অসি এক ভারত শ্রেশ্থ ভারতকী মতাংদা মহাক্কী বিভাগকী মায়কৈদগী তৌখিবা থবকশিং পুথোক্তুনা খংহনখি। মিজোরামগী মীশিং অসি পুকচেল শেংবা অমদি থকশি-খাশি নাই হায়রদুনা খুদম ওইনা মিজোরামগী মীশিংনা লম্বিদা হোর্ন খোংদে হায়রদুনা মিজোরামগী তোপ-তোপ্পা মতিক-ময়াইশিং পুথোক্তুনা মীখলগী মতমদা পার্তী পুম্নমক্কী মীশিংনা তোখায়-তোখায়না কেম্পেন তৌদে অদুবু মীশিংগী ফোরম্না মশামক্না ফোরম অমা শেমদুনা মাগী-মাগী ৱাখল্লোনশিং অদু ময়ামগী মমাংদা থমহন্নবা পার্তী পুম্নমক্কী মীহুৎশিং কৌদুনা মীখলদা শেল তিংগদবা অদু হন্থহল্লি হায়না মহাক্না হায়খি। মসি য়াম্না শিংথানিংঙাই ওইবা অমসুং অতৈ রাজ্যশিংনা মতুং ইন্না পাংথোক্নিংঙাই অমা ওই। 

থৌরম অসি ফীল্দ আওতরিচ ব্যুরো, সিতামরীগী ফীল্দ পব্লিসিতী ওফিসর শ্রী জাবেদ অখতর অন্সারী অমসুং ফীল্দ আওতরিচ ব্যুরো, ছপ্রাগী ফীল্দ পব্লিসিতী ওফিসর শ্রী পৱন কুমারনা পুন্না খুৎশম্ননা পাংথোকমিন্নখি।

*****
 

(Release ID: 1642815) Visitor Counter : 146