“দেখো অপ্না দেশ” হায়বা বেন্নর মখাদা পাঙথোকপা কেন্দ্রগী তুরিজম মন্ত্রালয়গী ৱেবিনার সেরিজগী এপ্রিল ২৫, ২০২০দা শন্দোকখিবা অৱধ কী সৈর – দি প্রাইদ ওফ লখনৌ হায়বা তাঙ্ককতা চীঞ্জাক তুরিজমগী মঙমগী মতাংদা নীংথিনা উৎখি‍।  চীঞ্জাকশিং উৎপগা লোয়ননা লখনৌগী পুৱারীগী ওইবা ৱারীশিং, ফিজেৎ-লৈতেং অমদি অতৈ চৎনবীশিংনা লৈতেংদুনা ৱেবিনার অদুদা লখনৌগী পাক চাউনা খেন্নবা চীঞ্জাক্কী মওং মতৌ নীংথিনা উৎখি‍।

চান-থক্নবা পোৎলমশিং অসিনা লমথুংফম অসিগী মরূওইবা মহাও অমা পীরি অমদি ঙসিদি লমথুংফমদুগী তোপ তোপ্পা চীঞ্জাক থোং থাকপগী মহাওদুবু লৌনীংবা নৎত্রগা চান-থক্নবা পোৎলমশিংনা লমথুংফম অমগী মরুওইবা ৱাফম অমা ওইনা লৌজবা লমকোয়বা মখল কয়ামরুম মফমসিদা লাক্লি‍। ভারতগী থোং থাকপগী চৎনবী অসি থায়না মমাংঙৈদগী হৌরক্লবা অমদি ইথিল কয়ামরুম চঙখিবনা মরম ওইরগা মহাও মখল মখা কয়া য়ানশিন্নবা অমদি শেম্বগী লমদা নীংথিনা হৈথোই শিংথোইরে‍। মরোয় মপাং অমদি মরু মরাংগী মওংদা ঐখোয়দা মহৌশানা ফংজবা মমল য়াম্লবা মহাও মখলশিং মশা মশাগী ওইবা মওং মতৌশিংসু কায়হন্দনা ঐখোয়না পুনশিন্দুনা পুথোরকপা অসিনা মালেমগী মফমদা ভারতনা পীবা তোপ তোপ্পা খুদোল ওইরি‍।

ৱেবিনার অদু থিজিল্লোই অমসু ওইরিবা অদুগা হেরিতেজ ৱাল্কী লময়ানবা, হৌজিক্না য়ুনিভর্সিতী ওফ ৱেল্সতা ভিজিতিং ফেকল্তী ওইরিবা প্রোফেসর মিঃ প্রতীক হিরা, ইন্দিয়ন মাস্তর ছেফ ২০১০ থোইখিবা ছেফ মিস পঙ্কজ ভদৌরিয়া অমসুং নৱাব জাফর মীর অব্দুল্লাহনা পাঙথোকখিবনি‍।

ৱেবিনার অদুদা ইচম চমবা মীয়াম্না পাম্নবা চরা ৱান্নবগী পোৎলম মখলশিংদগী হৌরগা দম মওংগী থোং থাকপা, শৌদোক্লববা কবাব অমদি কোর্মা, বির্য়ানী অমদি শীরমল অমসুং লম্বীদা ফংবা মখল কয়াগী তোপ তোপ্পা চান থক্নবা মখলশিংগী মরমদা উৎখি‍।

মীয়াম্না য়াম্না পাম্নবা বন কবাব, লখনৌগী লা মার্তিনিএর কলেজকী কেন্তীনদা হৌবা খৃস্তমাস কেককী মরমদা পনবগা লোয়ননা শরুক য়াখিবা মীশিংদা উৎখিবা চান থক্নবা পোৎলম খরদি থুম মোরোক নম্লবা আলু কী সবজী অমসুং দহি অমদি জলেবীগা লোয়ননা খস্তা কচোরী, নিহারী কুলহা, তুন্দে কবাব, গলোতী কবাব, ককোরী কবাব, মমিং লৈরবা খাঙ মনীংদা হৌবা পরাথা, চাৎ মচলশিং, সলন, মখন মলাই অমদি লখনৌ ক্বানচিংবনি‍।

তুরিজম মন্ত্রালয়গী ৱেবিনার সেরিজ অসিনা লৈবাক অসিখক্তদগী নত্তনা মপা লৈবাকশিংদগীসু  য়াওবা চাংচত্তা মীওই ৩০০০ রোম্না শরুক য়ারি‍। হায়রিবা তাঙ্ককশিং অসি হৌজিক্তি https://www.youtube.com/channel/UCzIbBmMvtvH7d6Zo_ZEHDA/featuredদা অমদি ভারত লৈঙাক্কী তুরিজম মন্ত্রালয়গী সোসেল মেদিয়া হেন্দলশিংদসু ফংলে‍।

এপ্রিল ২৭, ২০২০গী অয়ুক পুং ১১দা শন্দোক্কদবা মথংগী তাঙ্কক অসিগী মমিং ‘এক্সপ্লোরিং পোন্দিচেরীজ ফ্রেঞ্চ ক্বার্তর – ফ্রেঞ্চ কন্নেক্সন’ হায়না থোল্লে অমদি শরুক য়ানিংবশিংনা https://bit.ly/WebinarPondicherryদা রেজিস্তর তৌদুনা ৱেবিনার অসিদা শরুক য়াবা য়াগনি‍।

 

(Release ID: 1618386) Visitor Counter : 179