নীতি আয়োগ অমসুং ও.ই.সি.দি.গী ইন্তর্নেস্নেল ত্রান্সপোর্ত ফোরম (আই.তি.এফ.)কা খুৎশম্নদুনা ইন্দিয়াদা ‘দিকার্বোনাইজিং ত্রান্সপোর্ত ইন ইমর্জিং ইকোনোমিক্স’ দি.তি.ই.ই. হায়বা প্রোজেক্ত অমা জুন ২৪ দা হৌদোকখ্রে।

হৌদোকপগী থৌরম অদু ৱেবিনারগী মতোংনা পাংথোকখি অমদি থৌরম অদু আই.তি.এফ.কী সেক্রেতরী জেনরেল য়ং তে কিম অমসুং নীতি আয়োগকী সি.ই.ও. অমিতাব কান্তনা হৌদোকখি। থৌরম অদুদা মিনিস্ত্রি ওফ হাওসিং অমসুং অরবান এফিয়র্স (এম.ও..ঐচ.ইয়ু.এ.)কী সেক্রতরী দি.এস.মিশ্রাগা লোয়ননা মিনিস্ত্রি ওফ রোদ ত্রান্সপোর্ত এন্দ হায়ৱেগী জোইন্ত সেক্রতরী প্রিয়ংক ভারতিসু য়াওখি।

চহী মঙাগী চাওনা নিংজরিবা প্রোজেক্ত অসিনা ভারত্তা মোদেলিং তুলশিং অমদি পোলিসি সিনেরিও কয়া অমা শেমগৎপগী পাম্বৈনা ভারত্তা কার্বন য়াম্না থোক্তবা ত্রান্সপোর্ত সিস্তেমগী অনৌবা লম্বী অমা পুরক্নবা অচৌবা মতেং ওইরগনি।

আই.তি.এফ.কী সেক্রতরী জেনরেল য়ং তে কিমনা হৌদোকপগী ৱারোলদা প্রোজেক্ত অসি পুন্না থবক তৌমিন্ননবগী মতেং পাংলকপগিদমক নীতি আয়োগ অমসুং সি ই ও অমিতাব কান্তপু থাগৎপা ফোংদোকখি। মহাক্না মখা তানা হায় মদুদি “ঐখোয়না ভারতকা খুৎশম্নদুনা নীতি আয়োগকা শরুক য়ামিন্নদুনা প্রোজেক্ত হৌগদৌরিবা অসি য়াম্না নুংঙাই। মসি য়াম্না মরুওইবা অমসুং চাউখৎকদবা থৌরাং অমনি, মসিনা ভারত সরকারদা লো-কার্বনদাইওকসাইদ (CO₂) ত্রান্সপোর্ত সিস্তেমগী মায়কৈদা য়াম্না চাউবা মতেং ওইরগনি। ঐখোয়গা খুৎশম্নরিবা ‘ভারত্তাত্রান্সপোর্তশিং কার্বোন চেলহন্দবা’ প্রোজেক্ত অসিসু ভারত অমদি আই.তি.এফ.কী মরি তুং কোয়না অমদি ফনা লৈনবগী খুদোংচাবা অমনি।”

নীতি আয়োগকী সি ই ও অমিতাব কান্তনা মহাক্কী শমলপ্পা ৱারোলদা অসুম্না হায় মদুদি ত্রান্সপোর্তকী লমদা দিকার্বোনাইজেসন তৌবনা মীয়ামগী তুংগী পুন্সিদা হেন্না লু-নানবা অমদি হকচাং ফহল্লগনি। দি.তি.ই.ই.গী প্রোজেক্ত অসিনা ভারতকী অপাম্বা অইং-অশাগী ফিভম পুরকপদা মতেং ওইরগনি। অইং-অশাগী থবকশিংগী মতাংদা খংদোক্নবা হোৎনবদা মোদেলিং তুল অমদি ওন্ননবা ফ্রেমৱার্কশিং অসিনা পান্দমশিং অদু ফংহনবা ঙমগনি অমদি দাতা এনালাইসিসতা য়ুম্ফম ওইবা এদভান্স মোদেলিংগী থবক-থৌশিলশিং শেম্লকপদা মসিনা মতেং ওইগনি। সোসিয়ো-ইকোনোমিক ফেক্তরশিংদা লৈরিবা তোঙান-তোঙানবা দেমোগ্রাফিকশিং হায়বদি মীশিং, চহী, তানলকপা শেল (চাগা) অসিনচিংবা কয়া পীদুনা ভারত্তা চৎথোক-চৎশিনদা মথৌ তাগদবশিং অদুগী চাওরাকপা হান্না হোত্তোকপা অসি মরু ওই অমদি মদুগী মতুং ইন্না কার্বনদাইওকসাইদ (CO₂) থোকহনবগী চাং হোত্তুনা মোদেলিংগী অকুপ্পা মরোল পিবগী থবক তৌগনি।

‘মিতিগেসনগী মমি তারিবশিং অসিগী খুদম-চাংদমদা য়ুম্ফম ওইবা মওংদা ওন্ননবা শেম্বা দি.তি.ই.ই. অমসুং এন.দি.সি.-তি.আই.এ. অসিবু অমত্তা ওইনা পুনশিন্নরকপা অসি মসিগী মতেংনা পেরিসতা য়ান্নখিবা ৱাফমদগী ভারতনা পুথোরকপা নেস্নেলিতী দিতর্মিন্দ কন্ত্রিব্যুসন(এন.দি.সি.)শিংগী পান্দমদু ফংনবগীদমক্তা মখল-মখা কয়াগী ওইরিবা মওং-মতৌশিংদু মশক খংদোক্তুনা ঐখোয়গী কাংলোনশিং অদু শেম্বদা তেংবাং ওইগনি। মসিগী প্রোজেক অসিনা ঐখোয়গী তুংগী সহরগী ওইবা থবক-থৌশিলশিং য়াম্না নিংথিজনা তাক্লগনি অমসুং দেতাদা য়াম্না কনবা মওংদা য়াওরিবা অমসুং ভারত্ত অপুনবগী ওইবা ত্রান্সপোর্তকী ইকোসিস্তেমদা হেন্না চাং ৱাংনা হৈ-শিংবা অমসুং কান্নহনগদবা মওংদা ঐখোয়দা দিজাইন শেম্বগী কাংলোনশিংদা মতেং পাংবগী ওইথোকপা লৈ।'

হাউজিং অমসুং অর্বান এফেয়র্স মন্ত্রালয়গী সেক্রতরী শ্রী দি.এস. মিশ্রানা হায়খি, ঐখোয়গী লৈবাক অসি য়াম্না য়াংবা মওংদা সহরগী মওংদা ওনশিল্লক্লিবসিনা ইনফ্রাস্ত্রকচরগী মখল কয়াগী ‘থৌরাংশিং মরুওইনা মোবিলিতীগী ওইবদা লৈরিবা য়াম্না চাওবা শিংনবশিং অসি মায়োক্নবা ঙমহনগনি। ঐখোয়গী লাল্লোংশিং অসি ঐখোয়গী মী মশিং অসিনা শরুক অনী ওইরক্লবা মতমসিদা মথৌ তাবসিগা চুনহনবগী মথৌ তাই। ঐহাক্না নীতি আয়োগ অমসুং আই.এফ.তি.বুপেরিসকী য়ান্নখিবা অমসুং ভারত সরকারগী চেৎনা লৌনখিবা ৱাফমশিং অমা ওইরিবা লাক্কদৌরিবা প্রোজেক অসিগীদমক নুংঙাইবা ফোংদোকচরি অমসুং মসি ঐখোয়না শোয়দনা মায় পাক্না পাংথোক্নবা হোৎনরি।

ভারতকী ত্রান্সফর সেক্তর অসি লম্বিগী চত্থোক-চৎশিন তৌবদগী চাওনা শরুক য়াওরিবা খ্বাইদগী গ্রীনহাউস গ্যাস(জি.ঐচ.জি.)য়াম্না পুথোকপা অহুশুবা সেক্তরিনি। ভারত্তা কার্বোন দাইওক্সাইদ পুথোকপগী অপুনবগী চাদা ১৩দি ত্রান্সপোর্ত সেক্তরদগীনি। মসিগী থোরক্লিবশিং অসি ১৯৯০দগী শরুক অহুমদগী হেনখ্রে। ভারত্তা মোতোরাইজেসন্দা অমদি থাংদোক-থাংজিন তৌনবগী ৱাফম থাঙ্গৎনরকপা হেনগৎলকপনা খুঙ্গংসিংগী মফমশিংদা নুংশিৎকী পোলুসন্দা, কা হেনবা চাংদা য়াওবগা লোয়ননা গ্রীনহাউস গ্যাস পুথোরকপদা শরুক য়াওরি।

ভারত্তা, লৈরিবা মী অমনা CO₂ থাদোরকপগী চাং অসি লৈবাক অসিগী ও.ই.সি.দি.গী চাংচৎ অমগী শরুক কুননি, হৌজিকশু ভারত্তা ত্রান্সপোর্তকী CO₂ থোরকপা অসি ২০৩০ ফাওবদা চহীদা অয়াম্বনা চাদা ৬ হেনগৎলি। লৈবাক অসিগী হেন্না নৌবা ফ্যুএল পুথোকপগী কাংলোনশিংগা কোন্ননা ইলেক্ত্রিক্কী গারীশিং য়োকখত্তুনা ভারতনা থোরক্লিবশিং অসি লাকশিন্নবা পাম্বৈশিং নিংথিজনা পায়খৎলি। নীতি আয়োগনা ইলেক্ত্রিক্কী গারীশিং শৌগৎনবা অমসুং লেংঙরোইদবা মোবিলিতীদগী ‘মওং শেমদোকপা য়াবা মোবিলিতী অমসুং বেতরী স্তোরেজ তৌবা অসি মাগী নেস্নেল মিশন’ অসিদগী পাংথোক্নবা থৌরাংদুনা লৈ। অদুম ওইনমক ভারতকী পাক চাওবা মওং অসিগা লোয়ননা লৈবাক অসিদা লৈরিবা মখল মখা কয়াগী ত্রান্সপোর্ত সেক্তর অসিবু য়েংলগা লাল্লোংগী থবক-থৌশিলগী ৱারেপশিংবু মরু ওইবা মওংদা দেতাদগী থবক পাংথোকহনগদবনি। ভারত্তা কার্বোন য়াওদবা ত্রান্সপোর্তকী প্রোজেক অসিনা ভারত্তা তেলর-মেদ ত্রান্সপোর্ত ইমিসনশিং ওনবা ঙম্বা ফ্রেমৱর্ক অমগী মওং শেম্লগনি। মসিনা সরকারদা হৌজিক্কী অমসুং তুংদা লাক্কদবা ত্রান্সপোর্তকী থবকশিং অমসুং CO₂ থোরকপগা মরি লৈনবশিং অসি মখোয়গী ৱারেপ অদুগীদমক মরু ওইবা য়ুম্ফম অমা ওইনা মরিক চুম্না খংহনগনি।

আই.তি.এফ.কী প্রোজেক তীম অসিনা ভারত সরকারগী এজেন্সীশিং, মফমদুগী ৱারেপ লৌবশিং, থিজিল্লিবশিং, অখং-অহৈশিং অমসুং সিভিল সোসাইতীগী লুপশিংগা নকশিন্না তেংবাংনদুনা অমসুং খুৎশম্নদুনা থবক তৌগনি। স্তেকহোলদরগী ৱার্কশোপশিং, ত্রেনিংগী সেসনশিং, থবক-থৌসিল শেম্লিবশিংগী ৱারেপ লৌরিবশিং অমসুং মিতিগেসনগী পায়খৎপা থৌরাংশিংনা প্রোজেক অদু তৌগদবা মতমগী ৱাংমদা থবক-থৌশিলশিং অসি ফগৎহনবদা তেংবাং পীগনি।

ভারতকী প্রোজেক অসি ইন্তর্নেস্নেল ত্রান্সপোর্ত ফোরমগী ত্রান্সপোর্তশিং কার্বোন চেলহন্দনবা থবক পায়খৎপদা হেন্না চাওবা মরমদা পাংথোক্কনি। মসি মালেমগী তোঙান-তোঙানবা মফমশিংদা ত্রান্সপোর্তশিং কার্বোন চেলহন্দনবদা তেংবাংবা প্রোজেকশিংগী মচিন তুমখৎলক্লিবা শে-থুমগী মনুং চনবশিংদা ত্রান্সপোর্তশিং কার্বোন চেলহন্দনবগী শরুক্নি। ভারত, অর্জেন্তিনা, অজর্বাইজান অমসুং মোরোক্কো অসি হৌজিক-হৌজিক শরু য়ারিবশিংনি। দি.তি.ই.ই. অসি অকোয়বগী ফীভম, মহৌশাবু য়োকখৎপা অমসুং ন্যুক্লিয়র অশোই-অঙাম য়াওহন্দনবগীদমক জর্মন ফেদরেল মন্ত্রালয়গী ইন্তর্নেস্নেল ক্লাইমেৎ ইনিসিএতিবনা শৌগৎপা আই.তি.এফ. অমসুং ৱুপ্পর্তেল ইন্সতিত্যুৎকা খুৎশম্নবা অমনি।

*****

(Release ID: 1634206) Visitor Counter : 180