মাইক্রো, স্মোল অমসুং মেদিয়ম ইন্তর্প্রাইজেস মন্ত্রালয়
শ্রী নিতিন গদকরিনা মহাক্না এম.এস.পি. হন্থরকপা য়াই হায়খি হায়বা পাউদমদু অরানবনি হায়খ্রে
মন্ত্রীনা অসিগুম্বা পাউ অসি অকায়বা অমসুং অরানবনি হায়খ্রে
শ্রী গদকরিনা লৌউবশিংনা তোঙানবা পোত্থোক পুথোক্তুনা অহেনবা শেন্থোক হেনগৎহন্নবা লম্বী থিরি
Posted On:
13 JUN 2020 5:05PM by PIB Imphal
কেন্দ্রগী রোদ ত্রান্সপোর্ত অমসুং হাইৱেজ অমসুং এম.এস.এম.ই. মন্ত্রী শ্রী নিতিন গদকরিনা মীদিয়াগী সেক্সন খরদা মহাক্না এম.এস.পি. হন্থরকপা য়াই হায়খি হায়বদু অরানবনি অমসুং য়ুম্ফম য়াওদবনি হায়খ্রে। মহাক্না অসিগুম্বা পাউ অসি অকায়বা অমসুং অরানবনি হায়খ্রে। হীরম অসিগী মতাংদা ৱারোল অমা পীরদুনা শ্রী গদকরিনা মতম চুপ্পদা লৌউবশিংনা চেং/ফৌ, গেহু অমসুং চু-পাম্বীনচিংবা পোত্থোকশিং অসিগী অতোপ্পা শিজিন্নফম থীদুনা মখোয়গী শেন্থোক হেনগৎহন্নবা হোৎনদুনা লাক্লি হায়খি। এম.এস.পি. লাউথোকখিবা মতমদা মহাক মশামকসু য়াওখি মরম অদুনা মহাক্না এম.এস.পি. হন্থরকপগী মতাংদা ৱা ঙাংফম থোক্তে হায়না মন্ত্রীনা হায়খি।
লৌউবশিংদা অফবা শেন্থোক ফংহনবা ঙমহনবা অসি ভারত সরকারগী মতম পুম্বগী ওইনা মরু ওইবা ৱাফম ওইদুনা লাক্লি অমসুং মসিগী চপ মান্নবা ৱাখল্লোন অসিদা এম.এস.পি.সু হেনগৎখিবনি হায়খি। ভারতনা চানবা থাউ অসি মপান্দগী পুশিন্নবা হোৎনবদা লুপা কোতি ৯০০০০ রোম চাদিং তৌই, মরম অদুনা তোঙানবা পোৎ থাবগী মওং অমা ওইনা লৌউবশিংনা অসিগুম্বা থাউগী মরু থাদুনা শেন্থোক হেন্না ফংনবা হোৎনবগী মতাংদসু অকনবা ৱাফম থমখি। মসিগা মান্ননা চেং/ফৌ/গেহু অমসুং চুজাক্তগী ইথানোল শুংবনা শেন্থোক হেন্না ফংবতা নত্তনা মপান্দগী লৈবদসু হন্থদুনা শেল তুংশিনবা ঙমগনি হায়খি। মসিগী মথক্তা বাইওফ্যুএল অসিনা অকোয়বগা হেন্না চান্নবসু ওই হায়না শ্রী গদকরিনা হায়খি।
*****
(Release ID: 1631419)
Visitor Counter : 175