মালেমদা খ্বাইদগী চাউবা লম্লক্তা লৈবা শাশিং কেমেরা নম্দুনা থিজিনবগী থবক ওইনা লৈবাক অসিনা মসিগী লম্লক্তা লৈবা কৈ য়েংশিনবগী পায়খৎলিবা থবকশিং গিনেস ৱার্ল্দ রেকোর্দনা শকখঙবা উৎলকপা অসি মালেমগী কৈগী নুমিৎ ২০২০ মাংওইন্না য়ুনিয়ন এনবাইরনমেন্ত মিনিস্তর প্রকাস জাবারেকারনা ভারতকী মীয়ামদা কৎথোক্লগনি।

থৌরম অদু নই দিল্লীগী নেস্নেল মেদিয়া সেন্তরদা পাংথোক্কনি অমসুং জুলাই ২৮গী অয়ুক পুং ১১দা https://youtu.be/526Dn0T9P3E দা লাইব স্ত্রিম তৌগনি। থৌরম অদুদা লৈবাক শীনবা থুংনা মীওই ৫০০ রোম শরুক য়ারবা য়ারী।

কৈ কন্নবা সেন্ত পেতর্সবর্গ দিক্লারেসন খুৎয়েক পীন্দুনা ২০২২ ফাওবদা মখোয়গী কৈ লৈবা মফমশিংদা কৈ মশিং শরুক অনি হেনগৎহন্নবা কৈ লৈবা লৈবাকশিংগী লুচিংবশিংনা রুসিয়াগী সেন্ত পেতর্সবর্গতা ৱারেপ লৌখি। হায়রিবা মীফম অদুদা জুলাই ২৯ অসি মালেমগী কৈগী নুমিৎ হায়না মালেম শীনবা থুংনা পাংথোকপা হায়না ৱারেপ লৌখি, মদুদগী কৈ কন্নবা মীয়ামদা ৱাখল তাহন্নবা পাক-শন্না থৌরম পাংথোক্তুনা লাক্লি।

২০১০দা কৈ কন্নবা রসিয়াগী সেন্ত পেতর্সবর্গতা লাউথোকখিবা মতুংইন্না ২০২২দা পান্দম থমখিবা অদুদগী চহি মরি ঙনখৎনা লৈবাক অসিনা কৈ মশিং শরুক অনি হেনগৎহন্নবা লৌখবা ৱারেপ ভারতনা থবক ওইনা পাংথোক্লে হায়না মমাং চহিদা প্রধান মন্ত্রী নরেন্দ্র মোদীনা লাউথোকখ্রে। হৌজিক ভারত্তা মালেমগী অপুনবগী কৈগী মশিংগী চাদা ৭০ লৈরে।

এনবাইরনমেন্ত মিনিস্তরনা অনৌবা ৱেবসাইত অমা হাংদোক্লবা য়ারি অমসুং নেস্নেল তাইগর কঞ্জার্বেসন ওথোরিতীগী আউতরিচ জর্নেলসু ফোংগনি । থৌরম অসি লাইব ওইনা মখাগী লিঙ্ক অসিদা য়েংবা য়াগনি : https://youtu.be/526Dn0T9P3E .

*****