PIB Headquarters
কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন
Posted On:
01 JUN 2020 6:23PM by PIB Imphal
(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )
- কোবিদ-১৯ নাবদগী ফগৎপা/দিচার্জ তৌবা ৯১৮১৮ শুদুনা ফগৎগী চাং ৪৮.১৯%দা হেনগৎখ্রে।
- শীবগী চাং অসি ২.৮৩%নি- শীবগী চাং কাহেন্না নেম্বা অসি সর্বিলেন্সতা, মীৎয়েং চংবা, মতম চানা কেস খংদোকপা, অমসুং কেসশিংগী ক্লিনিকেল মেনেজমেন্ত তৌবদগীনি
- কোবিদ-১৯গী মায়োক্তা শোক্নরিবা লানফমদা মাইথিবা পীবা ঙমদ্রিবা দোক্তরশিং অমসুং হকশেলগী মীওইশিংগী থৌদাং থাগৎলি
- ওফিসতা চহী অনিশুবগী অহানবা কেবিনেৎ মীফমদা পি.এম.না ময়াই তাংবল লৌখ্রে; এম.এস.এম.ই. সেক্তর, স্ত্রীৎ ভেন্দরশিং অমসুং লৌমীশিংগী ওইবা ইতিহাসিক ওইবা ৱারেপশিং লৌখ্রে
- ৱান নেসন ৱান রেসন কার্দ স্কিমদা অহেনবা স্তেৎ অহুম হাপচিনখ্রে
হকশেল অমসুং য়াইফ-য়ুম্বাল মন্ত্রালয়দগী কোবিদ-১৯গী খ্বাইদগী নৌবা পাও- ফগৎপগী চাং ৪৮.১৯%দা হেনগৎখ্রে
হৌখিবা পুং ২৪দা কোবিদ-১৯দগী অনাবা মী ৪,৮৩৫ ফগৎলকপা থেংনরে। অপুনবা অনাবা মী মশিং ৯১,৮১৮ হৌজিক ফাওবদা ফগৎহনখ্রে। মসিনা অপুনবা ফগৎলকপগী চাং ৪৮.১৯% য়ৌহনখ্রে। লৈবাক অসিদা ফগৎলকপগী চাং অসি খুমাং চাউশিন্না হেনগৎলক্লক্তুনা কোবিদ-১৯ অনবশিংগী মরক্তা ৪,৮৩৫ য়ৌখ্রে। মে ১৮দা ফগৎলকপগী চাং অসি ৩৮.২৯%নি। মে ৩দা মসি ২৬,৫৯%নি। এপ্রিল ১৫দা মসি ১১.৪২%নি।
লৈবাক অসিদা হৌজিক লায়েং চত্থরিবা অপুনবা এক্তিব কেস ৯৩,৩২২ লৈরি। শীবগী চাং অসি ২.৮৩%নি। মে ১৮দা শীবগী চাং অসি ৩.১৫% ওইখি। মে ৩দা মসি ৩.২৫% ওইখি। এপ্রিল ১৫দা মসি ৩.৩০% ওইখি। লৈবাক অসি শীবগী চাং অসি তপ্না তপ্না হন্থরকপা থেংনরে। শীবগী চাং কাহেন্না নেম্বা অসি সর্বিলেন্সতা, মীৎয়েং চংবা, মতম চানা কেস খংদোকপা, অমসুং কেসশিংগী ক্লিনিকেল মেনেজমেন্ত তৌবদগীনি।
লৈবাক অসিদা তেস্ত তৌবা ঙম্বগী চাং সরকারগী ৪৭২ অমসুং প্রাইবেৎ লেবোরেতরি ২০৪ (অপুনবা ৬৭৬ লেবোরেতরিশিং)দা হেনগৎখ্রে। হৌজিক ফাওবদা কোবিদ-১৯গী অপুনবা সেম্পল ৩৮,৩৭,২০৭ তেস্ত তৌখ্রে ঙরাং সেম্পল ১,০০,১৮০ তেস্ত তৌখি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1627908
রজীব গান্ধী য়ুনিভর্সিতী ওফ হেল্থ সাইন্সেসগী ২৫শুবা ফাউন্দেসন দেগী থৌরমদা প্রধান মন্ত্রীনা ৱা ঙাংখ্রে; কোবিদ-১৯গী মায়োক্তা শোক্নরিবা লানফমদা মাইথিবা পীবা ঙমদ্রিবা দোক্তরশিং অমসুং হকশেলগী মীওইশিংগী থৌদাং থাগৎলি
প্রধান মন্ত্রীনা হায়খি মালেমগী লাঞ্জাউ অনিগী মতুংদা ঙসি মালেম অসিনা খ্বাইদগী শাথিবা অৱাবা অমা মায়োক্নরি। মালেমগী লাঞ্জাউশিংগী মমাং অমসুং মতুংদা মালেম অসি অহোংবা লাকখিবা অদুগুম্না কোবিদ মতুংদা মালেমগী অহোংবা লাক্কনি। মহাক্না হায়খি মেদিকেলগী মীওইশিং অমসুং কোরোনা লান্মীশিংনা থবক কন্না শুদুনা ভারতনা কোবিদ-১৯গী মায়োক্তা অকনবা লাল শোক্নরি। তশেংনা, দোক্তরশিং অমসুং মেদিকেলগী মীওইশিং অসি লান্মীগী য়ুনিফোর্ম শেৎতবা লান্মীশিংনি।
মহাক্না হায় ভাইরস অসি উবা ঙমদবা য়েক্নবা অমনি, অদুগা ঐখোয়গী কোরোনা লান্মীশিং অমসুং দোক্তরশিং অসি মাইথিবা পীবা ঙম্লোইদবা ঙাক্তনি। উবা ঙমদবা ভাইরস অমসুং মাইথিবা পীবা ঙম্লোইদবা অনিগী লানফম অসিদা ঐখোয়গী মেদিকেলগী মীওইশিংনা শোইদনা মাইপাক্কনি। মীয়ামগী ইরাং শাগৎতুনা মাংজিল থানা থবক তৌরিবা মীওইশিংদা হিংশাগী থবকশিং চৎথরকপদা প্রধান মন্ত্রীনা নুংনাংবা ফোংদোকখি অমসুং হায়খি মখোয় অদু লাকশিন্নবা সরকারনা থবক কয়া পায়খৎলে। মাংজিল থাদুনা থবক তৌরিবশিংগীদমক লুপা লাখ ৫০গী ইন্সুরেন্স অমা ঐখোয়না পীরে। মহাক্না হায়খি লৈবাক অসিদা মমাংদা লৈরমবা ফিবমদগী হকশেলগী লমদা য়াম্না ফগৎলে অমসুং হৌখিবা চহি ৬ অসিদা সরকারনা অনা-লায়েংগী অমসুং মেদিকেল এজুকেসনগী ফিবম ফগৎহন্নবা থবক কয়া পায়খৎলে। অনা-লায়েং, মসিগী মচাক-মথুমশিং অমসুং মী খুদিংমক কান্নবা ফংহন্নবা য়ুম্বী মখোঙ মরিগী লাল্লোং অমা পায়খৎনবা প্রধান মন্ত্রীনা থমখি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1628270
রজীব গান্ধী য়ুনিভর্সিতী ওফ হেল্থ সাইন্সেসগী ২৫শুবা ফাউন্দেসন দেগী থৌরমদা প্রধান মন্ত্রীনা পীখিবা ৱারোল
অকুপ্পা ৱারোলগীদমক: https://pib.gov.in/PressReleseDetail.aspx?PRID=1628263
ওফিসতা চহী অনিশুবগী অহানবা কেবিনেৎ মীফমদা পি.এম.না ময়াই তাংবল লৌখ্রে; এম.এস.এম.ই. সেক্তর, স্ত্রীৎ ভেন্দরশিং অমসুং লৌমীশিংগী ওইবা ইতিহাসিক ওইবা ৱারেপশিং লৌখ্রে
জুন ১,২০২০, নিংথৌকাবা নুমিৎতা প্রধান মন্ত্রী শ্রী নরেন্দ্র মোদীনা কেন্দ্রগী কেবিনেৎকী ময়াই তাংবল লৌদুনা পাংথোকখ্রে। মসি কেন্দ্র লৈঙাকনা ওফিসতা চহী অনিশুবগী অহানবা কন্দ্রগী কেবিনেৎ মীফমনি। মীফম অসিদা, ভারতকী হোৎনবা কনবা লৌমীশিং, এম.এস.এম.ই. সেক্তর অমসুং স্ত্রীৎ ভেন্দর ওইনা থবক তৌরিবশিংগী পুন্সিদা অহোংবা অমা পুরকপা ঙমগদবা ইতিহাসিক ওইরবা ৱারেপশিং লৌখি। স্পিসিয়েল হায়রিবা অসিদা য়াওরিবা অদুদি: চহী ১৪গী মতুংদা অহঅনবা ওইনা এম.এস.এম.ই.গী ৱাহন্থোক অসি শেমদোকখ্রে; মিদিয়ম য়ুনিৎশিংগী ৱাহন্থোক অসি মখা তানা লুপা কোতি ৫০গী ইনবেসমেন্ত অমসুং লুপা কোতি ২৫০গী তর্নওভরদা হেনগৎহনখ্রে; স্ত্রীৎ ভেন্দরশিংদা লৌবা ঙম্বা লোনশিং পীনবা মাইক্রো ক্রেদিৎ ফেসিলিতী স্কিম ‘পি.এম. এস.ভি.এ.নিধি’ লোঞ্চ তৌখ্রে; ২০২০-২১গী খারিফ পন্থাগীদমক, লৈঙাকনা এম.এস.পি অসি পোৎথোক্কী মমলগী শরুক্কী য়ামদ্রবদা ১.৫কী চাংদা থম্নবা ৱাশকপা অদু ঙাকখি; লৌউ-শীংউগী অতেন্বা তর্ম লোনশিং অঞসুং মরী লৈনবা থবক থৌরমশিংগী থীদোকনবা তাং শাংদোকখ্রে; লৈঙাকনা পীবা শেনগী মতেংগী শেন্দোইগী কান্নবা ফংবা অমসুং য়াম্না থুনা শীংবা য়াবা ইনসেন্তিবকী কান্নবসু লৌমীদা পীরগনি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1628329
মার্চ ১, ২০২০ অমসুং ওগস্ত ৩১, ২০২০ ফাওবগী মনুংদা শিংগদবা বেঙ্কশিংনা পীবা লৌউ-শিংউ অমদি মরী লৈনবা থবকশিংগী অতেনবা মতমগী লোন শিংগৎপবগী মতম শাঙদোকপা কেবিনেতনা অয়াবা পীরে
প্রধান মন্ত্রী শ্রী নরেন্দ্র মোদীনা থৌরম মপু ওইদুনা পাঙথোকখিবা কেন্দ্রগী কেবিনেতনা মার্চ ১, ২০২০ অমসুং ওগস্ত ৩১, ২০২০ ফাওবগী মনুংদা শিংগদবা লৌউ-শিংউ অমদি মরী লৈনবা লমশিংদা বেঙ্কশিংনা পীবা লুপা লাখ ৩ ফাওবগী এদভান্সকী স্তেন্দর্দ সোর্ত তার্ম লোনশিং বেঙ্কশিংদা চাদা ২গী ইন্তরেস্ত সবভেন্সন (আই.এস.) অমদি লৌমীশিংদা চাদা ৩গী প্রোম্প্ত রিপেমেন্ত ইন্সেন্তিভ (পি.আর.আই.)গা লোয়ননা শিংবগী মতম ৩১.০৮.২০২০ ফাওবা শাংদোকপদা য়াবা পীখ্রে।
এম.এস.এম.ই.শিংগী লেমহৌরিবা পেকেজ অনি (১) অৱাবা তারবা এম.এস.এম.ই.শিংগী লুপা কোতি ২০০০০গী পেকেজ অমসুং (২) ফন্দশিংগী ফন্দগী খুত্থাংদা লুপা কোতি ৫০০০০গী ইক্বিতী ইনফ্যুজন, হায়রিবা অসি ইমপ্লেমেন্ত তৌনবা এম.এস.এম.ই.গী ৱাহন্থোক অমসুং মোদেলিতী/রোদ মেপ অদুগী শেমদোকপা অদু কেবিনেৎনা অয়াবা পীখ্রে
ভারত লৈঙাকনা লৈবাক অসিদা হৌগৎলক্লিবা এ.এস.এম.ই.শিংদা হেন্না মীৎয়েং চংলিবগা অসিগা মরী লৈন্না, প্রধান মন্ত্রী শ্রী নরেন্দ্র মোদীনা ঙসি ময়াই তাংবম লৌদুনা ফমখিবা ইকনোমিক এফিয়র্সকী অখন্নবা কেবিনেৎ কম্মিতীগী মীফমনা অত্মানির্ভর ভারত পেকেজকী মখাদা লাউথোকখিবা লেমহৌরিবা অনিগী মপুং ফানা ইমপ্লেমেন্ত তৌনবা মেকানিজমগীদমক এম.এস.এম.ই.গী ৱাহন্থোক অমসুং মোদেলিতথ/রোদমেপ অদু অয়াবা পীখ্রে। মসিনা ‘আত্মানির্ভর ভারত পেকেজ’গী খুত্থাংদা মপুং ওইনা এম.এস.এম.ই.সেক্তর চাওখৎহন্নবা লেম্বেল অমা য়াৎলগনি।
২০২০-২১গী মার্কেতিং সিজনগী খারিফ মহৈ মরোংশিংগী মিনিমম সপ্পোর্ত প্রাইসেস (এম.এস.পি.)
কেবিনেৎ কম্মিতি ওন ইকনোমিক্স এফিয়র্স (সি.সি.ই.এ.)না মার্কেতিং সিজন ২০২০-২১গী মরি ওইবা খারিব মহৈ মরোং খুদিংমক্কী মিনিমম সপ্পোর্ত প্রাইসেস (এম.এস.পিজ) হেনগৎনবা অয়াবা পীখ্রে। পোৎ থারিবা মীওইশিংদা মখোয়গী পোত্থোকশিংগী চান্নবা মমলশিং পীনবা সরকারনা মার্কেতিং সিজন ২০২০-২১গী খারিফ মহৈ মরোংশিংগী এম.এস.পি. হেনগৎখিবনি। খ্বাইদগী ৱাংবা এম.এস.পি.পীখিবা অদুদি নাইগরসিদ ( কুইন্তনদা লুপা ৭৫৫) মতুংদা সেসামুম (কুইন্তনদা লুপা ৩৭০) উরাদ (কুইন্তনদা লুপা ৩০০) অমসুং লশিং (অশাংবা স্তেপল) (কুইন্তলদা লুপা ২৭৪)নি। তোঙান তোঙানবা মমল হেনগৎপা অসি মহৈ মরোং মখল কয়া হেনগৎহনবদা পান্দম থম্লি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1628348
পি.এম. মোদিনা চেমপিয়ন্স হৌদোকখ্রে: এম.এস.এম.ই.শিং মপাঙ্গল কলহন্নবা তেক্নোলোজীগী প্লেৎফোর্ম
প্রধান মন্ত্রী শ্রী নরেন্দ্র মোদিনা ঙসি ক্রিয়েসন এন্দ হার্মোনিয়স এপ্লিকেসন ওফ মোদর্ন প্রোসেসেস ফোর ইনক্রিজিং দি আউতপুৎ এন্দ নেস্নেল স্ত্রেঙ্গথ, চেম্পিয়ন কৌবা তেক্নোলোজী প্লেৎফোর্ম অমা হৌদোকখ্রে। পোর্তেল অসি অপীকপা য়ুনিৎশিংবু মখোয়গী খুদোংচাদবশিং পাম্বৈ পীবিদুনা, পুক্নীং থৌগৎপিদুনা, ঙাক্লৌ পীবিদুনা, মতেং পাংবীদুনা অমদি খুৎশম্ননা চৎপীদুনা অচৌবা য়ুনিৎ ওইহন্নবগীদমক্তনি। মসি এম.এস.এম.ই. মন্ত্রালয়গী তশেং তশেংবা ৱান-স্তোপ-সোপ পাম্বৈ অমনি। আই.সি.তি.দা য়ুম্ফম ওইবা সিস্তেম অসি এম.এস.এম.ই.শিংবু মখোয়গী খুদোংথিবা ফিভমদা মতেং পাংনবা অমদি লৈবাকসিগী অমদি মালেমগী মীথোইবা ওইরক্নবা খুৎশম্ননা চৎপীনবা লিংখৎপনি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1628317
মিসন সাগর: কোমোরোসকী পোর্ত ওফ মোরোনিদা আই.এন.এস. কেসারি
মিসন সাগরগী শরুক অমা ওইনা ২০২০গী মে ৩১দা ভারতকী নেভেল জহাজ কেসারি কোমোরোসতা লৈবা পোর্ত ওফ মোরোনিদা থুংখ্রে। ভারত সরকারনা মসিগী লুরবা তাঙফম অসিদা মরুপ ওইরিবা অতোপ্পা লৈবাকশিং কোভিদ-১৯ লাইচৎ থেংনবদা অঙম্বা মতেং পাঙলি অমসুং মসিগীদমক্তা আই.এন.এস.কেসারিনা কোমোরোস মীয়ামগী কোবিদকা মরি লৈনবা হীদাক লাংথক্কী কোনসাইনমেন অমা পুখি।
জুন ১, ২০২০দগী হৌরগা লৈবাক শিনবা থুংনা অখন্নবা ত্রেন ২০০ চেল্লগনি
জুন ১, ২০২০দগী হৌরগা ইন্দিয়ন রেলৱেজগী ত্রেন সর্বিস শরুক খরগা অমুক হান্নগী ফীভমদা হঞ্জিলহল্লগনি হায়না লাউথোকখ্রে। জুন ১দগী হৌগদৌরিবা ত্রেন ২০০ অসিগী অহানবা নুমিত্তা পেসেঞ্জর লাখ ১.৪৫ হেন্না তোংদুনা চৎকদৌরি। ইন্দিয়ন রেলৱেজনা পেসেঞ্জর সর্বিস ২০০ চেনবা হৌখ্রে। হায়রিবা ত্রেনশিং অসি রিগুলর ত্রেনগী পরিংদা চেনগদবনি। হায়রিবশিং অসি মপুং ফানা রিজর্ব তৌরবা এ.সি অমসুং নন এ.সি. ক্লাসশিং য়াওবা ত্রেনশিংনি। জেনেরেল (জি.এস.) কোচশিং রিজর্ব সিত্তিং একোমোদেসন লৈগনি।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1628161
পী.এম.বি.জে.কে.শিংনা ২০১৯-২০গী চপ মান্নবা মতম লুপা কোতি ৪০ মুক য়োনখিবা অদুগা চাংদম্নবদা ২০২০-২১গী অহানবা থা অনিদা লুপা কোতি ১০০গী মথক্তা অঙকপা ফঙনা য়োনখ্রে
প্রধান মন্ত্রী ভার্তিয়া জনউশধী কেন্দ্রস- পি.এম.বি.জে.কেজ. ২০১৯-২০গী চপ মান্নবা মতম লুপা কোতি ৪০.৪০ য়োনখিবা অদুগা চাংদম্নবদা ২০২০-২১গী অহানবা থা অনিদা অঙকপা ফঙনা লুপা কোতি ১০০.৪০ য়োনবা ঙমখ্রে। কেন্দ্রসনা চাওরাক্না লুপা কোতি ১৪৪গী এফোর্দেবল & ক্বালিতি মেদিসিনশিং মার্চ, এপ্রিল & মে ২০২০দা য়োন্দুনা কোবিদ ১৯গী লাইচৎনা লৈবাক অসি শোকহনবা মতমদা প্রজাশিংগী লুপা কোতি ৮০০ তুংশিনবা ঙমহনখ্রে।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1628291
ৱান নেসন ৱান রেসন কার্দ স্কিমদা অহেনবা স্তেৎ অহুম হাপচিনখ্রে
কঞ্জুমর এফিয়র্স ফুদ অমসুং পব্লিক দিস্ত্রিব্যুসনগী কেন্দ্রগী মন্ত্রী শ্রী রাম বিলাস পস্বননা ঙসি অহেনবা স্তেৎ অহুম মমিং ওইনা পল্লবদা ওরিশা, সিক্কিম অমসুং মিজোরাম ‘ইন্তিগ্রেতেদ মেনেজমেন্ত ওফ পব্লিক দিস্ত্রিব্যুসন সিস্তেম (আই.এম-পি.দি.এস.)’ স্কিমদা হাপচিন্নবা লাওথোকখ্রে। মসিগী সিস্তেম অসিগী মখাদা ই.পি.ও.এস. দিভাইসতা আধার ওথেন্তিকেসন তৌরবা মতুংদা হান্নগী/চপ মান্নবা রেসন কার্দ শিজিন্নরগা লৈবাক অসিগী মফম অমহেক্তদা এফ.পি.এস. খনবা য়াহন্দুনা ই.পি.ও.এস. অমএক্তদগী সবসিদাইজ তৌরবা চানবা মরু মরাংশিং এন.এফ.এস.এ. কার্দ হোল্দরশিংনা মখোয়গী পীরিবা ক্বাতগী লৌবা য়াহন্নবা ‘ৱান নেসন ৱান রেসন কার্দ’ প্লানগী খুথাংদা লৈবাক শিনবা থুংনা এন.এফ.এস.এ.গী মখাদা কান্নবা ফঙগনি। মসিগী খুদোংচাব অসি স্তেৎ /য়ুত.তি. ১৭তা হান্ননা ফঙহনখ্রে।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1628288
দি.আর.দি.ও.না পি.পি.ই.শিং অমসুং অতোপ্পা পোৎশকশিং দিসইনফেক্ত তৌনবা অল্ত্রা স্বাছ পুথোকখ্রে।
দিফেন্স রিসর্স এন্দ দিবেলপমেন্ত ওর্গনাইজেসননা পর্সনেল প্রোতেক্তিব ইক্বুইপমেন্ত (পি.পি.ই.শিং), ইলেক্ত্রোনিক্স আইতেমশিং, ফেব্রিকশিংনচিংবা য়াওনা পোশক কয়ামরুম দিসইনফেক্ত তৌনবা অল্ত্র স্বাছ কৌবা দিসইনফেক্সন য়ুনিৎ অমা পোথোকখ্রে। ইন্সতিত্যুত ওফ ন্যুক্লিয়র মেদিসিন & এলাইদ সাইন্সেস (আই.এন.এম.এ.এস.)না পুথোকপা সইস্তেম অসিনা দিসিনফেক্সনগী ওজিনেতেদ স্পেস তেক্নোলোজি শিজিন্নদুনা মল্তি বেরিয়র এপ্রোচ য়াওবা এদভান্স ওক্সিদেতিব প্রোসেস অমা শিজিন্নৈ।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1628288
এন.তি.পি.সি. না লোকদাউনগী মতমদা এমপ্লোইয়ি ১৯০০০ অমসুং মখোয়গী ইমুং মনুংশিংগীদমক লর্নিং & দিবেলপমেন্তগী খুদোংচাবশিং ফঙহনখ্রে।
এন.তি.পি.সি.না এমপ্লোয়ি ১৯,০০০ হেনবা অমসুং মখোয়গী ইমুং মনুংদা লর্নিংগী খুদোংচাবশিং ফঙহনখ্রে। কোবিদ-১৯ লাইচৎনা মরম ওইদুনা লোকদাউন তৌখিবগী তঙাই ফদবশিং ফঙহন্নবা এন.তি.পি.সি. লর্নিং এন্দ দিবেলপমেন্ত (এল&দি) পোরমশিং ইন্তেন্সি দিজিতাইজেসন অমসুং ওনলাইন ত্রেনিংগী খুথাংদা মসিগী সরইস অসি মফম অমহেক্তদগী ফঙহন্নবা এম্লোইয়িশিং হৌদোকখ্রে।
অকুপ্পা ৱারোলগীদমক: https://pib.gov.in/PressReleseDetail.aspx?PRID=1628283
পি.আই.বি. ফিল্দ ওফিসশিংদগী ফংবা পাউ
- পঞ্জাব: চেকশিন থৌরাংশিং ঙাকনা চৎতবা মীওইশিংগী মধক্তা অকনবা এক্সন লৌখৎকনি হায়না চীফ মিনিস্তরনা খঙহনখ্রে। মে ১৭তগী মে ২৮ ফাওবগী মনুংদা মীওই ৩৬,৮২০ মাস্ক উপতবগী, লেম্বীদা তিল শীৎচনবগী ৪,৩০২ ফাইন থীহনখি অমসুং এফ.আই.আর. ৫০৩ ফাইল তৌখি।
- হরিয়ানা: মলেম শীনবা থংনা শন্দোরক্লিবা লাইচৎ কোবিদ-১৯ অসি লানথেংন্নবা স্তেৎ লৈঙাকনা মখল কয়াগী খোঙথাংশিং লৌখৎলি হায়না চীফ মনিস্তরনা ফোংদোকখ্রে। অদুম ওইনমক লান অসি শোকনবদা, অৱাবা তারবা পুংফম অসিদা মীওই অমত্তা চাদা থক্তনা লৈহন্দনবা স্তেৎ লৈঙাক অসিনা লাইরবশিংদা রেসন ফংহনবা হায়বা অসিনা খ্বাইদগী মরু ওইবা পন্দম ওইখি। ‘দিস্ত্রেস তোকনশিংগী’ খুত্থাংদা রেসন কার্দ পাইবা লোয়ননা কার্দ পাইদবা মীপুম খুদিংমক্তা রেসন ফংহনখি। খুদোংচাবা অসি স্তেৎ অসিগী মীওই ৪৮৬০০০রোমদা ফংহনখি। লাইনা অসিবু ফহনবা ঙম্বা হীদাক হৌজিক ফাওবগী ওইনা থোক্ত্রিবনা ঐখোয় খুদিংমক্না মাস্কশিং উপ্পা, সোসিএল দিস্তেন্সিংগী কাংলোন ঙাকপা অসিগুম্বা চেকশিন থৌরাং অসি লৌখৎকদবনি হায়না চীফ মিনিস্তরনা ফোংদোকখ্রে।
- হিমচল প্রদেশ: স্তেৎ লৈঙাকনা কর্ফিয়ু পুং ৬ এ.এম.দগী ৮পি.এম. ফাওবা মীয়ামগী খুদোংচানবা কোমথোকখ্রে। লাক্লিবা জুন ১দগী দিস্ত্রিক বস চেনবা হৌগদোরিবা অসিদা, বসশিংদা অমসুং বস স্তেন্দশিংদা সোসিএল দিস্তেন্সিং মপুং ফানা ঙাক্কদবনি আয়না সি.এম.না ফোংদোকখি। মহাক্না, বস স্তেসনশিংদা মীতিনবা অদু য়েংশিন্নবা অমসুং লোং এন্দ ওর্দর ঙাক্নবা দিস্ত্রিক মেজিস্ত্রেৎশিং অমসুং সুপরিন্তেন্দেন্ত ওফ পুলিসশিংদা মথৌ তাবা পুলিস ফোর্স পীনবা খঙহনখ্রে হায়না হায়খি। বসশিং অসি চাদা ৬০দগী হেন্না তোংবা য়ারোই অমসুং দ্রাইভরশিং, কন্দক্তরশিং অমসুং পেসেঞ্জরশিংনা হকশেল বিভাগনা পীবা চেকশিন-থৌরাংগী চৎনা কাংলোন ঙাক্না চৎকদবনি হায়না মহাক্না ফোংদোকখি। চীফ মিনিস্তরনা হায়খি মদুদি মীয়াম্না স্তেৎ অসিগী ইন্তর দিস্ত্রিক্তা চৎথোক-চৎশিন তৌবদা পাস মথৌ তাদে অদুবু ইন্তর-স্তেৎকী ওইনদি মথৌ তাখিগনি।অতো্পা লৈবাক্তগী লাকপা মীওইশিং ক্বারন্তিন তৌগনি অমসুং রেদ জোনশীংদগী লাকপা মীওইশিং ইন্সতিত্যুস্নেল ক্বারন্তিন তৌবা অমদি অতো্প্পা মফমশিংদগী লাকপশিংনা হোম ক্বারন্তিনহায়না মহাক্না খঙহনখি। ইন্সতিত্যুস্নেল ক্বারন্তিন তৌরিবা মীওইশিং অদু কোবিদ-১৯গী তেস্ত তৌবদা নেগেতিব ওইরবা মতমদা খক্তা ময়ুমদা হনবা য়াগনি।
- মহারাস্ত্র: অনৌবা কেস ২,৪৮৭গা লোয়ননা মহারাস্ত্রদা কোবিদ-১৯গী কনফর্ম কেস ৬৭,৬৫৫ য়ৌখ্রে। মসিগী মনুংদা ২৯,৩২৯ মপুং ফানা ফগৎখ্রে, ২,২৮৬না শীখ্রে। চৈরক অসিদা ওফিসর ৮ য়াওনা মহারাস্ত্রগী পুলিস পর্সনেল ৯৩ অমগসু কোবিদ-১৯ পোজিতিব ওইবা থেংনরে। স্তেৎ অসিদা হৌজিক ফাওবদা কোবিদ-১৯ পোজিতিব ওইখ্রবা পুলিস পরসনেলগী অপুনবা মশীং ২,৫০৯দা লৈরি। মসিগী মনুংদা পুলিস পর্সনেল ২৭ কোরোনাভারসনা শীহনখ্রে। স্তেৎ লৈঙাকনা পীবা অনৌবা চৎনা কাংলোনগী মধুং ইন্না, মখাদা, নোংথক্তা অমসুং ত্রেনদা ইন্তর-স্তেৎকী ওইবা চৎথোক-চৎশিন তৌবা মখা তানা অনৌবা তাঙ্কক্কী লোকদাউন অসিদা জুন ৩০ ফাওবা মাইগরেন্ত ৱার্করশিং, পন্দুনা লৈরিবা মীওইশিং অমসুং ‘শ্রামিক’ স্পেসিএল ত্রেনশীংগী নত্তনা অথিংবা লৈখিগনি।
- গুজরাৎ: স্তেৎ অসিদা কোরোনাভাইরসকী কেস অনৌবা ৪৩৮ অমসুং শীখীবা ৩১, কা-হেন্না শোকহল্লবা এহেমদবাদতগী ২০ য়াওনা রিপোর্ত তৌরকখ্রে, মসিনা অপুনবা কেস ১৬,৭৯৪ শুহনখ্রে অমসুং শীখীবা ১,০৩৮ শুখ্রে।
- রাজস্থান: মীওই ১৪৯ লাইনা অসিদগী পোজিতিব ওইরকপগী মতুংদা রাজস্থানদা নোবেল কোরোনা ভাইরসনা নহানবা মশীং ৮,৯৮০ য়ৌখ্রে। পোজিতিব কেস ১৪৯গী মনুংদা খ্বাইদগী য়াম্বা কেস ৪৪না ভারতপুরদগী ওইরি, ৩২না জাইপুরদগী, ২৭না বারানদগী অমসুং ২১না পলিদগীনি। অমরোমদা লাই খোইরমফমশিং, শোপ্পিং মোলশিং অমসুং হোতেলশিং থোং লোনখিগনি, রাজস্থান লৈঙাকনা চাং অমদা লৈঙাক্কি অমসুং লনাইগি ওফিসশিং মথৌ তৌবা য়াহনখ্রে।
- এম.পি.: মধ্য প্রদেশতা হৌখিবা পুং ২৪গী মনুং নোংমাইজিং নুমিৎ ফাওবদা কোবিদ-১৯ পোজিতিব কেস ৮০০০ এনখ্রে লোয়ননা অনৌবা কেস ১৯৮ রিপোর্ত তৌরকখ্রে। স্তেৎ অসিগী মশীং হৌজিক ৮,০৮৯ শুখ্রে। অদুবু অফবা খুদম ওইনা তমথিরবা ভাইরেল ইনফেক্সন অসিদগী অনাবা ৩৯৮ নেগেতিব ওইদুনা দিচার্জ তৌখ্রে। স্তেৎ অসিদা লৈবা হোস্পিতালশিংদা নুমিৎ অমদা খ্বাইদগী ৱাংনা ফগৎলকপা/দিচার্জ তৌখিবা মশীং ওইরি।
- ছত্তিসগর: ছত্তিসগরদা অনৌবা কোবিদ-১৯ কেস মঙা থেংন্দুনা অপুনবা কোবিদ পোজিতিব ওইবা মশীং ৫০৩ শুখ্রে। অপুনবা একতিব কেস মশীং ৩৮৮, অমরোমদা স্তেৎ অসিদা মী অমা ফাওবা শীখিবগী পাও লৈত্রি।
- কেরালা: হয়েংদগী কেরালাগী ইন্তর-দিস্ত্রিক বস সর্ভিস হৌরগনি; হৌজিক ফাওবগী ওইনা ইন্তর-স্তেৎকী অয়াবা পীদ্রি। উন ৮দগী হোতেলশিং অমসুং রেস্তোরেন্তশিংদা ইন-দাইনগী খুদোংচাবা পীবগা লোয়ননা হাংবা য়ারগনি। লাইনিং-লাইশোনগী লুচিংবশিংগা তান্নরবা মতুংদা লাই খোইরমফমশিং হাংলগনি। স্তেৎ অসিদা লৈবা স্কুল ১২,০০০দা তম্বা ক্লাস ১ দগী ১২ ফাওবগী মহৈরোই অপুনবা লাক ৪১না অনৌবা একাদমিক চহী ঙাসিদগী হৌবগা লোয়ননা -স্তেৎ অসিনা চল্লাইবা এদুকেসন চেনেল ভিক্তরসকী খুত্থাংদা- ভর্চ্যুল ক্লাসশিং তৌখ্রে। তিরুভনন্থাপুরমদা মীওই মরি কোবিদ-১৯ পোজিতিব ওইখ্রে; মখোয় অহুমদি কুৱেৎতগী হল্লকপনি অমসুং অতোপ্পা অমনা তামিল নাদুদগী হল্লকপা লাই য়েকপনি। অপুনবা কেরেলাইৎ ১২ লাইনা অসিদগী গল্ফতা ঙরাং অমসুং ঙসিদা শীখি লোয়ননা গল্ফতা শিখিবা মশীং ১৫০ শুখ্রে। ঙরাং স্তেৎ অসিদা শীকীবা অমা আমসুং পোজিতিব কেস ৬১ রিপোর্ত তৌরকখি। ৬৭০না লায়েং চৎথরি।
- তামিল নাদু: পুদুচেরী লেজিসলেতিব এসেমব্লি কমপ্লেক্সতা মীওই অমা কোবিদ-১৯ নারকপদগী, সি.এম.গী ওফিস দিসইনফেক্তেদ তোখ্রে; য়ু.তি. অসিদা মীওই অহুম অমসুং তেস্ত তৌবদা পোজিতিব ওইরকখ্রে; হৌজিক ফাওবদা পুদুচেরীদা এক্তিব কেস ৪৯ লৈরে। থা অনি হেল্লবা মতুংদা তামিল নাদুগী লম্বীশিংদা বস শিং চেনখ্রে। চেনাইদগী লাকপা ঞীওই খুদিংমক তেস্ত তৌগদোরি; অতোপ্পা হোৎস্পোৎ স্তেৎশিংদগী তামিল নাদুদা হল্লকপশিংসু স্ক্রীন তৌগনি। স্তেৎ অসিগী নুঙতিগী ওইনা কোবিদ কেস থীবদা ঙরাং অহানবা ওইনা ১০০০ হেনখি; ঙরাংদা অনৌবা কেস ১১৪৯, চেনাইদগী কেস ৮০৪। হৌজিক ফাওবগী অপুনবা কেস: ২২,৩৩, এক্তিব কেস: ৯৪০০, শীখিবা: ১৭৩, দিচার্জ: ১২,৭৫৭। চেনাইগী এক্তিব কেস ৬৭৮১।
- কর্নাতক: কর্নাতককী লাইফমশিং জুন ৮দগী হাংলগনি। মহারাস্ত্রদগী হল্লকপা খক্তগী ওইনা নুমিৎ তরেৎনিগী ইন্সতিত্যুস্নেল ক্বারন্তিন তৌদবা য়াদে। আর.তি.ও.না ওরেঞ্জ অমসুং রেদ জোনশিংদা দ্রাইভিং লাইসেন্স পীবা হৌরগনি। কর্নাতকগী ওইনা য়েন চাবা হেনগৎলকপগা লোয়ননা মমল ৱাংখৎলক্তুনা পোলত্রী ইন্দন্ত্রীগী অৱাবা কোকহনখ্রে। ঙরাং স্তেৎ অসিদা অনৌবা কেস ২৯৯ থেংনখি; মসিদা ২৫৫না ইন্তরস্তেৎ পেসেঞ্জরনি & ৭না মপালদগীনি। হৌজিক ফাওবদা অপুনবা পোজিতিব কেস: ৩২২১, এক্তিব কেস: ১৯৫০, শীখিবা: ৫১, ফগৎপা পোজিতিব কেস: ১২১৮।
- অন্ধ্র প্রদেশ: “মখা তাবা পাওতাক য়াওদনা” অন্ধ্র প্রদেশতা মনুংদা ত্রেনদা চৎথোক চৎশিন তৌবদা অথিংবা লৈখিগনি। অতোপ্পা স্তেৎশিংদগী লাকপা পেসেঞ্জরশিং রেলৱে স্তেসনশিংদা তেস্ত তৌই অমসুং নুমিৎ ১৪গী হোম ক্বারন্তিন তৌগনি। মহারাস্ত্র, গুজরাৎ, রাজস্থান, মধ্য প্রদেশ, দিল্লি অমসুং চেনাইদগী লাকপশিংগী ওইনদি নুমিৎ ৭নি ইন্সতিত্যুস্নেল ক্বারন্তিনদা লৈগনি মতুংগী নুমিৎ ৭নি অদুনা হোম ক্বারন্তিন তৌগনি। হৌকিবা পুং ২৪দা সেম্পল ১০,৫৬৭ তেস্ত তৌবদা অনৌবা কেস ৭৬, শীখিবা অনি লোয়ননা দিচার্জ তৌবা ৩৪ থেংনখি। অপুনবা কেস: ৩১১৮, এক্তিব: ৮৮৫, ফগৎপা: ২১৬৯, শীখিবা। ৬৪। স্তেৎ অসিগী অপুনবা মাইগ্রেন্ত ৪৪৬ পোজিতিব ওইখি লোয়ননা এক্তিব কেস ২৪৯ ওইরি। মপালদগী হল্লকপা পোজিতিব কেসনা ১১২নি।
- তেলঙ্গানা: রেলৱেগী মন্ত্রালয়না ঙসিদগী হৌদুনা পেসেঞ্জর পুবা রেলশিং চেনবা হৌহন্নখিবগা লোয়ননা সিকন্দ্রাবাদকী রেলৱে স্তেসনদা ক্ব্যুশিং শাংনা লেপখি।পেসেঞ্জর ১০,০০দগী ১২,০০০না মখোয়গী পন্থুংফমশিংদা য়ৌনবা ত্রেন ৭ চেনগনি, মসিদা ৪না সিকন্দ্রাবাদতগী অমসুং নামপল্লীদগী ৩নি। লোকদাউনগী চৎনা কাংলোনশিং কোমথোকলবা মতুং থা অমরোম কেস থেংনরুদ্রবা গ্রেতর হায়দরাবাদ ম্যুনিসিপাল কোর্পরেসনগী মফমশিংদা অনৌবা কোবিদ-১৯গী কেস থেংনরে। মে ৩১,২০২০ ফাওবদা তেলঙ্গানাগী অপুনবা পোজিতিব কেস মশীং ২,৬৯৮ শুখ্রে. নুমিৎ অসি ফাওবদা মপালদগী লাকপশিং/পুরকপশিং মাইগ্রেন্ত ৪৩৪ পোজিতিব ওইখ্রে।
- অরুনাচল প্রদেশ: হৌজিক ফাওবদা মীওই ৮০০০রোম স্তেৎ অসিদা হল্লকখ্রে। ক্বারন্তিনদা অমসুং হকশেলগী চেক-অপশিংদা তৌবদা এস.ও.পি.শিং চেকশিন্না ঙাকনা চৎলি।অরুনাচল প্রদেশকী সি.এম.না হায়খি মদুদি, স্তেৎ অসিদা লোকদাউন লৈখিগনি অমসুং স্তেৎ অসিদা মপালদগী মীওই হল্লকপা লোইরবা মতুংদা নৌনা কোমথোক্কদবশিং অদু লাউথোক্কনি।
- অসাম : এদভাইজরী কম্মিতীনা কোবিদ-১৯না থোকহনখিবা স্তেৎ অসিগী শেনমিৎলোন অদু ফগৎহন্নবা পীরকপা পাওতাকশিং অদু ইন্নবগীদমক রোদমেপ অমা হকশেল মন্ত্রী, হিমন্তা বিস্বা সরমা, ইন্সদস্ত্রী & কম্মর্স মন্ত্রী, সি.এম. পতোৱারী অমসুং লৌউ-শীংউ মন্ত্রী, অতুল বোরানা লুচিংদুনা শেম্বা মীহুৎ অহুমগী কম্মিতীনা শেমগদৌরি হায়না সি.এম.না ফোংদোকখ্রে। অপুনবা কেস মশীং ১৩৯০ য়ৌখ্রে, এক্তিব কেস ১১৯৮, ফগৎলকপা ১৮৫ অমসুং শীখিবা ৪নি।
- মনিপুর: মনিপুরদা অনৌবা কোবিদ-১৯গী কেস ৭ শুদুনা, অপুনবা পোজিতিব কেস ৭৮ শুখ্রে। এক্তিব কেস ৬৭, অমসুং ফগৎপনা ১১। পুম্নমক অয়াম্বনা অতোপ্পা স্তেৎশিংদগী হল্লকপা ঙাক্তনি।
- মিজোরাম: মিজোরামগী বাইরাবিদা থুংলরবা পন্দুনা লৈরুরবা গোৱাদগী লাকপা পেসেঞ্জরশিংনা মখোয়গী তুংশিনজবশিং অদু খাইগৎন্দুনা লুপা ৫৪১৪৯ বাইরাবিগী কম্ম্যুনিতী ওর্গনাইজেসনদা পীখ্রে।হায়রিবা ওর্গনাইজেসন অসিনা পন্দুনা লৈরুরবা কয়া স্তেসন অসিদা য়ৌরকপশিংদা মথৌ তাবা মতেংশিং পাংদুনা লাক্লি।
- নাগালেন্দ: সিভিল ভোল্যুনতরি ওর্গনাইজেসননা চলাইবা লিভিংস্তন ইন্তর্নেসনল ফাউন্দেসনদা লৈবা ক্বারন্তিন সেন্তরদা দিমাপুর কোবিদ-১৯ তাস্ক ফোর্স ইন-চার্জনা য়েংশিনবা লাকখ্রে। বেঙ্গুলুরুগী নাগা তাস্ক ফোর্সকী ভোল্যুন্তিয়রশিংনা বেঙ্গুলুরুদা লৈবা লোকেল ওথোরিতীগা লোয়ননা মাইগ্রেন্ত ৱার্করশিং অমসুং স্লমদা লৈরিবশিংদা রাসন য়েন্থোকপদা মতেং পাংখ্রে।
পি.আই.বি. ফেক্ত চেক
*****
(Release ID: 1628665)
Visitor Counter : 220