ভারত সরকারগী সাইন্স অমসুং তেক্নোলোজী বিভাগকী মোহালিদা লৈবা ইন্সতিত্যুৎ ওফ নেনো সাইন্স এন্দ তেক্নোলোজী ( আই.এন.এস.তি.)গী সাইন্তিস্তশিংনা চিতোসান শিজিন্নদুনা নেনোপার্তিকল শেমখ্রে অমসুং মসিদা জিঙ্ক গ্লুকোনেৎ হাপচিন্দুনা রহ্যুমেতোইদ আর্থ্রাইতিসকী মতিক হন্থহন্নবা থৌওং পাংথোকখ্রে।

জিঙ্ক ইলিমেন্ত অসি  শরুগী মহৌশাগী ওইবা হোমিওস্তেসিস ঙাক্তুনা থম্বদা শিজিন্নৈ অমসুং মসিগী থাক অসি রহ্যুমেতোইদ আর্থ্রাইতিস লৈবা অনাবশিং রহ্যুমেতোইদ ওইবা শাশিংদা হন্থৈ হায়বা খংলে। মীওইবশিংদা জিঙ্ক গ্লুকোনেৎকী মওংদা অহেনবা জিঙ্ককী চাংবু চিনবালগী থোংদা থাজিনবদা য়াম্না নেম্বা বাইওএবেবিলিতী ওই।

ক্রস্তেসিয়ানশিংগী একজোস্কেলেতেন্দা মরাং কায়না ফংবা বাইওপোলীমর ওইবা বাইওকম্পেতিবল, বাইওদিগ্রেদেবল নেচরেল পোলিসেচেরাইদ ওইবা চিতোসান অসিনা এবজোর্পসনা থোকহনবা ঙম্বগী মতিক উৎলি। আই.এন.এস.তি.গী কাংবুনা চিতোসান খল্লিবসি মসিগী বাইওদিগ্রেদেবল, বাইওকম্পেতিবল, নন-তোক্সিক অমসুং ম্যুকোএধেসিব ওইবা মগুন অসিগীনি। ‘মেগ্নেজিয়ম রিসর্চ’ জর্নেলদা হান্না ফোংখিবা রিপোর্ত অমদা উচিশিংদা ইন্ত্রাপেরিতোনেল কাপশিনবা মতমদা জিঙ্ক ওক্সাইদকী মহৌশাগী ওইবা ফিভমদা সীরমগী থাক খরা হেনগৎপগী মওং উবা ফংই তৌবতবু নেনো ফোর্মদা থাজিনবা মতমদদি সীরম জিঙ্ককী থাক অসি মশক থোক্না হেনগত্তুনা জিঙ্ককী বাইওএবেলিবিলিতীশু হেনগৎহল্লি হায়না ইখিবা লৈরে। মসিনা আই.এন.এস.তি.গী কাংবুশিংবু জিঙ্ক গ্লুকোনেৎকী নেনোফোর্ম্যুলেসন অমা পুথোকপগী ইথিল পীখি।

মতম খরগী মমাংদা তোঙান তোঙানবা হিদাক ওইনা শিজিন্নবদা কান্নগদবা ফার্মাকোলোজিকেল এজেন্ত য়াওবা চিতোসান নেনোপার্তিকল শেম্নবা আইওনিক জেলেসন মেথদ পাক শন্না শিজিন্নরম্মি। দাঃ রেহান খান্না লুচিংবা দি.এস.তি. সাইন্স এন্দ ইঞ্জিন্যারিং রিসর্চ বোর্দ (এস.ই.আর.বি.) অমসুং দি.এস.তি.-নেনোইমিসন সপোর্তেদ স্তদী অমসুং এ.সি.এস. বাইওমেতরিএল সাইন্স এন্দ ইঞ্জিন্যারিংগী জর্নেলদা ফোংখিবা অদুনা জিঙ্ক গ্লুকোনেৎকী ফ্রী ফোর্মদা জিঙ্ক গ্লুকোনেৎ হাপ্লবা চিতোসান নেনোপার্তিকলনা তাল্লিবা পান্দম হেন্না মতিক চানা ফংহনবা ঙম্বগী মতাংদা নৈনখ্রবনি।

কাংবু অসিনা অনিরক থোক্না দিস্তিল তৌরবা ঈশিংদা চিতোসান অমসুং সোদিয়ম ত্রাইপোলীফোস্ফেৎ শিজিন্নদুনা জিঙ্ক গ্লুকোনেৎ হাপ্লবা চিতোসান নেনোপার্তিকল শেমখি অমসুং চিতোসান নেনোপার্তিকলনা তুমশিল্লকপা মতমদা জিঙ্ক গ্লুকোনেৎ অসি হাপ্পনি। নেনোপার্তিকলশিং অসি মসিগী তোঙান তোঙানবা ফিসিকোকেমিকেল মগুনশিংগী নৈনখি অমসুং মথংদা কোলাজেন-আর্থ্রাইতিস লৈহল্লবা ৱিস্তার উচিশিংদা মসিগী এন্তি-আর্থ্রাইতিক ওইবা মগুনশিং অসি অমুক থিগৎখি। জিঙ্ক গ্লুকোনেৎ অমসুং জিঙ্ক গ্লুকোনেৎ হাপ্লবা চিতোসান নেনোপার্তিকল অনি শিজিন্নদুনা য়েংশিল্লিবা উচিশিংদা লু-তাং পোমখৎপা, ইরাইথেমা অমসুং ইদেমাগী শাথিবা মওংশিং অসি হন্থহল্লি খংখি তৌবতবু জিঙ্ক গ্লুকোনেৎ হাপ্লবা চিতোসান্না হেন্না মথৌ তৌবগী মওংশু উবা ফংখি। কাংবু অসিনা বাইওকেমিকেল এনালাইসীস, হিস্তোলোজিকেল ওবজর্বেসনশিং অমসুং ইনফ্লেম্মেতরী মার্করশিংগী ইম্ম্যুনোহিস্তোকেমিকেলগী মশক্নচিংবা হীরম কয়া য়েংশিনখি অমসুং জিঙ্ক গ্লুকোনেৎকী ফ্রী ফোর্মদগী জিঙ্ক-গ্লুকোনেৎ হাপ্লবা চিতোসান নেনোপার্তিকলশিংনা লায়েংবগী মতিক হেন্না লৈ হায়বা ৱাফম ফোংদোকখি। মসিগী মরমদি জিঙ্ক-গ্লুকোনেৎ হাপ্লবা চিতোসান নেনোপার্তিকলগী ইনফ্লেম্মেসনগী মগুনশিংননি হায়না মখোয়না হায়খি।

 “চৎনবি ওইরিবা ফার্মাস্যুতিকেল ফোর্ম্যুলেসন্না মতিক চানা লায়েংবা ঙমদবশিং অদু নেনোবাইওতেক্নোলোজীনা ঐখোয়না থেংনরিবা খুদোংচাদবশিংগী ৱারোইশিন পুরকপদা হেন্না কান্ননা থবক তৌই। খুদম ওইনা হায়রবদা লেপ্পা লৈতনা অমসুং পান্দম থমদুনা হিদাক থাদোকপা, হিদাক্কী বাইওএবেবিলিতী অমদি থবক তৌবা ঙম্বা হেনবগী মতিক অমসুং ন্যুত্রাস্যুতিকেলসনচিংবশিংনি। আই.এন.এস.তি., মোহালিদা জিঙ্ক-গ্লুকোনেৎ হাপ্লবা চিতোসান নেনোপার্তিকলশিংগী নেনোফোর্মেসন পুথোকপা অসিনা রহ্যুমেতোইদ আর্থ্রাইতিসকী থাক ৱাংবা লায়েংবগী অনৌবা থৌওং পুথোকপগী খুদম্নি”, দি.এস.তি.গী সেক্রেতরী প্রোফঃ অশুতোশ শর্মনা হায়খি।

 [চেফোং-

অন্সারি এম.এম. অহমদ এ., মিশ্রা আর.কে. রাজা, খান আর. জিঙ্ক গ্লুকোনেৎ হাপ্লবা চিতোসান নেনোপার্তিকলনা কোলাজেন আর্থ্রাইতিস লৈহল্লবা ৱিস্তার উচিশিংদা অরুবা হন্থহনবা। এ.সি.এস. বাইওমেতরীএল সাইন্স এন্দ ইঞ্জিন্যারিং/ মে ২৭, ২০২০; ৫(৭)-৩৩৮০-৩৩৯৭]

https://doi.org/10.1021/acsbiomaterials.9b00427

অকুপ্পা মরোলগীদমক্তা দাঃ রেহান খান (rehankhan@inst.ac.in,0172 – 2210075)]দা পাউ ফাওবিয়ু]

***