ଏଭଳି ସ୍ୱତନ୍ତ୍ର ଟ୍ରେନ ସୁବିଧାର ସର୍ବାଧିକ ଫାଇଦା ନେଇ ମାଲ ପରିବହନ ସକାଶେ  ଉଦ୍ୟାନ କୃଷି ଓ ରାଜ୍ୟ/କେନ୍ଦ୍ରଶାସିତ କ୍ଷେତ୍ରର ସଂପୃକ୍ତ ବିଭାଗ ସଚିବଙ୍କୁ କୃଷି, ସମବାୟ ଓ କୃଷକ କଲ୍ୟାଣ ବିଭାଗର ପରାମର୍ଶ

ଦେଶରେ କରୋନା ଭୂତାଣୁ ସଂକ୍ରମଣ ଆଶଙ୍କାରେ ଲକଡାଉନ୍‌ ଘୋଷଣା ହେବା ଦିନଠାରୁ ଭାରତୀୟ ରେଳବାଇ ଫଳ, ପନିପରିବା, କ୍ଷୀର ଓ ଅନ୍ୟାନ୍ୟ ଦୁଗ୍ଧଜାତ ପଦାର୍ଥ ଭଳି ପଚନଯୋଗ୍ୟ ସାମଗ୍ରୀର ତୁରନ୍ତ ପ୍ରେରଣ ସକାଶେ 67ଟି ରୁଟକୁ (134ଟି ଟ୍ରେନ୍‌) ସ୍ୱତନ୍ତ୍ର ଟ୍ରେନ୍‌ ଚଳାଚଳ ପାଇଁ ଚିହ୍ନଟ କରିଛି । 10 ଅପ୍ରେଲ 2020 ତାରିଖ ପର୍ଯ୍ୟନ୍ତ 62ଟି ରୁଟ୍‌ ପାଇଁ ଏସଂକ୍ରାନ୍ତ ବିଜ୍ଞପ୍ତି ଜାରି ହୋଇଛି ଏବଂ 171ଟି ସମୟ ନିର୍ଘଣ୍ଟରେ ଥିବା ଟ୍ରେନ୍‌ ଏହି ରୁଟ୍‌ ଦେଇ ଚଳାଚଳ କରୁଛି ।

ଦେଶର ସମସ୍ତ ପ୍ରମୁଖ ନଗରୀ ସହ ଏଭଳି ପାର୍ସଲ ସ୍ୱତନ୍ତ୍ର ଟ୍ରେନ ଦ୍ୱାରା ଯୋଡ଼ିବା ସକାଶେ ପ୍ରୟାସ କରାଯାଇଛି । ସେହିସବୁ ନଗରୀଗୁଡ଼ିକ ହେଲା: ଦିଲ୍ଲୀ, ମୁମ୍ବାଇ, କୋଲକାତା, ଚେନ୍ନାଇ, ହାଇଦ୍ରାବାଦ,ଏବଂ ବେଙ୍ଗାଲୁରୁ । ଏହାତିରିକ୍ତ, ଗୌହାଟୀ ସହ ଉପଯୁକ୍ତ ସଂଯୋଗ ସ୍ଥାପନ ନିମନ୍ତେ ବିଶେଷ ପ୍ରୟାସ କରାଯାଇଛି ଯଦ୍ୱାରା ଉତ୍ତର ପୂର୍ବାଞ୍ଚଳ କ୍ଷେତ୍ରକୁ ଅତ୍ୟାବଶ୍ୟକ ସାମଗ୍ରୀ ପ୍ରେରଣ ଅବ୍ୟାହତ ରହିବ । ଦେଶର ଅନ୍ୟାନ୍ୟ ଯେଉଁ ନଗରୀଗୁଡ଼ିକ ସହ ଏଭଳି ସଂଯୋଗ ରେଳବାଇ ଜରିଆରେ ହୋଇଛି ସେଗୁଡ଼ିକ ହେଲା- ଭୋପାଳ, ଆହ୍ଲାବାଦ, ଡ଼େରାଡ଼ୁନ, ବାରାଣାସୀ, ଅହମ୍ମଦାବାଦ, ଭଦୋଦରା, ରାଂଚି, ଗୋରଖପୁର, ଥିରୁଭନନ୍ତପୁରମ୍‌, ସାଲେମ୍‌, ୱାରାଙ୍ଗଲ, ବିଜୟଓ୍‌ବାଡ଼ା, ବିଶାଖାପଟ୍ଟନମ୍‌, ରାଉରକେଲା, ବିଳାଶପୁର, ଭୁସାୱାଲ, ଟାଟାନଗର, ଜୟପୁର, ଝାନସୀ, ଆଗ୍ରା, ନାସିକ, ନାଗପୁର, ଅକୋଲା, ଜଲଗାଓଁ, ସୁରଟ, ପୁନେ, ରାୟପୁର, ପାଟନା, ଆସାନସୋଲ, କାନପୁର, ଜୟପୁର, ବିକାନିର, ଆଜମେର, ଗ୍ୱାଲିଅର, ମଥୁରା, ନେଲ୍ଲୋର, ଜବଲପୁର ଇତ୍ୟାଦି ।

ଯେଉଁସବୁ ସ୍ଥାନରେ ଚାହିଦା କମ୍‌ ସେହିସବୁ ରୁଟରେ ଟ୍ରେନଗୁଡ଼ିକ ଚଳାଚଳ କରୁଛି ଯଦ୍ୱାରା ଦେଶରେ କୌଣସି ଭାଗ ଯେଭଳି ରେଳବାଇ ଦ୍ୱାରା ଅପହଞ୍ଚ ନରହେ । ଟେନଗୁଡ଼ିକ ବାଟରେ ସମସ୍ତ ସମ୍ଭାବ୍ୟ ସ୍ଥାନରେ ଅଟକିବାର ସୁଯୋଗ ମଧ୍ୟ ଦିଆଯାଇଛି ଯଦ୍ୱାରା ସର୍ବାଧିକ ପାର୍ସଲ ପଠାଯାଇପାରିବ ।

ସମସ୍ତ ରାଜ୍ୟ/କେନ୍ଦ୍ରଶାସିତ କ୍ଷେତ୍ରର ସଚିବ, ଉଦ୍ୟାନ କୃଷି ବିଭାଗର ମିଶନ୍‌ ନିର୍ଦ୍ଦେଶକମାନଙ୍କ ସହ ଭିଡ଼ିଓ କନଫରେନ୍ସିଂର ଆୟୋଜନ କରାଯାଇଛି ଏବଂ ସେମାନଙ୍କୁ ସମସ୍ତ ଉପଲବ୍ଧ ସ୍ୱତନ୍ତ୍ର ଟ୍ରେନ୍‌ ଯାହାକି ପଚନଯୋଗ୍ୟ ସାମଗ୍ରୀ ଯଥା ଫଳ, ପନିପରିବା, କ୍ଷୀର ଓ ଦୁଗ୍ଧଜାତ ଉତ୍ପାଦ ଓ କୃଷି ପାଇଁ ଆବଶ୍ୟକ ବିହନ ପରିବହନ ପାଇଁ ଯାତାୟାତ କରୁଛି ସେ ସଂପର୍କରେ ସେମାନଙ୍କୁ ସୂଚୀତ କରାଯାଇଛି । ଏହି ଭିଡ଼ିଓ କନଫରେନ୍ସିଂରେ ଦେଶର 76ଜଣ ଅଧିକାରୀ ଅଂଶଗ୍ରହଣ କରିଥିଲେ ଏବଂ DAC&FWର ଅତିରିକ୍ତ ସଚିବ, ରେଳବାଇ ବୋର୍ଡ଼ର ଅତିରିକ୍ତ ସଦସ୍ୟ(କମର୍ସିଆଲ୍‌), ରେଳବାଇ ବୋର୍ଡ଼ର ଇଡ଼ିଗଣ ଏବଂ CONCOR, SFAC, NHB ତଥା ବିଭାଗର ଅନ୍ୟାନ୍ୟ ବହୁ ବରିଷ୍ଠ ଅଧିକାରୀ ସାମିଲ ହୋଇଥିଲେ ।

ସମସ୍ତ ରାଜ୍ୟର ମିଶନ ନିର୍ଦ୍ଦେଶକ ଓ ରାଜ୍ୟ/କେନ୍ଦ୍ରଶାସିତ କ୍ଷେତ୍ରର ସଂପୃକ୍ତ ବିଭାଗର ସଚିବମାନଙ୍କୁ ସେମାନଙ୍କର ସାମଗ୍ରୀ ପରିବହନ ନିମନ୍ତେ ରେଳବାଇ ପକ୍ଷରୁ ପ୍ରଚଳିତ ଏପରି ସ୍ୱତନ୍ତ୍ର ଟ୍ରେନ୍‌ ବ୍ୟବସ୍ଥାରୁ ଫାଇଦା ନେବାଲାଗି ପରାମର୍ଶ ଦିଆଯାଇଛି ।

ରେଳବାଇ ବୋଡ଼ର ଅତିରିକ୍ତ ସଚିବ (କମର୍ସିଆଲ୍‌) ପ୍ରସ୍ତାବ ଦେଇଛନ୍ତି ଯେ ଯଦି ସେମାନେ ରାଜ୍ୟମାନଙ୍କଠାରୁ କୌଣସି ନୂତନ ରୁଟ୍‌ କିମ୍ବା ଷ୍ଟପେଜ୍‌ ସଂପର୍କରେ ଦାବି ପାଆନ୍ତି,  ତୁରନ୍ତ ସେମାନେ ଏହା ଉପରେ ଆବଶ୍ୟକ କାର୍ଯ୍ୟନୁଷ୍ଠାନ ଗ୍ରହଣ କରିବେ ।

ବିଭିନ୍ନ ଜୋନର ସମସ୍ତ ପିଆର ସିସିଏମ/ଚିଫ୍‌ କମର୍ସିଆଲ୍‌ ମ୍ୟାନେଜର, ବୁକିଂ କରିବାର ବିଧି, ସ୍ୱତନ୍ତ୍ର ଟ୍ରେନର ସମୟ ନିର୍ଘଣ୍ଟ ଏବଂ ମାଲ କାଲକୁଲେଟର ସମସ୍ତ ଅଧିକାରୀମାନଙ୍କୁ ଅବଗତ କରାଯାଇଛି ଏବଂ ଏହାକୁ ବ୍ୟାପକ ଭାବେ ପ୍ରସାରିତ କରିବା ଲାଗି ପରାମର୍ଶ ଦିଆଯାଇଛି ।

ପାର୍ସଲ ସ୍ୱତନ୍ତ୍ର ଟ୍ରେନ ସଂପର୍କୀତ ବିସ୍ତୃତ ବିବରଣୀର ଲିଙ୍କ୍‌ ଭାରତୀୟ ରେଳବାଇର ୱେବ୍‌ସାଇଟ୍‌ indianrailways.gov.inରେ ଉପଲବ୍ଧ ।

ପାର୍ସଲ ସ୍ୱତନ୍ତ୍ର ଟ୍ରେନ ସଂପର୍କୀତ ପ୍ରତ୍ୟକ୍ଷ ଲିଙ୍କ୍‌ର ବିସ୍ତୃତ ବିବରଣୀ ନିମ୍ନ ୱେବସାଇଟରେ ଉପଲବ୍ଧ:

https://enquiry.indianrail.gov.in/mntes/q?opt=TrainRunning&subOpt=splTrnDtl

 

*************

(Release ID: 1613608) Visitor Counter : 205