ଶ୍ରୀ ଗିରିଧର ଅରମାନେ ଆଜି ସଡ଼କ ପରିବହନ ଓ ରାଜପଥ ମନ୍ତ୍ରଣାଳୟର ସଚିବ ଭାବେ ଦାୟିତ୍ଵ ଗ୍ରହଣ କରିଛନ୍ତି । ଦାୟିତ୍ଵ ଗ୍ରହଣ କରିବା ପରେ ସେ ମନ୍ତ୍ରଣାଳୟର କାର୍ଯ୍ୟ ସମୀକ୍ଷା କରିବା ଲାଗି ବରିଷ୍ଠ ଅଧିକାରୀମାନଙ୍କ ସହିତ ଏକ ବୈଠକର ଆୟୋଜନ କରିଥିଲେ। ଏଥିରେ ବିଶେଷ କରି କୋଭିଡ-19 ମହାମାରୀର ପ୍ରଭାବ କାରଣରୁ ସୃଷ୍ଟ ଗୁରୁତ୍ଵପୂର୍ଣ୍ଣ ପ୍ରସଙ୍ଗ ବିଷୟରେ ଆଲୋଚନା କରାଯାଇଥିଲା। ଶ୍ରୀ ଅରମାନେ ଜୋର ଦେଇ କହିଥିଲେ ଯେ ପରିବହନ ଓ ରାଜପଥ କ୍ଷେତ୍ର ଭାରତୀୟ ଅର୍ଥବ୍ୟବସ୍ଥାର ମେରୁଦଣ୍ଡ ।

ଶ୍ରୀ ଅରମାନେ ପୂର୍ବରୁ କ୍ୟାବିନେଟ ସଚିବାଳୟରେ ଅତିରିକ୍ତ ସଚିବ ଭାବେ କାର୍ଯ୍ୟରତ ଥିଲେ । ସେ 2012ରୁ 2014 ପର୍ଯ୍ୟନ୍ତ ପେଟ୍ରୋଲିୟମ ଓ ପ୍ରାକୃତିକ ବାଷ୍ପ ମନ୍ତ୍ରଣାଳୟର ଯୁଗ୍ମ ସଚିବ ଭାବେ ଦାୟିତ୍ଵ ନିର୍ବାହ କରିସାରିଛନ୍ତି ।

1988 ବ୍ୟାଚ୍ ଆନ୍ଧ୍ରପ୍ରଦେଶ କ୍ୟାଡରର ଭାରତୀୟ ପ୍ରଶାସନିକ ସେବା ଅଧିକାରୀ ଶ୍ରୀ ଅରମାନେ ଆଇଆଇଟି ମାଡ୍ରାସରୁ ସିଭିଲ ଇଞ୍ଜିନିୟରିଂରେ ଏମଟେକ ଡିଗ୍ରୀ ହାସଲ କରିଛନ୍ତି । ସେ ମଧ୍ୟ ଅର୍ଥନୀତିରେ ସ୍ନାତ୍ତୋକୋତର ଶିକ୍ଷା ଲାଭ କରିଛନ୍ତି । ଆଇଆଇଏମ ବାଙ୍ଗାଲୋର, ଆଇଆଇଏଫଟି ନୂଆଦିଲ୍ଲୀ ଓ ପୁଣେସ୍ଥିତ ଟାଟା ମ୍ୟାନେଜମେଣ୍ଟ ଟିଆରଜି ସେଣ୍ଟର ସମେତ ଫ୍ରାନ୍ସ ଓ ସିଙ୍ଗାପୁରରୁ ସେ ଅର୍ଥ ଓ ବ୍ୟାଙ୍କିଙ୍ଗ କ୍ଷେତ୍ରରେ ସ୍ଵତନ୍ତ୍ର ପ୍ରଶିକ୍ଷଣ ହାସଲ କରିଛନ୍ତି ।

ଶ୍ରୀ ଅରମାନେ ଆନ୍ଧ୍ର ପ୍ରଦେଶ ସରକାରଙ୍କ ବିଭିନ୍ନ କ୍ଷେତ୍ରୀୟ ଓ ନୀତିଗତ ସ୍ତରରେ କାର୍ଯ୍ୟ କରିସାରିଛନ୍ତି। ତାଙ୍କର ସାଂଗଠନିକ ଓ ଆର୍ଥିକ ପ୍ରସଙ୍ଗରେ ବ୍ୟାପକ ଅଭିଜ୍ଞତା ରହିଛି ।

 

***********

 

(Release ID: 1620214) Visitor Counter : 143