ଆୟୁଷ୍ମାନ ଭାରତର ଆୟୁଷ ହେଲ୍‌ଥ ଆଣ୍ଡ ୱେଲନେସ୍ ସେଣ୍ଟର (ଆୟୂଷ ଏଚ୍‌ଡବ୍ଲ୍ୟୁସି) ଉପାଦାନକୁ ରାଷ୍ଟ୍ରୀୟ ଆୟୁଷ ମିସନ (ଏନ୍‌ଏଏମ୍‌)ରେ ସାମିଲ କରିବାକୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ୍ ଅନୁମୋଦନ କରିଛି ।

ଏହି ପ୍ରସ୍ତାବ ଅନୁସାରେ 5 ବର୍ଷ ଅର୍ଥାତ୍ 2019-20 ରୁ 2023-24 ମଧ୍ୟରେ ଆୟୁଷ ଏଚଡବ୍ଲ୍ୟୁସି କାର୍ଯ୍ୟକାରୀ କରିବା ପାଇଁ 3399.35 କୋଟି ଟଙ୍କା (2209.58 କୋଟି ଟଙ୍କା କେନ୍ଦ୍ର ଭାଗ ଓ 1189.77 କୋଟି ଟଙ୍କା ରାଜ୍ୟ ଭାଗ ଆକାରରେ) ଖର୍ଚ୍ଚ ହେବ ।

ଏନ୍‌ଏଏମ୍ ଅଧୀନରେ ଆୟୁଷ ଏଚ୍‌ଡବ୍ଲ୍ୟୁସି ଉପାଦାନ କାର୍ଯ୍ୟକାରୀ ଦ୍ୱାରା ନିମ୍ନଲିଖିତ ଉଦ୍ଦେଶ୍ୟ ହାସଲ ହେବ:

1. ଆୟୁଷ ସିଦ୍ଧାନ୍ତ ଓ ପ୍ରାକ୍ଟିସ ଆଧାରରେ ପ୍ରତିଷେଧକ ପ୍ରୋତ୍ସାହନମୂଳକ, ଆରୋଗ୍ୟମୂଳକ, ଉପଶମକାରକ ସ୍ୱାସ୍ଥ୍ୟସେବାକୁ ଗୁରୁତ୍ୱ ଦେଇ ଏହାକୁ ପୁରୁଣା ଜନସ୍ୱାସ୍ଥ୍ୟ ସେବା ବ୍ୟବସ୍ଥା ସହ ସମନ୍ୱିତ କରି ଏକ ସାମଗ୍ରିକ ୱେଲନେସ୍ ମଡେଲ ସ୍ଥାପନ ।

2. ଲୋକମାନଙ୍କ ପାଇଁ ଆୟୁଷ ଚିକିତ୍ସା ସେବାର ବିକଳ୍ପ ଯୋଗାଇବା ।

3. ଆୟୁଷ ସେବାରେ ଜୀବନଶୈଳୀ, ଖାଦ୍ୟପେୟ, ଯୋଗ, ଔଷଧୀୟ ବୃକ୍ଷ ସମ୍ପର୍କରେ ଗୋଷ୍ଠୀ ସଚେତନତା ଏବଂ ଆୟୁଷ ବ୍ୟବସ୍ଥାର ସବଳତା ଅନୁସାରେ ବଛାବଛା ସ୍ଥିତି ପାଇଁ ମେଡିସିନ ବ୍ୟବସ୍ଥା କରାଇବା ।

ଆୟୁଷ ମନ୍ତ୍ରଣାଳୟ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ, ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ଏବଂ ଅନ୍ୟ ମନ୍ତ୍ରଣାଳୟ ସହ ଆଲୋଚନା କରି ସାରା ଦେଶରେ 12,500 ଆୟୁଷ ହେଲ୍‌ଥ ଆଣ୍ଡ ୱେଲନେସ୍ ସେଣ୍ଟର ପରିଚାଳନା ପାଇଁ ନିମ୍ନଲିଖିତ 2ଟି ମଡେଲର ପ୍ରସ୍ତାବ ଦେଇଛି ।

- ପୁରୁଣା ଆୟୁଷ ଡିସ୍‌ପେନସରୀର ଆଧୁନିକୀକରଣ (ପାଖାପାଖି 10,000)

- ପୁରୁଣା ଉପ ସ୍ୱାସ୍ଥ୍ୟ କେନ୍ଦ୍ର (ଏସ୍‌ଏଚ୍‌ସି)ଗୁଡ଼ିକର ଆଧୁନିକୀକରଣ (ପାଖାପାଖି 2,500)

ଲାଭ:

 - ଶସ୍ତା ଚିକିତ୍ସା ମାଧ୍ୟମରେ ସାର୍ବଜନୀନ ସ୍ୱାସ୍ଥ୍ୟ କଭରେଜ ହାସଲ ପାଇଁ ସମ୍ପ୍ରସାରିତ ମାର୍ଗ ପ୍ରଶସ୍ତ ହେବ।

- ଦ୍ୱିତୀୟ ଓ ତୃତୀୟକ ସ୍ତରର ସ୍ୱାସ୍ଥ୍ୟସେବା ବ୍ୟବସ୍ଥା ଉପରୁ ବୋଝ ହ୍ରାସ କରିବ ।

- ‘ଆତ୍ମ ଯତ୍ନଶୀଳ’ ମଡେଲ କାରଣରୁ ଏହା ଲୋକମାନଙ୍କ ବ୍ୟୟ କମାଇବ ।

- ନୀତି ଆୟୋଗ ଦ୍ୱାରା ବାଧ୍ୟତାମୂଳକ ହୋଇଥିବା ଏସ୍‌ଡିଜି-3 କାର୍ଯ୍ୟକାରିତାରେ ସମନ୍ୱିତ ହେବ ଆୟୁଷ ।

- ଧାର୍ଯ୍ୟ କ୍ଷେତ୍ରରେ ସାମଗ୍ରିକ ୱେଲନେସ୍ ମଡେଲ କାର୍ଯ୍ୟକାରୀ ହୋଇପାରିବ ।

ସୂଚନାଯୋଗ୍ୟ ଯେ ଜାତୀୟ ସ୍ୱାସ୍ଥ୍ୟ ନୀତି 2017ରେ ଏକ ବହୁମୁଖୀ ସମନ୍ୱିତ ସ୍ୱାସ୍ଥ୍ୟସେବା ବ୍ୟବସ୍ଥା ଅଧୀନରେ ଆୟୁଷ ବ୍ୟବସ୍ଥା (ଆୟୁର୍ବେଦ, ଯୋଗ ଓ ପ୍ରାକୃତିକ ଚିକିତ୍ସା, ୟୁନାନୀ, ସିଦ୍ଧ, ସୋସ୍‌-ରିଗ୍‌ପା ଓ ହୋମିଓପାଥି)କୁ ମୁଖ୍ୟସ୍ରୋତକୁ ଆଣିବା ପାଇଁ ପ୍ରସ୍ତାବ ଦିଆଯାଇଥିଲା ।

ବ୍ୟାପକ ପ୍ରାଥମିକ ସ୍ୱାସ୍ଥ୍ୟସେବା ଯୋଗାଇବା ଉଦ୍ଦେଶ୍ୟରେ ପୁରୁଣା ଉପ ସ୍ୱାସ୍ଥ୍ୟ କେନ୍ଦ୍ର ଓ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରଗୁଡ଼ିକୁ ବଦଳାଇ 1.5 ଲକ୍ଷ ହେଲ୍‌ଥ ଆଣ୍ଡ ୱେଲନେସ୍ ସେଂଟର ସୃଷ୍ଟି ପାଇଁ 2018 ଫେବ୍ରୁଆରୀରେ ଭାରତ ସରକାର ନିଷ୍ପତ୍ତି ନେଇଥିଲେ ।

ଆୟୁଷ୍ମାନ ଭାରତ ଅଧୀନରେ ମୋଟ ଉପ ସ୍ୱାସ୍ଥ୍ୟ କେନ୍ଦ୍ରରୁ 10% ଅର୍ଥାତ୍ 12,500 କେନ୍ଦ୍ରକୁ ଆୟୁଷ ମନ୍ତ୍ରାଳୟ ହେଲ୍‌ଥ ଆଣ୍ଡ ୱେଲନେସ୍ ସେଂଟର ଭାବେ ପରିଚାଳନା କରିବ ବୋଲି ନିଷ୍ପତ୍ତି ହୋଇଥିଲା ।

ଆୟୁଷ ସିଦ୍ଧାନ୍ତ ଓ ପ୍ରାକ୍ଟିସ ଆଧାରରେ ସାମଗ୍ରିକ ୱେଲନେସ୍ ମଡେଲ ସ୍ଥାପନ କରି ଜନସାଧାରଣଙ୍କୁ ‘ଆତ୍ମ ଯତ୍ନଶୀଳ’ କରାଇ ରୋଗ ବୋଝ ଓ ସେମାନଙ୍କ ବ୍ୟୟ କମାଇବା ଓ ଲୋକମାନଙ୍କୁ ଏକ ଉପଯୁକ୍ତ ବିକଳ୍ପ ପ୍ରଦାନ କରିବା ଏହି ପ୍ରସ୍ତାବର ଲକ୍ଷ୍ୟ ।

 

***********

 

(Release ID: 1607833) Visitor Counter : 181