কেন্দ্রগী লৌউ-শিংউ অমসুং য়াইফ থৌরাং মন্ত্রী শ্রী নরেন্দ্রা সিংহ তোমারনা পীবা য়াথংগী মতুং ইন্না শঙ্গু-শঙ্গু পাইরকপা কৌজেংশিং লাকশিন্নবা থবক লেপ্তনা পায়খৎলি। এপ্রিল ১১, ২০২০দগী হৌদুনা জুলাই ৯, ২০২০ ফাওবা লোকস্ত সর্কল ওফিসরশিং (এল.সি.ও.শিং)না  রাজস্থান, মধ্য প্রদেশ, পঞ্জাব, গুজরাত, উত্তর প্রদেশ অমসুং হরিয়ানা স্তেৎশিং অসিগী লম হেক্তর ১,৫‌১,২৬৯দা লোকস্ত কন্ত্রোল ওপরেসন চত্থখ্রে। জুলাই ৯, ২০২০ ফাওবা রাজস্থান, মধ্য প্রদেশ, পঞ্জাব, গুজরাত, উত্তর প্রদে, মহারাস্ত্র, ছত্তিসগর, হরিয়ানা অমসুং বিহার স্তেৎশিংগী স্তেৎ সরকারনা লম হেক্তর ১,৩২,৬৬০দা লোকস্ত কন্ত্রোল ওপরেসনসু চত্থখ্রে।

জুল ৯-১০, ২০২০গী লোন্নবা অহিংদা রাজস্থানগী জিলা ৮ মদুদি বার্মর, জেসলমর, জোধপুর, বিকানের, চুরু, ঝুনঝুনু, সিকার, অমসুং করোলি হায়রিবশিংগী মফম ১৬তা, গুজরাতকী ভুজ জিলাগী মফম ২ অমসুং উত্তর প্রদেশকী ওরাইয়া অমসুং ইতাৱহ জিলাগী মফম অমমমদা এল.সি.ও.শিংনা কন্ত্রোল ওপরেসনশিং চত্থখি। মসিগী মথক্তা মশা-শাগী স্তেৎ লৌউ-শিংউ বিভাগশিংনা রাজস্থান জিলাগী অলৱার জিলাগী মফম ১; অমসুং উত্তর প্রদেশকী ওরাইবা অমসুং ইতাৱহ জিলাশিংগী মফম অমমমদা মশিং য়ামদবা অমদি চাইথোক্লগা লৈবা কৌজেংশিংদা জুলাই ৯-১০, ২০২০গী লোন্নবা অহিংদা কন্ত্রোল ওপরেসনশিং চত্থখি।

হৌজিক রাজস্থান, মধ্য প্রদেশ, গুজরাত অমসুং উ্তর প্রদেশকী স্তেৎশিংদা স্প্রে য়াওবা গারিগা লোয়ননা কন্ত্রোল তীম ৬০ মথৌ তৌরি অমসুং কেন্দ্র সরকারগী পর্সনেল ২০০ হেন্না লোকস্ত কন্ত্রোল ওপরেসনশিংদা শীজিন্নরি। মসিগী মথক্তা স্প্রেগী খুৎশু-খুৎলাই ২০ ঙসি ভারত্তা য়ৌরকখ্রে।

লাকশিনবগী চাং হেনগৎনবা, অএনবা গারি ৫৫ প্রোক্যুর্মেন্ত তৌনবা সপ্লাই ওর্দর থোকখ্রে অমসুং মসিগী মনুংদা ৩৩দি মমাংদা হান্না য়ৌরকখ্রে। লেমহৌরিবা গারি ২২সু হৌজিক য়ৌরক্লে।

মখা তানা, অৱাংবা উ-পাম্বীশিং অমসুং মী চংবদা খুদোংচাদবা মফমশিংদা তিলহীদাকশিং কাপথোক্তুনা কৌজেং লাকশিন্নবা রাজস্থানগী বার্মর, জেসলমের, বিকানের, নাগোর অমসুং ফালোদিদা দ্রোন ১৫গা লোয়ননা কম্পনি ৫ থাজিনখ্রে।

এন্তি-লোকস্ত ওপরেসনশিংগী নোংথক্তগী স্প্রে কাপথোকপগী চাং হেনগৎহনখ্রে। রাজস্থানগী সেদ্যুল্দ দেজর্ত এরিয়াদা মথৌ তাবগী মখা পোন্না বেল হেলিকোপ্তর অমা থাজিনখ্রে। বেল হেলিকোপ্তর শীজিন্নরগা এন্তি-লোকস্ত স্প্রে কাপথোকপগী নোংথক্তগী স্প্রে কাপথোকপগী ওপরেসনশিং জোধপুরগী ভোপালগর অমসুং শেখালাগী মফমশিংদা চত্থখ্রে। ইন্দিয়ন এয়র ফোর্সনসু এম.আই.-১৭ হেলিকোপ্তর অমা শীজিন্নদুনা এন্তি-লোকস্ত ওপরেসনশিংগী চাংয়েংশিং তৌখ্রে। ফলশিং অদু য়াম্না কান্নবা ওইখি।

রাজস্থানগী বার্মর, জেসলমর, জোধপুর, বিকানের, চুরু, ঝুনঝুনু, সিকার, অমসুং করোলি জিলাশিং, গুজরাতকী ভুজ জিলা অমসুং  উত্তর প্রদেশকী ওরাইয়া অমসুং ইতাৱহ জিলাগী মফমদা মপুং ফাদ্রিবা লৈ মচুগী কৌজেং অমসুং মপুং ফারবা হঙ্গাম মপালগী কৌজেংগী শঙ্গু পাইরকখি।

১. য়ু.পি.গী ইতাৱহগী গারা কসদগী খুঙ্গংদা এল.দবল্যু.ও. কন্ত্রোল ওপরেসন চত্থবা

২. রাজস্থানগী ঝুনঝুনুগী ইরাদুনু খঙ্গংদা শীখিবা কৌজেং

৩. য়ু.কে.দগী লাকপা অনৌবা মাইক্রোনেয়র স্প্রে ইক্বিপমেন্ত

৪. এল.দবল্যু.ও. কন্ত্রোলগী ওপরেসনশিংগী অনৌবা কন্ত্রোল গারি

৫. হরিয়ানাগী নারনুএলগী নিজামপুরদা লোকস্ত ওপরেসনদা ফাইয়র তেন্দর অমা

৬. য়ু.পি.গী ওরাইবাদা এন্তি-লোকস্ত নাইৎ ওপরেসন

গুজরাত, উত্তর প্রদেশ, মধ্য প্রদেশ, মহারাস্ত্র, ছত্তিসগর, বিহার অমসুং হরিয়ানাদা মহৈ মরোং থোইদোক্না অমাং অতা থোকপগী পাউ লৈতে। অদুম ওইনমক রাজস্থানগী জিলা খরদা মহৈ-মরোং খরা অমাং অতা থোকপগী পাউ লাক্লি।

ফুদ এন্দ এগ্রিকলচর ওর্গনাইজেসনগী ০৩.০৭.২০২০গী লোকস্ত স্তেতস অপদেৎকী মতুং ইন্না, কুমগী নোংজু লাক্ত্রিঙৈ মমাংদা য়াম্লবা য়েনিংথাদা মরুম কোকপা শঙ্গুশিংনা ইনদো-পাক ঙমখৈদা মাইগ্রেৎ তৌখ্রবশিংনা নোংপোক তম্না লাক্তুনা ভারতকী অৱাং থংবা স্তেৎশিং অমসুং কাংবু খরা নেপাল য়ৌখ্রে। মসিগী শঙ্গুশিং অসিনা কুমগী নোংজু লাকপগা লোয়ননা লাক্লিবা নুমিৎ খরা অসিদা ইরান অমসুং পাকিস্তানদগী লাক্কদৌরিবা অতোপ্পা শঙ্গুশিংগা পুন্না রাজস্থানদা হল্লকপা য়াই হায়না মাংজৌননা খঙবা ঙমখ্রে হায়রিবা অসি জুলাইগী ময়াই চল্লকপদা হোর্ন ওফ এফ্রিকাদগী শঙ্গুশিংনা লাক্তুনা য়াওশল্লবা য়াই হায়না পান্নরি। ইন্দো-পাকিস্তান ঙমখৈরোমদা ঙন্না মরুক কোকপা হৌখ্রে মসিদা মশিং য়াম্বা মরুম ওন্দুনা অমদি বেন্দশিং  জুলাইদা শেমদুনা ওগস্তকী ময়াই চল্লকপদা কলেনগী শঙ্গুশিংগী অহানবা চারোন শেমহল্লগনি।

খা-নোংচুপ এসিয়াগী লৈবাকশিংগী (অফঘানিস্তান, ভারত, ইরান অমসুং পাকিস্তান) দেজর্ত লোকস্তকী চয়োলগী ওইবা ভর্চ্যুল মীফম এফ.এ.ও.না শীল্লি। হৌজিক ফাওবদা খা-নোংচুপ এসিয়াগী লৈবাকশিংগী ভর্চ্যুল মীফম ১৫ পাঙথোকখ্রে।

*****