পুৱারী ওইরবা ইসেন্সিয়েল কম্মোদিতিজ এক্ত শেমদোকপা

ঙসি মন্ত্রীমন্দলনা পুৱারী ওইরবা ইসেন্সিয়েল কম্মোদিতিজ এক্ত শেমদোকপা অয়াবা পীরে। মসি লৌউ-শিংউগী থবকশিং অওনবা পুরক্নবা অমসুং লৌমীশিংগী শেন্থোক হেনগৎহননবা মিৎয়েং শানবা খোঙথাং অমনি।

নুঙগী ৱারোল :

ভারতনা লৌউ-শিংউগী পোৎথোকশিং মরাং কাইনা পুথোক্লবসু, ইসেন্সিয়েল কম্মোদিতিজ এক্তনা মরম ওইদুনা কোল্দ স্তোরেজ, শেম-শাবা অমসুং মপান্দা থাদোকপগী থবকশিংদা শেন থাদবা ৱাৎপদগী লৌমীশিংনা মমল ৱাংনা য়োনবা ঙমদে। পৎকনবা পোৎথোকশিং মরাং কাইনা লোকপা মতমদা লৌমীশিং য়াম্না মাঙলি পোৎথোকশিং শেম-শানবা খুদোংচাবা মরাং কাইনা লৈরবদি, পৎতুনা মাঙবা অসি হন্থহনবা ঙমগনি।

কানবশিং :

ইসেন্সিয়েল কম্মোদিতিজ এক্ত শেমদোকপদগী, মহৈ-মরোংশিং, হৱাইশিং, থাউ থোকপা মরুশিং, চানবা থাউ, তিলহৌ অমসুং আলু ইসেন্সিয়েল কম্মোদিতিজগী লিস্তগী লৌথোক্লগনি। মসিনা প্রাইবেত ইনবেস্তরশিংনা খুৎ থিংজিল্লকপগী অকিবা লৌথোক্লগনি।

পুথোকপা, পৈদুনা থম্বা, পুথোক-পুশিন তৌবা অমসুং য়োনবগী নিংতম্বা অসিনা লৌউ-শিংউগী থবকশিংদা শেন-থুমগী থবকশিং পাকথোক-চাউথোকহল্লগনি অমসুং লনাই/ফোরেন দাইরেক্ত ইনবেস্তমেন্ত লাকহনবা ঙম্লগনি। মসিনা কোল্দ স্তোরেজশিং লিংখৎনবা অমসুং মীয়ামদা ফংহনবগী থবকশিং নৌনা পায়খৎনবা শেন থাদবদা মতেং পাংলগনি।

কঞ্জুমরশিংগী য়াইফনবা থবকশিং

সরকারনা কাংলোনশিং মনিংতমহনবা মতমদা, কঞ্জুমরশিংগী য়াইফনবা থবকশিং পায়খৎলি। লান, চাক তাংবা, মমল খঙহেন হেনগৎপা অমসুং মহৌশাগী অমাং-অতা থোকপা মতম লাকপদা লৌউ-শিংউগী পোৎথোকশিং নিয়মগী মখাদা লৈহন্নবা খুদোংচাবা এমেন্দমেন্ত অসিদা য়াওরি। অদুবু লৌউ-শিংউগী থবকশিংদা শেন থাদবদা নিংহন্নবা পোক্তনবা ললোনবা অমনা পৈদুনা থম্বা য়াবা চাং লেপ্পা অমসুং মপান লৈবাকশিংদা থাদোক্লিবা মীওই অমগী দরকার ওইবা পোৎথোক্কী চাং অকক্নবা থম্বা অদু কোমথোক্লে।

এমেন্দমেন্ত অসিনা মমল লেংদনা লৈহন্দুনা লৌমীশিং অমসুং কঞ্জুমর অনিমক মতেং পাংলগনি ।মসিনা থমফম লৈতবদগী লৌউ-শিংউগী পোৎথোকশিং পৎতুনা মাঙবদগী কনবা ঙম্লগনি।

লৌউ-শিংউগী পোৎথোক অথিংবা লৈতনা ললোন-ইতিক পাংথোকপা

মন্ত্রীমন্দলনা ফার্মিং প্রদ্যুজ ত্রেদ এন্দ কম্মর্স (প্রোমোসন এন্দ ফেসিলিতেসন) ওর্দিনান্স,২০২০’ অয়াবা পীরে।

নুঙগী ৱারোল

ঙসি ভারতকী লৌমীশিংনা মখোয়গী পোৎথোকশিং য়োনবদা অথিংবা কয়া মায়োক্নরি। মশক খঙলবা এ.পি.এম.সি কৈথেলশিংগী ৱাংমদা লৌউ-শিংউগী পোৎথোকশিং য়োনবদা লৌমীশিংদা অথিংবা থম্লি। রাজ্য সরকারশিংগী রেজিস্তার তৌরবা লাইন্সেস পায়বশিং খক্তদা লৌমীশিংনা পোৎথোকশিং য়োন্নবা অথিংবা থম্লি। রাজ্য সরকারশিংগী তোঙান-তোঙানবা এ.পি.এম.সি আইনশিংনা রাজ্যশিংগী মরক্তা মনিংতম্না লৌউ-শিংউগী পোৎথোকশিং য়োনবদা অথিংবা থম্লি।

কানবশিং

লৌমীশিং অমসুং ললোনবশিংনা লৌউ-শিংউগী পোৎথোকশিং য়োনবা অমসুং লৈবগী মতাংদা অপাম্বা খনবগী খুদোংচাবা অমা ওর্দিনান্সনা পীরগনি। মসিনা রাজ্যশিংগী মরক্তা অমসুং রাজ্য মনুংদা অমসুং এস.এ.পি.এম. আইনশিংগী মখাদা লৈবা কৈথেলশিংগী ৱাংমদা ললোন-ইতিক চৎথবা হেনগৎহল্লগনি। মসি কংলোন অমগী মখা লৈরিবা লৈবাক অসিগী পাকচাউরবা লৌউ-শিংউগী কৈথেলশিং মনিং তমহনবগী পুৱারী ওইরবা খোঙথাং অমনি।

মসিনা লৌমীশিংনা অপাম্বা খনবা য়ারগনি, লৌমীশিংনা কৈথেলদা য়োন্নবা হোৎনবদা শেন চংবা হন্থহনগনি অমসুং মখোয়না মমল ৱাংনা য়োনবদা মতেং পাংগনি। মসিনা লৌমীশিংনা মখোয়গী অহেনবা পোৎথোকশিং পোৎথোক ৱাৎনা পুথোকপা মফমশিংদা য়োনবগী খুদোংচাবা ফংলগনি। ওর্দিনান্স অসিদা ইলেকত্রোনিক ত্রেদিংগী থবকশিং পায়খৎনবা ৱাফম য়াওরি।

ভারত অমা, লৌউ-শিংউগী কৈথেল অমা

মমল হুন্নরকপা মতমদা লৌমীশিংনা চুনবা মমলদা য়োনবদা মতেং পাংনবা এ.পি.এম.সি কৈথেলশিংগী ৱাংমদা য়োনবগী অহেনবা খুদোংচাবা পীনবা ওর্দিনান্স অসিনা পান্দম থম্ল । মসিনা ভারত অমা, লৌউ-শিংউগী কৈথেল অমা শেমগৎনবগী লম্বী অমা শেমলগনি অমসুং ঐখোয়গী থবক কন্না শুরিবা লৌমীশিংগী পোৎথোক মরাংকাইনা লোক্নবা য়ুম্ফম অমা থোল্লগনি।

পোৎথোক শেম-শারিবশিং, হোলশেল তৌরিবশিং, চোইনা য়োনবশিং, মপান্দা থাদোকপশিংগা থবক তৌমিন্ননবগী শক্তি লৌমীশিংদা পীরে

মন্ত্রীমন্দলনা ‘ফার্মর্স (এমপৱারমেন্ত এন্দ প্রোতেক্সন) এগ্রিমেন্ত ওন প্রাইস এসুরেন্স এন্দ ফার্ম সর্বিসেস ওর্দিনান্স, ২০২০’ অয়াবা পীরে।

নুঙগী ৱারোল

ভারতকী লৌউ-শিংউগী থবক অসি লৌফম পাক-চাউদবা, নোংজুগী মখা পোনবা, পোৎথোক তম্বা ঙমদবা অমসুং কৈথেলগী ফিবম তম্বা ঙমদবা কয়া মায়োক্নরি। মসিনা লৌউ-শিংউ অসি খুদোংথিবা অমা ওইরি অমসুং থাদখিবা শেনফম অমসুং পুথোরকলিবা পোৎথোক অনিমক মতিক চাদ্রি।

কানবশিং

নৈহৎপীগনি হায়বগী অকিবা অমতা লৈতনা লৌমীশিংনা পোৎথোক শেম-শারিবশিং, হোলশেল তৌরিবশিং, চোইনা য়োনবশিং, মপান্দা থাদোকপশিংগা থবক তৌমিন্নবগী খুদোংচাবা অমা ওর্দিনান্স অসিনা পীরগনি। কৈথেলগী তম্বা ঙমদবা ফিবমগী খুদোংথিবা অদু লৌমীশিংগী স্পোন্সরদা থংথরগনি অমসুং লৌমীশিংনা অনৌবা তেক্নোলোজি অমসুং হেন্না ফবা ইনপুৎশিং ফংবা ঙম্লগনি। মসিনা কৈথেলদা য়োনবদা চংবা শেনফম হন্থহল্লগনি অমসুং লৌমীশিংগী শেন্থোক হেনগৎহনগনি।

ভারতকী লৌবুক্কী পোৎথোকশিং মালেমগী কৈথেলদা য়োন্নবা সপ্লাই চেনশিং শেমগৎনবা লনাই মীওইশিং শেন থাদনিংবা পোকহনবদা ওর্দিনান্স অসিনা মতেং পাংগনি। লৌমীশিং তেক্নোলোজি অমসুং মমল ৱাংনা য়োনবা য়াবা লৌউ-শিংউগী পোৎথোকশিং পুথোক্নবা অমসুং অসিগুম্বা পোৎথোকশিংগী কৈথেলগী মতাংদা পাউতাক ফংলগনি। মমল মতিক চানা ফংনবা মরক্কী মীওইশিং য়াওহন্দনা লৌমীশিংনা হকথেংননা কৈথেলদা য়োন্নবা য়ারগনি। য়ানদবা ৱাফমশিং লাকপা মতমদা লৌমীশিং মতিক চানা ঙাকশেনগনি অমসুং মতম চানা ৱারোইশিন পুরক্কনি।

লৌমীশিংগী য়াইফনবা সরকারনা থবক পায়খৎলে

লৌউ-শিংউ অমসুং মসিগী মরী লৈনবা থবক তৌরিবশিং মতেং পাংনবা আত্মনির্ভর ভারত অভিয়ানগী শরুক অমা ওইনা থবক কয়া লাউথোক্নে। মসিদা কিসান ক্রিদিৎ কার্দশিংগী মখাদা শেন্থং পীবা, লৌউ-শিংউগী প্রোজেকশিং শেন্থং পীবা, প্রধান মন্ত্রী মতস্যা সম্পদা য়োজনা, ফুত অমসুং মাউথ দিজিজ অমসুং ব্রুসেল্লোসিস ঙাকথোক্নবা তিকা থাবা, হিদাক কান্নবা পাম্বী থাবা, খোই য়োকপা অমসুং ওপেরেস গ্রিন অসিনচিংবা য়াওরি।

লোকদাউন মনুংদা পি.এম-কিসানগী মখাদা লৌমীশিংগী ইমুং ক্রোর ৯.২৫ হেনবদা লুপা ক্রোর ১৮,৫১৭ য়েন্থোকখ্রে। পি.এম ফসল বিমা য়োজনাগী মখাদা লোকদাউন মনুংদা লুপা ক্রোর ৬০০৩.৬কী ক্লেমশিং পীখি।

হায়রিবা খোঙথাংশিং অসি থবক কন্না শুরিবা ভারতকী লৌমীশিংগী য়াইফনবা সরকারনা পায়খৎলকপা খ্বাইদগী নৌবা থবকশিংনি।

******