লৌউ-শিংউ মন্ত্রালয়
রাজস্থান গুজরাত অমসুং হরিয়ানাগী জিলা ১১গী মফম ৩৭তা জুলাই ৩০-৩১, ২০২০গী অহিংদা লোকস্ত কন্ত্রোল ওপরেসনশিং চত্থখ্রে
জুলাই ৩০, ২০২০ ফাওবদা রাজ্য ১০গী লম হেক্তর ৪.৫৬ হেনবদা কন্ত্রোল ওপরেসনশিং চত্থখ্রে
Posted On:
31 JUL 2020 5:50PM by PIB Imphal
জুলাই ৩০-৩১, ২০২০গী লোন্নবা অহিংদা রাজস্থানগী জিলা ৯ মদুদি জেসলমর, বার্মর, জোধপুর, বিকানের, চুরু, নাগোর, হনুমানগর, জলোর অমসুং সিরোহি হায়রিবশিংগী মফম ৩৪ অমসুং গুজরাতকী কুৎচ জিলাগী মফম ২দা এল.সি.ও.শিংনা শঙ্গু ওইনা শান্না পাইরকপশিং অমসুং হোপরশিংগী মা্য়োক্তা কন্ত্রোল ওপরেসনশিং চত্থখি। মসিগী মথক্তা হরিয়ানা রাজ্যগী লৌউ-শিংউ বিভাগনসু ভিৱানি জিলাগী মফম ১দা মশিং য়ামদবা অমদি চাইথোক্লগা লৈবা কৌজেংশিংদা জুলাই ৩০-৩১, ২০২০গী লোন্নবা অহিংদা কন্ত্রোল ওপরেসনশিং চত্থখি।
এপ্রিল ১১, ২০২০দগী হৌদুনা জুলাই ৩১, ২০২০ ফাওবা লোকস্ত সর্কল ওফিসরশিং (এল.সি.ও.শিং)না রাজস্থান, মধ্য প্রদেশ, পঞ্জাব, গুজরাত, উত্তর প্রদেশ অমসুং হরিয়ানা স্তেৎশিং অসিগী লম হেক্তর ২,২৬,৯৭৯দা লোকস্ত কন্ত্রোল ওপরেসন চত্থখ্রে। জুলাই ৩১, ২০২০ ফাওবদা রাজস্থান, মধ্য প্রদেশ, পঞ্জাব, গুজরাত, উত্তর প্রদে, মহারাস্ত্র, ছত্তিসগর, হরিয়ানা, উত্তরাখন্দ অমসুং বিহার রাজ্যশিংগী রাজ্য সরকারনা লম হেক্তর ২,২৯,৫৮২দা লোকস্ত কন্ত্রোল ওপরেসন চত্থখ্রে।
হৌজিক্কী ওইনা রাজস্থান অমসুং গুজরাত রাজ্যশিংদা স্প্রে য়াওবা গারিগা লোয়ননা কন্ত্রোল তীম ১০৪ মথৌ তৌরি অমসুং কেন্দ্র সরকারগী পর্সনেল ২০০ হেন্না লোকস্ত কন্ত্রোল ওপরেসনশিংদা শীজিন্নরি। মখা তানা, রাজস্থানগী বার্মর, জেসলমের, বিকানের, নাগোর অমসুং ফালোদিদা লৈবা অৱাংবা উ-পাম্বীশিং অমসুং মী চংবদা খুদোংচাদবা মফমশিংদা তিলহীদাকশিং কাপথোক্তুনা কৌজেং মপুং ফানা লাকশিন্নবা দ্রোন ১৫গা লোয়ননা কম্পনি ৫ থাজিনখ্রে। মথৌ তাবগী মতুং ইন্না রাজস্থানগী সেদ্যুল দেজর্ত এরিয়াদা বেল হেলিকোপ্তর শীজিন্নরি। ইন্দিয়ন এয়র ফোর্সনসু এম.আই.-১৭ হেলিকোপ্তর শীজিন্নদুনা এন্তি-লোকস্ত ওপরেসনশিংদা মতেং পাংলি।।
গুজরাত, উত্তর প্রদেশ, মধ্য প্রদেশ, মহারাস্ত্র, ছত্তিসগর, বিহার অমসুং হরিয়ানাদা মহৈ মরোং থোইদোক্না অমাং অতা থোকপগী পাউ লৈতে। অদুম ওইনমক রাজস্থানগী জিলা খরদা মহৈ-মরোং খরা অমাং অতা থোকপগী পাউ লাক্লি।
ঙসি (৩১.০৭.২০২০)দা রাজস্থানগী জেসলমর, বার্মর, জোধপুর, বিকানের, চুরু, নাগোর, হনুমানগর, জলোর অমসুং সিরোহিগী জিলাশিংদা, হরিয়ানাগী ভিৱানি জিলাদা অমসুং গুজরাতকী কুৎচ জিলাদা মপুং ফাদ্রিবা লৈ মচুগী কৌজেং অমসুং মপুং ফারবা হঙ্গাম মপালগী কৌজেং/ হোপরশিং লৈবা উখি।
- রাজস্থানগী জোধপুর ফালোদিগী সবরিজ তেহসিলদা হোপরশিং শীবা
- গুজরাতকী কুৎচকী গুনের তেহসিলদা হোপরশিং শীবা
- রাজস্থানগী হনুমানগরগী নোহার তেহসিলগী গুদিয়াদা এল.দবল্যু.ও. ওপরেসন চত্থবা
- জোধপুরগী তিনৱারিগী জিলো তেহসিলদা দ্রোন অমনা মথৌ তৌবা
- বার্মর সেদ্বা তেহসিলগীরামপুরাদা হোপরশিং শীবা
ফুদ এন্দ এগ্রিকলচর ওর্গনাইজেসনগী ২১.০৭.২০২০গী লোকস্ত স্তেতস অপদেৎকী মতুং ইন্না, লাক্লিবা চয়োল খরা অসিদা হোর্ন ওফ এফজরিকাদগী শঙ্গু হেন্না পাইশিল্লকপগী খুদোংথিবা লৈ হায়না উৎলি। সোমালিয়দা, শানা পাইবা শঙ্গুশিং অসিনা অৱাং লান্না নোংপোক থংবা মায়কৈদা পাইরি অমসুং থা অসিগী অরোইবা শরুক্তা ইন্দিয়ন ওসিন লান্থোক্তুনা অককনবা মশিংগী কৌজিংগী শঙ্গুশিংনা ইন্দো-পাকিস্তান ঙমখৈগী মফমশিংনা মাইগ্রেৎ তৌরবা য়াই।
খা-নোংচুপ এসিয়াগী লৈবাকশিংগী (অফঘানিস্তান, ভারত, ইরান অমসুং পাকিস্তান) দেজর্ত লোকস্তকী চয়োলগী ওইবা ভর্চ্যুল মীফম এফ.এ.ও.না শীল্লি। হৌজিক ফাওবদা খা-নোংচুপ এসিয়াগী লৈবাকশিংগী ভর্চ্যুল মীফম ১৫ পাঙথোকখ্রে।
*********
(Release ID: 1642736)
Visitor Counter : 150