କୋଭିଡ19ର ମୁକାବିଲା ଲାଗି ଭାରତ ସରକାର ଆଜି ପିପିପି ମୋଡରେ ବିକଶିତ ଏକ ମୋବାଇଲ ଆପର ଶୁଭାରମ୍ଭ କରିଛନ୍ତି  । ଏହି ଆପର ନାମ ହେଉଛି ‘ଆରୋଗ୍ୟ ସେତୁ’ । ଏହା ଡିଜିଟାଲ ପଦ୍ଧତିରେ କରୋନା ସଂକ୍ରମଣ ସମ୍ପର୍କରେ ଜାଣିବା ପାଇଁ ଲୋକଙ୍କୁ ସହାୟତା ପ୍ରଦାନ କରିବ । ଏହି ଆପ ଆର୍ଟିଫିସିଆଲ ଇଣ୍ଟେଲିଜେନ୍ସ, ବ୍ଲୁ ଟୁଥ ଟେକ୍ନୋଲୋଜି ଏବଂ ଆଲଗୋରିଦମ ସହାୟତାରେ କାର୍ଯ୍ୟକରିବ । ଏଥିପାଇଁ ଏହି ଆପକୁ ଯେକୌଣସି ସ୍ମାର୍ଟଫୋନରେ ପ୍ରଥମେ ଇନଷ୍ଟାଲ କରିବାକୁ ପଡିବ । ଏହି ଆପ ଚତୁଃପାର୍ଶ୍ଵରେ ଥିବା ଅନ୍ୟାନ୍ୟ ସ୍ମାର୍ଟଫୋନ ଯେଉଁଥିରେ କି ଆରୋଗ୍ୟ ଆପ ଇନଷ୍ଟାଲ ହୋଇଥିବ ଏବଂ ସେ ମୋବାଇଲ ବ୍ୟବହାର କରୁଥିବା ବ୍ୟକ୍ତି ଯଦି କରୋନା ସଂକ୍ରମିତ ହୋଇଥିବେ ତେବେ ଏହା ଗଣନା କରି ଆପଣଙ୍କୁ ସୂଚୀତ କରିଦେବ ।  ଏହି ଆପରେ ପ୍ରଦାନ କରାଯାଇଥିବା ବ୍ୟକ୍ତିଗତ ତଥ୍ୟ ସମ୍ପୂର୍ଣ ସୁରକ୍ଷିତ ଏବଂ ଏହା ଗୋପନୀୟତା ରକ୍ଷା କରିବ । ଏହା 11 ଟି ଭାଷାରେ ଉପଲବ୍ଧ ହେବ । କରୋନା ପରି ଏକ ଆନ୍ତର୍ଜାତିକ ମହାମାରୀର ମୁକାବିଲାରେ ଏହା ସରକାରଙ୍କ ସହାୟତା କରିବ । ସ୍ୱାସ୍ଥ୍ୟ ସେବା କ୍ଷେତ୍ରରେ ଡିଜିଟାଲ ଟେକ୍ନୋଲୋଜି ପ୍ରୟୋଗର ଏହା ଶ୍ରେଷ୍ଠ ନିଦର୍ଶନ ।

 

************

(Release ID: 1610503) Visitor Counter : 181