মীদিয়াগী প্লেৎফোর্ম খরদা অরুনাচল প্রদেশকী মীওই খরনা অরুনাচলদা ওইরিবা লোকদাউনগী ফিভম অসিনা মরম ওইদুনা চাননবা পোৎলম (চেং) লৈতবদগী লিল খারৌ হাৎতুনা চাই হায়বগী পাউ ফোংলে। অরুনাচল প্রদেশকী সরকারনা শেংদোক্লি মদুদি অরুনাচল প্রদেশকী দিস্ত্রিক্ত খুদিংমক্তা য়ামদ্রবদা থা অহুম কোন্নগদবা চেং মরাং কাইনা লৈরি।

লোকদাউন হেক তৌখিবদগী ইন্দিয়ন এয়র ফোর্সনা অরুনাচল প্রদেশকী মনুং হঞ্জিনবা মফমশিংদা চেং হোন্ননবা এ.এন.-৩২ হেলিকোপ্তর কয়ারক হন্না শিজিন্নরি। রাজ্য সরকারনসু হেলিকোপ্তরশিং অসি হায়রিবা থবক অসিগীদমক্তসু শিজিন্নৈ।

এফ.সি.আই.নসু তোঙান তোঙানবা জিলাশিংদা ওপন মার্কেৎ সেল্সকীদমক্তা চেং মেত্রিক তন ১০০০ ফংহনখ্রে। মসিদসু নত্তনা ভারত সরকারনা অরুনাচল প্রদেশতা পি.এম.জি.কে.ৱাই.গী মখাদা চাননবা পোৎলম মেত্রিক তন ১২,০০০ পীখ্রে। পি.এম.জি.কে.ৱাই.গী মখাদা মীয়ামদা চাননবা পোৎলম মরাং কাইনা ফংহন্নবা চেং মেত্রিক তন ৮০০০দগী হেন্না এয়র লিফতিং তৌবা অমসুং রাজ্য অপুনবদা য়েন্থোকপগী থবক চৎথরি। রাজ্যনসু মথৌ তারকপা মতমদা কৈথেলদা থাদোকপা য়ারবা আলু মেত্রিক তন ১০০ অমসুং হৱাই মেত্রিক তন ৬০গী বফর স্তোকসু শেমখ্রে। রাজ্যনা মখোয়গী নুংতিগী হিংননবগী লম্বীদা লোকদাউন্না মরম ওইদুনা শোকহল্লবা মীওইশিংদা লেম্না রাসনসু ফংহল্লি। লোকদাউন হেক লাওথোকখিবদগী মতুংদা অরুনাচল প্রদেশকী তোঙান তোঙানবা জিলাশিংদা মীওই ২০,০০০ লোম হেনবনা রাসন লেমনা ফংখ্রে।

কোবিদ-১৯গা মরা লৈনবা ইশুশিং খঙবীনবগীদমক পুং ২৪ চুপ্না ওফিয়েলশিং ফংবীগনি। মরম অদুনা মীদিয়াগী ইচিল-ইনাওশিংনা কোবিদ-১৯গী মরী লৈনবা রিপোর্ত অমা হেক্তা ফোংবীদ্রিঙৈদা সরকারগী ওফিসিয়েলশিংদগী অচুম্বা ই-পাউ হান্না লৌবীয়ু।

(Release ID: 1616788) Visitor Counter : 75