وزیر مملکت برائے سماجی انصاف وتفویض اختیارات جناب رتن لال کٹاریا نے راجیہ سبھا میں ایک سوال کے تحریری جواب میں بتایا کہ محکمہ سماجی انصاف وتفویض اختیارات نے راشٹریہ وایوشری یوجنا  کے نام سے یکم اپریل 2017 کو مرکزی شعبے کی ایک اسکیم شروع کی تھی، جس کا مقصد خط افلاس سے نیچے زندگی بسر کرنے والے  اورعمر سے متعلق کسی مرض میں مبتلا بزرگ افراد کو زندگی کے لیے کارآمد آلات اور سامان فراہم کرانا ہے، تاکہ ان کے جسمانی افعال میں ہونے والی تکلیفوں اور کمزور وناتوانائی سے پیدا ہونے والی بیماریوں کا علاج اور سدباب کیا جاسکے۔ بزرگ معذور افراد کو فراہم کرائے جانے والے اس امدادی سامان میں واکنگ اسٹک، بیساکھیاں، واکرز، بیساکھیاں، ٹرائی پوڈ؍قواد پوڈ، آلات سماعت اور وہیل چیئرز، مصنوعی دانت، بصارت کی کمی پر قابو پانے والے چشمے شامل ہیں۔ یہ تمام سامان خط افلاس سے نیچے زندگی بسر کرنے والے زمرے کے اُن بزرگ افراد کو مفت فراہم کرائے جاتے ہیں، جو بزرگی کی عمر میں پیدا ہونے والے امراض مثلاً ذیابیطس، کمزوری اور ناتوانی کے نتیجے میں پیدا ہونے والے نقص بصارت اور نقص سماعت ، دانتوں سے محرومی اور پاگل پن جیسے امراض میں مبتلا لوگوں کو کیمپوں کا اہتمام کرکے یہ سازوں وسامان فراہم کرایا جاتا ہے۔

اس اسکیم پر  وزارت  سماجی انصاف وتفویض اختیار کے پبلک سیکٹر کے ادارے آرٹیفشیل لمبس  مینوفیکچرنگ کارپوریشن  (اے ایل آئی ایم سی او) کے ذریعہ عمل درآمد کیا جارہا ہے کہ اس ادارے کو عمل آور ایجنسی کا درجہ تفویض کیا گیا ہے۔ آر وی وائی کی اس اسکیم کی سرمایہ کاری‘سینئر سیٹزن ویلفیئر فنڈ’ کے ذریعہ کی جارہی ہے۔ اس اسکیم کے تحت اب تک ایسے 138 ڈسٹریبوشن کیمپوں کا اہتمام آر وی وائی کے تحت کیا جاچکا ہے جن میں یہ امدادی سازو سامان تقسیم کیاگیا ہے۔

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

****

 ( م ن ۔س ش ۔ ع ر)

U-1331

(Release ID: 1607067) Visitor Counter : 116