পেত্রোলিয়ম অমসুং নেচরেল গ্যাস অমসুং স্তীলগী মন্ত্রী শ্রী ধর্মেন্দ্র প্রধান্না লৈবাকপোকপগী নুংদাংৱাইরমদা ভিদিও কনফরেন্সিংগী খুথাংদা লৈবাক অসিদা লৈরিবা এল.পি.জি. দিস্ত্রিব্যুতর ১০০০গী মথক্তা ৱারী শানখ্রে।

 

লোকদাউন মনুংদা য়ুমথোং খুদিংগী থোংগালদা শোয়হন্দনা এল.পি.জি. সিলিন্দরশিং থিনবগী থাগৎপা ফোংদোকপগা লোইননা মহাক্না কোবিদ-১৯গী লাইচৎ অসিগী মায়োক্তা লান্থেংনবদা মতেং পাংনবা লাইরবশিংগীদমক্তা লাওথোকখিবা প্রধান মন্ত্রী গরীব কল্যান য়োজনাগী মখাদা লৈবা  পি.এম.য়ু.ৱাই.গী বেনিফিসরীশিংদা লেম্না সিলিন্দর অহুম পীনবগী থবক অসি মখোয়না থুনা য়াংনা পাইখৎনবা অমসুং হেন্না ফজনা তৌনবা খঙহনখ্রে।

নোবেল কোরোনা ভাইরস অসি শন্দোরকপদগী থিংনবা অমসুং থিনবা চৎলিবা নুপামচাশিং অমসুং মখোয়গী কঞ্জ্যুমরশিংদা খুদোংথিবা থোক্তনববা এল.পি.জি. সিলিন্দরশিংগী সেনিতাইজেশন তৌবগা লোইননা লৌখৎফম থোকপা মথৌ তাবা চেকশিন থৌরাংশিং লৌখৎপগীদমক্তা মন্ত্রী প্রধান্না মখোয়বুসু থাগৎখ্রে। মহাক্না দিস্ত্রিব্যুতরশিংদা মখোয়গী থিনবা চৎলিবা নুপামচাশিং অমসুং মখোয়গী খুত্থাংদা কঞ্জ্যুমরশিংদা লাইচৎ অসিবু মাইথিবা পীনবগীদমক্তা ফেস মাস্কশিং শিজিন্নবগী, আরোগ্য সেতু এপ, খুৎশা হামদোকপা অমসুং সোসিয়েল দিস্তেন্সিং তৌবগী মরু ওইবা খঙহন্নবগী থবক অসি মখা তানা চৎথনবা হায়খ্রে। মহাক্না মখা তানা হায়খি মদুদি মমাং থংদুনা চৎলিবা লান্মীশিং হায়বদি থিনবা চৎলিবা নুপামচাশিংনা কঞ্জ্যুমরশিংগী মরক্তা মরু ওইবা পাউশিং অসি শন্দোকপনা কান্নৈ হায়বা খঙলে। মহাক্না দিস্ত্রিব্যুতরশিংদা ইনফেক্সন তৌবগী খুদোংথিবা থোরকপা অদু হন্থনবা সোসিয়েল দিস্তেন্সিংগী এস.ও.পি.শিং নীংথিনা ইনবা, সেনিতাইজেশন তৌবা অমসুং থবক শুফমদা নীংথনা লু-নান্না থম্বগী অফবা থবকশিং অসি মখা তানা চৎথনবা খঙহল্লকখ্রে। মসিগা লোইননা মহাক্না মমাং থাদুনা চৎলিবা এল.পি.জি.গী লান্মীশিং অসিবু মশক খঙবীয়ু অমসুং মখোয়বু অঙম্বা মখৈ য়েংশিনবীনবা খঙহল্লকখ্রে।

*****

(Release ID: 1618686) Visitor Counter : 223